سوق السيارات في الحي العاشر
 

سلام عليكم
أزيكم يا رجاله انا من حوالي 4 5 أيام كده كنت عملت موضوع عشان أستفسر عن عربيه في حدود 30:32 من دول(شاهين-كيا برايد - سكودا فليتشيا)
فاوالله الناس كلها كتر خيرها أقنعتني بالشاهين فأنا لما قررت خلاص أنزل السوق أشتري صدفه و انا بقلب في المواقع لاقيت موضوع قاعد يتكلم عن السوق و التجار النصابين و العربيات البايظه و في الاخر كاتب الموضوع بينصح أن محدش يجيب من سوق العاشر فانا كده أحترت مش عارف أجيب عربيه أزاي و بعدين لما ربنا يكرم و أجي أجيب أيه الحاجات اللي لازم أعملها و أزاي أنقل الملكيه و التراخيص و أشتري منين و أزاي و أكشف عالعربيه في محطه بنزين ولا الاحسن أخد معايا ميكانيكي أنا خلاص أحترررررررررررررررررررررت و تعببببببببببت معلش طولت عليكم بس (وأسألو أهل الذكر ان كنتم لا تعلمون)
و شكراptmnlo123per144ptmnlo123p er144

رد: سوق السيارات في الحي العاشر
 

متحيرش نفسك خد معاك ميكانيكى وانت رايح ومترفعهاش فى البنزينة اما بخصوص العقود والبيع والشراء والتوكيلات فى حالة لو باسم المالك ينقل لك الملكية فى الشهر العقارى اما فى حالة لو توكيل لا بد من اععطائك كل اوراق والتوجة معك الى الشهر تاعقارى

رد: سوق السيارات في الحي العاشر
 

لية بأه دى تانى مره أسمع الحوار دة ?

رد: سوق السيارات في الحي العاشر
 

بص ياسيدي اولا النصيحه مش انك تاخد ميكانيكي خد سمكري ويكون معروف بالنسبه لك حدقريبك يعرفه من منطقتك وماتروحش البنزينات اللي جنب السوق لانهم بيكشفو علي الموتور ومابيفهموش في الصاج يعني القوايم والشاسيه والكرتيرات وكده يعني

ثانيا اي عربيه تكون دقهليه متقربلهاش لانهم بيلعبوا في العربيات جامد ونصيحه خد العربيه اللي من نفس وحده المرور بتاعتك او علي الاقل تكون نفس المحافظه

ثالثا يوجد مكتب شهر عقاري بالسوق يعمل يوم الجمعه وهو متخصص في انهاء الاورق وده اضمن احسن تسيب عربون او اي حاجه من الحاجات دي


لاتنسي السمكري في الكشف عن العربيات افضل من الميكانيكي مليون مره ولازم تروح الصبح بدري جدااا يعني الساعه 8 والتجار شكلهم باين وماتشتريش العربيه اللي فيها توكيل اشتري اللي اسم اللي بيبعهالك في الرخصه والله المستعان

ربنا يوفقك

رد: سوق السيارات في الحي العاشر
 

عن تجربة .... ابعد عن سوق الجمعة و غنيله
لكن لو كنت مصر و مفيش قدامك غير كدة فأنا موافق تماما على كلام الزميل عصام لأن عيوب الميكانيكا أوضح كتيييييييييير من عيوب السمكرة
و ربنا يوفقك