مصر موتورز مجتمع السيارات - ليه الادا 2107 بتحك فى المطبات ؟؟؟؟؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - ليه الادا 2107 بتحك فى المطبات ؟؟؟؟؟؟؟؟؟؟؟ (https://www.masrmotors.com/vb/showthread.php?t=30191)

ليه الادا 2107 بتحك فى المطبات ؟؟؟؟؟؟؟؟؟؟؟

الموضوع بإختصار اننا أول ما شترينا ال2107 تفاجئت بأن أول ما تركب 3 ورا العربيه تحك فى المطبات ودا موش طبيعى فى الادا وتسرعت بتغيير السوست الخلفيه لظنى انها بقت طريه و مبتستحملش اوزان زايده .
لاكن المشكله طلعت حاجه تانيه خالص و هى ان العربيه لا يوجد بها تجويف لعلبه الشكمان الى فى وسط العربيه زى كل العربيات الى فى الدنيا تقريبا. فحضرتك بتلاقى العربيه عاليه لاكن الشكمان بيحك فى المطبات !!!!!!
عموما حل المشكله دى ان سيادتك بتروح لأى حد بتاع شكمانات يشلك العلبه الى فى النص وترميها فى الزباله و يوصل الماصوره عادى جدا .
مع ملاحظه ان صوت العربيه لم يتغير...

رد: ليه الادا 2107 بتحك فى المطبات ؟؟؟؟؟؟؟؟؟؟؟

انا تغلبت علي هذه المشكلة بوضع عليات كوتش حجمها أكبر من الموجودة في السستة الخلفية . وكده بقت العربية أعلي شوية معقولة عن الأول . و طبعاً موضوع الحك في المطبات اصبح اقل.

رد: ليه الادا 2107 بتحك فى المطبات ؟؟؟؟؟؟؟؟؟؟؟

اقتباس:

المشاركة الأصلية كتبت بواسطة amgad saeed (المشاركة 213564)

عموما انا بعترف انى تسرعت لان السوست الجديده كانت أعلى شويه من القديمه فالعربيه عليت شوىه هى صحيح مبقتش تحك فى المطبات بس بقيت بحس برزعه ورا بعد المطب و دا لأن السوست فاتحه المساعد اكتر من الحجم المفروض فمبيقمش بدوره كويس لكن لما بيكون معايا حد ورا أو فى حاجات فى الشنطه بتكون العربيه احسن فى المطبات عشان كدا انا لا احب تعليه العربيه عن طريق تغيير السوست بأكبر أو وضع علييات(كوتشه طعميه)
بس نفسى أعرف ليييييييه هما مبيسبوش مكان للشكمان يبات فيه تحت العربيه بدل ماهو عمال يحك فى المطبات الى ماشاء الله ماليه البلد

رد: ليه الادا 2107 بتحك فى المطبات ؟؟؟؟؟؟؟؟؟؟؟

عدم وجود تجويف لسبب بسيط و هو وجود تجويف للفتيس و عمود الكردان و الكارونه لان السياره دفع خلفي
فلذلك حتلاقي الشكمان بيحك في المطبات
بالنسبه للاستغناء عن علبه الشكمان
اعتقد انه بيأثر علي سحب الموتور و بيكتم العربيه

رد: ليه الادا 2107 بتحك فى المطبات ؟؟؟؟؟؟؟؟؟؟؟

اقتباس:

المشاركة الأصلية كتبت بواسطة hazem_khidr (المشاركة 213620)

عدم وجود تجويف لسبب بسيط و هو وجود تجويف للفتيس و عمود الكردان و الكارونه لان السياره دفع خلفي
فلذلك حتلاقي الشكمان بيحك في المطبات

أكيد اى شركه محترمه مش هتعمل الشكمان بالشكل الى نازل فى ال2107 الشكمان زى مايكون سايب العربيه ونازل يحك فى المطبات عند
العربيه أكبر مميزاتها ان عفشتها قويه وقطع غيارها رخيصه بس هتلاقى عيوب فى التصميم ومستوى من الراحه سيئ جدا ...
بالنسبه للاستغناء عن علبه الشكمان
اعتقد انه بيأثر علي سحب الموتور و بيكتم العربيه

ارجو التوضيح .....شكرا ليك يا حازم باشا