أنا مقاطع الزيت و محصلش أى مشكلة
 

السلام عليكم
أنا أخر مرة وضعت فيها زيت كان موبيل و العربية كانت عاملة 12000 و بعديها قرأت موضوع كذبة ضرورة تغيير الزيت اللى موجود فى مصر موتورز و اقتنعت بيه و الى الان ماغيرتش الزيت و العربية عاملة حاليا 27000 يعنى بقالى حولى 15000 كم مغيرتش الزيت و مش ناوى أغيروا غير لما العربية تعدى ال 30000 يعنى على 33000 أو 35000 بالكتيير, و طوال حياتى عمرى ماروحت أعمل صيانة و لا روحت لأى مركز خدمة على طول انا اللى مهتم بالعربية بنفسى عشان مبضمنش حد غير ربنا,,
المهم ما هو رأيكم فى فى اطالة مدة تغيير الزيت و هل يوجد حد جرب الموضوع ده قبل كده ؟ فى انتظار الردود

رد: أنا مقاطع الزيت و محصلش أى مشكلة
 

انا جلربته, بصراحة لو العربية زيرو و استعمالها نضيف يعني مش فرك و قرص على الموتور ممكن توصل بالزيت لحد 30 الف كيلو استعمال عادي مع ضرورة انك تكشف على الزيت على الاقل كل اسبوع تشوفه نقص او اتحرق
لكن لو العربيه مستعملة او قديمة شوية الافضل انك تغيره كل فتره محددة
بس انا اعتقد ان موضوع عدم تغيير الزيت لفترات طويلة مناسب اكتر لاوروبا نظرا لبرودة الجو هناك , لكن هنا ارتفاع درجات الحرارة بيؤدي لفقد الزيت لزوجته

رد: أنا مقاطع الزيت و محصلش أى مشكلة
 

هههه هو من ناحية الفرك و القرص فا انا بقرص الماتور على طوول عشان طول عمرى مستعجل فى مواعيدى و لحد الان محستش بضعف فى اداء المحرك و العربية اساسا خليجى 2009 و شكرا على مشاركتكGIFT4U

رد: أنا مقاطع الزيت و محصلش أى مشكلة
 

السلام عليكم ورحمة الله وبركاتة
انا مجرب الموضوع دة اخى الكريم فى اكثر من عربية وكمان عربيات موديل قديم ومشى كولة نصفة سفر والحمد لله ما حصلش اى حاجة وكان لى صديق معاة عربية مازدا 323 موديل 82 سنة كاملة ما حطش نقطة زيت فيها وسنة دى معانا يعنى كيلو متر كبير جدا لان اقل مشوار من عندنا رايح جاى 100 كيلو والعربية دى وبدون مبالغة انا اما كنت بركبها من النادر انى كنت اشوف عربية بتعدى من شمالى وموضوع الحر او البرد دة غير مؤثر على الزيت اطلاقا لان فى اضافات زيت ما بتشتغلش الا اما الزيت يسخن اقصد اقول ان زخونة الزيت اكثر افادة ....وبدون ما ندخل فى مناقشات وكيميا انا بتكلم عن تجربتى الشخصية واللى مقتنع بيها

رد: أنا مقاطع الزيت و محصلش أى مشكلة
 

شكرا على المعموملات المفيدة GIFT4U