مصر موتورز مجتمع السيارات - مفتاح السيراتو ضاع مني أعمل إيه

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - مفتاح السيراتو ضاع مني أعمل إيه (https://www.masrmotors.com/vb/showthread.php?t=31089)

مفتاح السيراتو ضاع مني أعمل إيه

السمارت كي بتاع النيو سيراتو ضاع مني أمام البيت ... أنا كنت بسقي الجنينة إللي قدام البيت قبل المغرب سألت كتير مفيش فايده وتقريبا وقع من جيبي محستش بيه غير الساعة عشرة بالليل بعد ما صليت العشاء ... مش عارف لأعمل إيه أنا نعايا واحد سبير بس إللي معاه المفتاح ده يقدر يعمل أي حاجه في العربية .... أعمل إيه يا ذوي الخبره ... هل من الممكن تغيير البرمجه بين المفتاح والعربية بحيث يتم إيقاف عمل المفتاح التاني ... عااااااااااااااجل محتاج مساعدهايه ياترى

رد: مفتاح السيراتو ضاع مني أعمل إيه

SLEEEP ارجع للتوكيل ولازم تغيره بسرعة

رد: مفتاح السيراتو ضاع مني أعمل إيه

اقتباس:

المشاركة الأصلية كتبت بواسطة dr.death (المشاركة 219097)

SLEEEP ارجع للتوكيل ولازم تغيره بسرعة

التوكيل عايز 1250 جنيه بخلاف 100 برمجه ... ولو كنت خليجي يبقي عايز 4000 جنيه عشان يدخلك الضمان ... يعني المفتاح يقف ب5350 جنيه إيه رأيكwhat

رد: مفتاح السيراتو ضاع مني أعمل إيه

5350 جنيه علشان مفتاح, ده دول يكفوك تجرش بيهم العربية فى جراج محترم مدى الحياة.

من وجهة نظرى الحلول كالتالى:-

1- جراج نضيف فى المنطقة يريح حضرتك من مشاكل الركن وتبقى مستريح من ناحية أمن العربية.
2-ممكن تجرب تعمل المفتاح بره, بس ده أكيد مفتاح KEY LESS أو العربية فيها أيموبلايزر يادى المصيبة مينفعش.
3- ممكن تغير وتجيب كوالين وتغير الكونتاكت وموال كبير قوN بس مش هتبقى خايف عليها.
4- حضرتك أنزل دور على المفتاح, ووصى بواب العمارة يدور عليه, ويحط عينه على العربية.
5-الدنيا لسه بخير ولو حد لقى المفتاح ممكن يدور على صاحبه, وممكن ياخد المفتاح ويرميه أو يحطه فى ميدالية مفاتيحه وخلاص.
6- حضرتك لازم تجيب عصاية الدركسيون بتاعة السرقة وتركبها, وتخلع وش الكاسيت وتاخده معاك, وممكن لو حضرتك بتفهم فى الكهرباء تاخد الفيوز بتاع طرمبة البنزين معاك علشان العربية متمشيش خالص, والكلام ده لمدة شهر ولا حاجة بس, علشان الحرامى لاقدر الله مش هيدخل العربية وهى مفيهاش حاجة تتسرق.

طبعا أنسب حلين هما بتاع الجراج والتدوير على المفتاح, وعصاية الدركسيون بالمرة.
وموقف حضرتك صعب قوى وربنا يعينك وتلاقى المفتاح.

رد: مفتاح السيراتو ضاع مني أعمل إيه

يالهوي 5000 علشان اعمل مفتاح ياعم ده لو سرقها ورجعتها مش هتدفع المبلغ ده كله

مفيش اودامك غير حل واحد بس تجيب كلابش الدركسيون اللي بيمسك الدركسيون في التابلوه وتريح دماغك