سوق السيارات في الحي العاشر

[white_blanco]

فعلا كل كلامكم صحيح مليون في الميه

جزاكم الله خيرا

[esam_comm]

ياجماعه زي مافي الوحش في الكويس انا قبل كه اشتريت لابن خالي ابيزا من هناك كانت تحفه اهم حاجه انك بجد تعمل بالنصايح اللي قولتهالك قبل كده وخد سمكري علشان انا اشتريت من هناك كتير لاقاربي وماتنساش تسال علي شهاده المخالفات والبيانات

[supermorsy]

شكرا جدا يا شباب بس دلوقت انا اخد معايا سمكري بس هكشف علي ميكانيكا العربيه نفسها فين خصوصا ان خبرتي متواضعه ptmnlo123per144 و حكايه الشهر العقاري ديه ازاي يعني أسيب عربون لصاحب العربيه و أعمل عقد و أسجله في العقاري ولا أيييييييييه و أسف للاطاله بس خايف أشيل الليله في حاجه وحشه و شكر يا شباب

[د./أليشع ثابت]

المشاركة الأصلية كتبت بواسطة supermorsy شكرا جدا يا شباب بس دلوقت انا اخد معايا سمكري بس هكشف علي ميكانيكا العربيه نفسها فين خصوصا ان خبرتي متواضعه ptmnlo123per144 و حكايه الشهر العقاري ديه ازاي يعني أسيب عربون لصاحب العربيه و أعمل عقد و أسجله في العقاري ولا أيييييييييه و أسف للاطاله بس خايف أشيل الليله في حاجه وحشه و شكر يا شباب

زى ما تفضل الاستاذ / عصام بالكلام الفاضل

تاخد سمكرى و على فكرة كمان أفضل من السمكرى البوهيجى ( بتاع الدوكو )

لانة عينة زى الملقاط و عن تجارب طبعا

يعنى عينة بتجيب أى جزء مرشوش حتى لو صغير و فى أى جزء داخلى أو خارجى

و طبعأ لو العربية مفهاش أى رش يبقة منطقيأ كصاج فابريكة

السمكرى ممكن عينة تخونة لو الرش معمول بصنعة عالية

لكن الرش عمرة ما يعدى على بتاع الدوكو

أما الموتور فدة سهل أكتشاف مشاكلة و اى واحد يفهم فى العربيات و لو بنسبة معقولة هيعرف

مثلا من صوت الموتور و اثناء تزويد الموتور بالضغط على البنزين و غيرة

و طبعا هتجرب العربية و تركب معاة و هتبان لو فية اى نتشة و لا حاجة

[khaledsamo]

أخي العزيز اللي ناوي يشتري سيارة من سوق السيارات بالعاشر

نصيحة :::::::
يا ريت ما تشتريش من التجار !!!!!!!!!!!!!
و لو اشتريت منهم يبقي زنبك علي جنبك
و لو قلنا اخذت معاك ميكانيكي - سمكري - بوهيجي : فأنت ممكن تتباع وقتي اي كانت معرفتك بيهم

المهم اهم حاجة تشتري سيارة من شخص عادي --- و صدقني في عربيات نظيفة في السوق -- بس مش من تجار (( خلي بالك من تجار المنص...... ) اوعاك

الأجراءات :
1- شهادة بيانات العربية اللي هتشتريها متكونش مر عليها 15 يوم -- مهم قوي -- علشان ما تتدبسش في المخالفات
2- عقد بيع ابتدائي و دفع عربون و ميكونش مبلغ عالي من تمن السيارة
3- التوجة في الحال لنقل الملكية في الشهر العقاري اللي بجوار السوق --- علشان ربنا يستر و تنقل باسمك ان شاء الله
4- لو العربية فيها اكتر من توكيل --- ياريت متشتريش
5- بعد كدة طبعا التوجة للمرور التابعلة سيادتكم لترخيص السيارة و استخراج رخصة سيارة باسمك

و ربنا يبارك فيك و الف مبروك مقدما