يا أهل الخبرة ،،،،، افتوني
يا شباب ،،،،
أنا قرأت عن تنظيف بلف الايديال (و ده مفهوم) و عمل ايديال ليرن (هوه ده بقي سؤالي ) ايه هوه و بيتعمل ازاي و فين ؟؟؟؟ و سؤالي ده لأن واحد قريبي كان لسه شاريها مستعملة و سافر بعد كده بشهر للخارج و سايب عربيته معايا (اسبرانزا 516 مو 2008) علشان امشيها كده علي خفيف علشان ما تبوظش من الركنة يعني ،،، المهم انها ساعات بتعمل دربكة في السلانسيه و رعشة في الموتور أكن بوجيه يبقطع و ساعات بتبقي شديدة أكثر و الموتور يترعش جامد أكنه ماشي 2 سلندر بس !!!! و كثير بتبقي زي الفل و مافيهاش اي حاجة ، و علي فكرة الموضوع ده مالهوش دعوة بالسخونة او البرودة يعني حاجة كده بتيجي عرضية لنصف دقيقة أو دقيقة كاملة علي اقصي تقدير و تختفي بعد كده لوحدها ملحوظة : لما العربية بتعمل الحركات دي و ازود بنزين بيبقي صوت الموتور عادي و السحب جيد ،، يعني في اعتقادي انها ما بتقطعش بوجيهات فعلا و ان العيب ممكن يكون علي السلانسيه بس !!! فيه ناس قالتلي تكشف علي حساسات الكرنك و الكامة ، و انا بصراحة مالعبتش في انجكشن و الحساسات و الحوارات دي قبل كده و كمان العربية مش بتاعتي و مش عاوز اتدبس في مصاريف بدون لزمه تنصحوني اعمل ايه؟؟؟؟؟؟ و هل الموضوع ده له علاقة بقصة الايديال ليرن الل بسمعكم بتقولوا عليها ؟؟؟؟ |
رد: يا أهل الخبرة ،،،،، افتوني
http://www.masrmotors.com/vb/showthread.php?t=40628
اللينك ده فيه أجابه لسؤالك ده اقتباس:
_________________________ _______ اقتباس:
وتجرب |
رد: يا أهل الخبرة ،،،،، افتوني
ألف مليون شكر ،، علي الاهتمام و سرعة الرد
هل البوابة دي ، المقصود بيها بوابة دخول الهواء للموتور ؟؟ يعني افك الفبرة الكبيرة اللي مكتوب عليها اسبرانزا و كمان الفبر بتاع فلتر الهواء حتي اصل اليها و بعدين ارش عليها DW40 ؟ بالمناسبة الفبرة الكبيرة اللي مغطية الموتور دي بتتفك ازاي ؟؟ حاولت احسس بايدي اشوفها ماسكة في ايه و هل ليها كلبسات مثلا بس ما لقتش كلبسات و ما عرفتش افكها امبارح و ان كنت استنتج انها ماسكة في الفبر بتاع فلتر الهواء و اعتقد في خرطوم تخين شويه عند صدر العربية هل سيادتك علي علم بهذا الموتور ،،، او هل عند سيادتك اي صور ايضاحية ؟ معلش و الله انا علي قد ما ركبت عربيات و لعبت فيها بس تكنولوجيا الانجكشن و العربيات الجديدة دي ما لغوصتش فيها قبل كده ، و كمان كونها مش عربيتي ده عاملي قلق حبتين زيادة |
رد: يا أهل الخبرة ،،،،، افتوني
اقتباس:
اقتباس:
والتجفيف لأى ملوثات قد تكون تخللت من فلتر الهواء للبوابه لتليين أكس البوابه ورفع كفاءة حساس البوابه THROTTLE POSITIONING SENSOR اقتباس:
أنا شوفت شكل المكنه مره على السريع ولو عندك لينك لكتالوج المكنه هاته ونبص عليه سويا لمعرفة الفوله فين |
رد: يا أهل الخبرة ،،،،، افتوني
ربنا يبارك فيك يا باشمهندس ،،، ان شاء الله هحاول النهارده ثاني
|
الساعة الآن 02:07 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017