مشكله فى التكييف
 

معلش يا جماعه انا هاتعبكم معايا
انا عندى مشكله فى تككيف العربيه هيا كورولا 2006 1300cc
العربيه بتسرب فريون على طول حوالى كل 10 ايام انا من المنيا فبعمل كل صيانتها فى مركز خدمه معتمد لتويوتا مركز ابو حته ببا روحت عندهم علشان التكييف سرب وكدة فشحنهولى ب 300 جنيه قلت مش مشكله جه بعديها ب10 ايام وفصل تانى روحتلهم بعديها بحوالى شهرين كشف عليه ومالاقاش اى تسريب فيها خالص فقالى احتمال كبير تكون الثلاجه بتاعت التكييف وشحنهولى تانى وللامانه من غير فلوس وللاسف فصل تانى روحت لواحد فى شبرا وكشف عليه بصابون وكدة وملاقاش اى تسريب خالص فشحنهولى ب150 جنيه واشتغل زى الفل وكانت المروحه بتاعت العربيه مش شغاله اشتغلت وبعديها بحوالى اسبوعين فصل تانى انا احترت مش عارف اعمل ايه المشكله انهم فى مركز الصيانه قالى انها محتاجه يتفك التابلو وانا مش عارف اعمل ايه عاوز حل جزرى للموضوع دة وربنا يكرمكم
واسف جدا على الازعاج

رد: مشكله فى التكييف
 

معلش يا باشا هو الواضح ان فيه تسريب بنسب قليلة من دورة التكييف او من الكمبرويسور او السربنتينه فلازم تمشى ورا الموضوع واحدة واحدة وافضل انك كنت تتابع فى مركز الخدمة الاصلى من الاول علشان متتدفعش فلوس كل مرة

رد: مشكله فى التكييف
 

من خدمة العملاء بمركز تويوتا ( ابوحتة ) ببا - بنى سويف ... عميلنا العزيز .. نرجو من سيادتكم التكرم بتشريفنا ببالحضور فى مركز الصيانة فى اى وقت يناسب سيادتكم وذلك للكشف على دائرة التكييف الداخلية بالتابلوة كما تم نصح سيادتكم بذلك من قبل ... علما بأن العطل بالسيارة يحتاج لفترة يومين .. برجاء من كل السادة المراسلة على الأميل التالى \abohetta2010@yahoo.com أو تليفون خدمة العملاء 0100050600 ونحن فى خدمة الجميع

رد: مشكله فى التكييف
 

فعلا انا مقتنع بالكلام ده لان كشف التسريب الى اتعمل بصابون طالما ملاقاش مكان التسريب كان المفروض ينتقل للسربنتينة الداخلية الى بتستدعى فك التابلوه