الكنبة الخلفية فى لانوس 2011 بتطوى أزاى ؟؟
 

بالرجوع الى دليل المالك للعربية لانوس 2011 موجود طريقة طى الكنبة الخلفية لزيادة مساحة التخزين فى الشنطة وده عن طريق رفع الكلبسات اللى ماسكة الكنبة .... وبما ان اساسا مفيش كلبسات ماسكة الكنبة فى الموديل ده فأنا مش عارف الحقيقة ألم الكنبة دى أزاى ؟؟؟

معروف طبعاً ان كتالوج الشيفرولية لانوس هو نسخة طبق الأصل من كتالوج الدايو لانوس بعد استبدال كلمة دايو بكلمة شيفرولية فى الطباعة وعند مراجعة الكتالوج يتضح بسهولة مقدار الاستخفاف وعدم الدقة فى المراجعة ووجود خواص ملغية زى مفتاح لمبة الشبورة الخلفية وزرار سخان الزجاج الخلفى ووووووو حاجات كتير بصراحة أتلغت من العربية والكتالوج هو هو بدون تغيير.

ناس كتير اصحابى وقرايبى كل ما أسأل حد فيهم ازاى الكنبة دى تتلم ازاى ؟؟ ... يشمر درعاتة ويبصى بإستهزاء كده ويقلى وسع يا عم وانا اوريك دول هما كلبسين سهلين أوى --- وهاتك يا تريقة --- وأول ما يوصل عند العربية يهرش فى دماغه ويبص حواليه ويقلى
*هما فين الكلبسات اللى ماسكة الكنبة دى ؟؟
*ماهو قدامك مفيش كلبسات اهو
*أزاى يعنى مفيش امال الكنبة ايه اللى ماسكها ؟؟
*معرفش امال انا جايبك ليه ومستحمل تريقتك عليا
*طب متبص عالكتالوج بتاعها بيقول أيه ؟؟:ROFL_C~118:
* بيقول فيه كلبسات
*طيب سلامو عليكو:dzy:

الرجاء من حضراتكم المساعدة فى العثور على الكلبسات الخفية بتاعة منصور دى ... او طريقة طى الكنبة بدون كلبسات .........وربنا يهدى خلقه علينا ... وشكراً :fun_36_3_11[1]:

رد: الكنبة الخلفية فى لانوس 2011 بتطوى أزاى ؟؟
 

سيدى الفاضل لا ولن تطوى أبداً إلا إذا أردت أن تفكها أساساً ففيه مسامير بتتفك

رد: الكنبة الخلفية فى لانوس 2011 بتطوى أزاى ؟؟
 

الصراحة انا شكيت يكونوا عدلوا الشفورليه عن الدايو لانى مرة كنت عايز اشيل حاجات طويلة اضطريت افك المسامير الى ماسكة ضهر الكنبة عشان اشيله لانع عندى مبيطواش و فكيت الكليبسات الى ماسكة الضهر الرفيع الى ورا ضهر الكنبة

بس بالنسبة للكتالوج هو بيبقى طبعة واحدة لجميع الطرازات يعنى للمفيهوش اوبشن للفول اوبشن للهاتش باك و كل واحد عارف عربيته فيها ايه و مفيهاش ايه فاحتمال طى الكنبة للموديل الجوليت

زى ال i10 الكتالوج بتاعها محسسنى انه بيتكلم عن عربية تانية اساسا يعنى ال 2012 عدادتها نصها ديجيتال و الكتالوج جايب تابلوهات كتير أنالوج عربيتى مش واحد منهم
فاللانوس على الاقل كتالوجها ارحم

رد: الكنبة الخلفية فى لانوس 2011 بتطوى أزاى ؟؟
 

متشكر لرد حضرتك وكنت اتمنى تكون الميزة ديه موجودة فى اللانوس لأنها اولا مهمة , ثانيا مأعتقدش أنها ممكن تكون مكلفة يعنى ولا معضلة

متشكر لحضرتك على الرد , وياريت لو فيها تعب توضحلى اكتر اماكن المسامير اللى ماسكة الكنبة دى فين ؟؟ وهل فكها سهل ولا مشكلة ؟؟ إذ ربما الواحد يتحط فى موقف يحتاج فيه مساحة اكبر لشنط او خلافة .... وشكرا مرة ثانية.