العلبة دى بتاعة ايه فى الماروتى 2009
انا فكيت الرف الخلفى عند الشنطة
و بعدين فكيت من الشمال الحامل البلاستيك بتاعة من عدد 2 مسمار و بعدين فكيت الجنب الشمال اللى تحتها بيتفك بمفك او تشده جامد لانه كلبسات هتلاقى زور التنك بتاع البنزين و طالع منه خرطوم رفيع بكلبس و رايح على علبة بلاستيك بيضاء بس معرفتش افك تانى عشان عاوز مفك كبير افك الحديدة اللى بتمسك فيها ظهر الكنبة عشان اشوف العلبة دى بتاعة ايه و موجودة اعلى من زور التنك مش تحته ماروتى 2009 كمان فى الكبوت فيه علبة بلاستيك داخل فيها خرطومين تتبعت احدهم لقيته داخل على حاجة صغيرة عاملة زى الفلتر و خارج منها داخل على الكابينة جوه فكيت الكرسى و نزلت اشوف الخرطوم دة رايح فين و بيعمل ايه جوه لقيته داخل فى ماسورة بلاستيك و ماشى فيها معدى تحت ماسورة الدركسيون و خارج الناحية التانية و داخل جوه الرفرف الشمال و معرفتش اكمل وراه المشوار عشان اعرف طريقه رايح فين هل ممكن يكون طالع فوق و معدى فى قايم العربية رايح حته اللى يعرف حاجة يقولى احسن هتجنن كل شوية الاقى حاجة و مش عارف دى بتاعة ايه و لو باظت اعرف ازاى انها باظت و لو حتى اسمها ايه و بتعمل ايه و لو عطلت بتأثر على ايه<!-- google_ad_section_end --> |
رد: العلبة دى بتاعة ايه فى الماروتى 2009
ما شاء الله ايه الدعبسة دى كلها
عالعموم صعب الرد من غير صور بس بالنسبة للعلبة الى جنب التنك دى احتمال كبير و الله اعلم علبة الفحم charcoal canister انا الصراحة مش متاكد هى فى الماروتى و لا بس لو الماروتى مزودة بالموضوع ده حيبقى ده تفسير الى انت شايفه و النظام ده فايدته ان بخار البنزين بيروح لعلبة فيها فحم نباتى بيحول البخار لبنزين تانى و فى وقت ما بيفتح صمام للسماح بشفط البنزين الى اتجمع فى العلبة للكاربراتير و بكده يبقى فى توفير فى البنزين و ده برضه تفسير الخرطوم الى جوه الماتور و داخل الصالون احتمال كبير انه واصل لعلبة الفحم |
رد: العلبة دى بتاعة ايه فى الماروتى 2009
اقتباس:
كلامك منطقى لانى لما تتبعته لقيته داخل فى علبة فى الكبوت الامامى طالع منها خرطوم على الكربراتير |
رد: العلبة دى بتاعة ايه فى الماروتى 2009
ربنا يباركلك فيها
و كويس ان ايدك فيها اول باول |
رد: العلبة دى بتاعة ايه فى الماروتى 2009
اقتباس:
فلا يجب ان نبخل عليها فى شىء |
الساعة الآن 11:29 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017