افضل سيارة عملية فى متوسط 60 الف جنية
السلام عليكم جميعا انا نويت ان شاء الله اشترى عربية بس تكون فى حدود ستين الف جنية وكمان لازم تكون زيرو علشان هجيبها قسط انا عارف ان فيه عربيات كتير فى الرينج ده بس انا عايز عربية مدفعش غير اسطها لا صيانة ولا تصليح على الاقل لحاد ما قسطها يخلص كمان عايز عربية تكون صيانتها وقطع غيارها رخيصة بقدر المستطاع
فهل اجد عندكم طلبى دام فضلك وشكرا مقدما |
رد: سؤال لاهل الخبرة بالمنتدى
فكر فى هوانداى i10
شكلها حتعمل سمعة كويسة |
رد: سؤال لاهل الخبرة بالمنتدى
بص يا حج احمد مع انى عارف اعتزازك بالدوجان بس الشريحة ديه علشان تلاقى بجوده واعتمادية عربيتك الحالية بمقاييس التصنيع بتاعة عربيات اليومين دول صعبة شوية
بس زى ما قال لحضرتك ميدو ان ال I10 عربية ظريفة ومتوقع لها كباقى عائلة هيونداى ان تكون سيارة اقتصادية فى قطع الغيار والصيانة ولاكن لوقارنتها بالمنافس الشرعى ليها حاليا البيكانتو هتلاقى الاتى 1- المحرك لصالح ال i10 - خرج اقوى للمحرك نتيجة خفة وزن السيارة يتمثل فى تسارع افضل من البيكانتو وسرعة قصوى اعلى لصالح البيكانتوا - محرك اكثر توازنا وافتصادى اكثر فى استهلاك الوقود بالاضافة لما هو معروف عن محركات كيا من جودة وتفوق محركات هيونداى 2- الثبات البيكانتو اكثر ثباتاً بالاعدادات الافتراضية 3- بلد الصنع البيكانتوا كورى 100% اما الهيونداى فهى هندى 4- الضمان والوكيل ضمان ال i10 ثلاث سنوات او 60 الف كم ايهما اقرب والوكيل غبور ضمان البيكانتوا 5 سنوات او 100 الف كم ايهما افرب والوكيل محمد نصير 5-السعر سعر الاتنين متقارب جدا فى جميع الموديلات والفرق بينهم 6- الشكل مع ايمانى الكامل بان موضوع الشكل ده نسبى ويختلف من شخص لاخر بس شكل ال i10 افضل من البيكانتوا خاصة التابلوة الداخلى والصالون http://bp3.blogger.com/_FoXyvaPSnVk/...ndai_i10_0.jpg http://www.askaprice.com/images/rang...97_220x165.jpg |
رد: افضل سيارة عملية فى متوسط 60 الف جنية
اقتباس:
مفيش عربية للأسف مش هتدفع فيها صيانة ،، أنا شخصيا جالي صدمة ثقافية ، عشان مكنتش متعود علي مصاريف التوكيلات ، كل خمستلاف كيلو تروح تكعلك 300 جنية ،، الله يرحم ايام ال 128 ،، عشرة جنية الميكانيكي يشتغل فيها طول النهار عشان تكون حاطط في اعتبارك بس في المقابل بتكون مطمن و بتروح و تيجي و تسافر براحتك من غير قلق ،، و مش هيكون ان شاء الله فيه مصاريف تانية ،، ضمان + تأمين ،، لو عايز هاتشباك طبعا الآي 10 و البيكانتو ،، و أنا أرشح البيكانتو عشان سمعتها القديمة و عشان كوري 100% سيدان ، الفيرنا 1500 و اللانوس ،و الإسبرانزا ،،، بس كل دول فوق الرينج بشوية ،، و منهم ارشح الفيرنا ،، |
رد: افضل سيارة عملية فى متوسط 60 الف جنية
اقتباس:
ايه باشا الكلام اللى يوجع البطن ده كل خمستلاف اروح ادفع 300 جنية ليييييييييييه هو انا شارى مرسيدس !!! وبعدين ايه الضمان وايه التامين يعنى مش الاتنين واحد انا عايز ادفع قسط فى حدود 500 - 600 جنية اول عن اخر وكفاية لسه مصاريف البنزين ادفع كمان للتوكيل امال انا جايب عربية زيرو ليه مش علشان اترحم من زيارات الميكانيكى ومصاريف قطع الغيار معلش يا جماعة انا طول عمرى بركب مستعمل نورونى الله يبارك فيكم انا مش مستحمل تدبيس |
الساعة الآن 08:30 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017