ايهما افضل ارجو النصيحه
 

ارغب فى شراء سيارة جديدة وعلى اد فلوسى وعلشان كدة اصبح اختيارى بين سيارتين فورد اسكورت 1300 سى سى وبين رينو رينبو فارجو مساعدتى ومقارنه السيارتين من حيث السحب والثبات والارتفاع عن الارض وسهوله الصيانه والراحه ومتعه القيادة عارف انهم مش بياعين وان قطع غيارهم غاليه شويه بس انا مهتم بسيارة قويه وثابته وسريعه ومريحه وجميله وسهله الصيانه يعنى اى ميكانيكى يشتغل فيها وكذلك بالنسبه لصوت الموتور ارجو الاهتمام والرد وشكرا

رد: ايهما افضل ارجو النصيحه
 

رد: ايهما افضل ارجو النصيحه
 

واضح إن عندك معلومات عن العربيتين بس مش كاملة.. بص يا باشا الإسكورت عربية جميلة زي كل الفورد و صيانتها مش صعبة بس صوت موتورها عالي حبتين و قطع غيارها مش مغرقة السوق.. أما الرينو فأنا لا أحبذها لأن سمعة الرينو وسط الميكانيكية و تجار قطع الغيار مش كويسة و ده هايخليك تكره العربية حتى لو حالتها زيرو.. و بالتوفيق

رد: ايهما افضل ارجو النصيحه
 

و ده مش معناه إن الرينبو عربية وحشة بالعكس أنا سوقتها زمان و عارف إمكانياتها بس ده رأيي و اللي فيه الخير ربنا يوفقك ليه

رد: ايهما افضل ارجو النصيحه
 

بص يا بااشا انا بصراحه قبل اي حاجه لا عمري حبيت رينو ولا ركبتها بس واحد صاحبي اشتري رينو رينبو من 6 شهور طبعااا كلنا قلنا له ايه يا بني اللي وقعك الوقعه السوده ما انت كنت راكب سوزوكي سويفت وباشا المهم انا هانقل لك تجربته بالنسبه لقطع الغيار قطع غيارها مش غاليه خااااااااااالص واللي يقولك غير كده ما يعرفش حاجه عن الرينبو او بيتكلم عن الكليو او الميجان لكن الرينبو قطع غيارها حنينه فانوس قدام ب 150 طقم تيل اسباني ب 70 وكل قطع غيارها ف التوفيقيه او شارع دمشق
بالنسبه للصيانه صيانه الرينو الانجكشن قررررررررررررف لكن الرينبو كاربيراتييييييير وصيانتها عاديه جداااا وبيشتغل فيها عند نفس الميكانيكي اللي انا باتعامل معاه مع انه لا متخصص فرنسي ولا حاجه
اخر حاجه الثبات هاقولك صاحبي ده اتقابلنا ف يوم لقيته بيقولي كنت هاموت النهارده ليه ياعم قالي عربيه نص نقل ع السريع شايله شكاير دقيق و وقعت شيكاره وانا جاي من ورااااعلي 120 راحت موقعه الشيكاره قمت دايس ع الشيكاره وانا علي 120العربيه عومت شويه مني بس عدلت نفسها ف الاخر وطبعا بعد الكشف ع العربيه لقيناها سليمه مع ان لو عربيه نص نص هاتفتح شاسيه يعني هاتفتح شاسيه
الخلاصه دوس ف الرينو وانزل بنفسك اسأل علي قطع غيارها
واللي انا باكلمك عنه ده صاحبي واخويا وكل يوم مع بعض يعني مش واحد بيشكر ف عربيته ليا وهو ركب قبلها فيليشيا وبعدين سويفت ودلوقتي رينبو وهو بيحمد ربنا عليها وخلاص قرر يستقر معاها