|
عفشة جيلي mk 2008
انا امتلك جيلي mk مانيوال موديل 2008
عاملة 70 الف كيلو العفشة بتاعت العربية في الاول كانت تمااام وزي الفل وكانت قوية لكن بعد ال70 الف بقت المساعدين واليايات فيها ليونة لدرجة ان من اقل حمل العربية بتهبط نظرا لارتفاع السيارة عن الانسر والفيرنا والانوس رغم انها بتحك في المطبات حتي لو فاضية لان العربية بتنطط علي المطب علشان الليونة دي ولما ببقي ماشي علي الطريق العربية بتعووم يمين وشمال لما باجي يمين او شمال علي الطريق بحس ان العربية صعب التحكم فيها جدااا ياتري دة العمر الافتراضي للمساعدين ولا دة علشان هيا عربية صيني مع العلم اني بمشي في طرق وحشة جدااا واغلبية الطرق اللي بمشي فيها مطبات من ساعت مجبت العربية مطبات وططرق مكسرة كتير لو طوبة في الارض بحس بيها داخل السيارة عااايز اعرف اعمل اية اغير مساعدين ولا يايات ولا اركب عفشة رياضية وياتري العفشة الرياضية هتدي الارتفاع الطبيعي للسيارة ولا لا انا اريد عفشة قوووية تكون مقاومتها اعلي وتديني ثبات للعربية ياريت حد يفدني اعمل اية مع العلم ان العفشة دي في التحمل هيا حمالة اسية لكن الفرق في الاداء فقط |
رد: عفشة جيلي mk 2008
بسم الله الرحمن الرحيم
بص يا باشا انا معايا جيلي سي كيه 2006 و كنت شاريها مستعمله عامله 100 الف كيلو و كنت واخدها من صاحبها مطلع عين العفشه لدرجة اني غيرت ال 4 مساعدين جداد من التوكيل الواحد عامل 220 جنية غير الضريبة 10 % و عن تجربة ماتشتريش مساعدين من التوكيل لان المساعدين الصيني مش كويسة انا ندمت اني ماتعبتش نفسي شوية و دورت علي حاجه تيوتا تركب مكانهم لان المساعدين اللي جبتهم من التوكيل عبارة عن حجارة حتي لو حاولت تضغط علي العربية بايدك بتلاقيهم تقال جدا و بتاع العفشه قال لي انهم هيخفوا بس بقالهم دلوقت 3 شهور و زي ماهما مع العلم اني باكل بيهم مطبات بس العربية بقت طوبه بتنط من فوق المطبات مش بتعديهم و خللي بالك العفشه الرياضيه برضه ناشفه هتزهقك لاني دلوقت بحس بأي حفرة علي السريع حتي و لو 5 سم و انا دلوقت بمشي افادي الاسفلت مش العربيات :) و اي خدمة م - سامح ليله |
رد: عفشة جيلي mk 2008
ركب عفشه رياضيه
و ان شاء الله العربيه هترجع تمام |
رد: عفشة جيلي mk 2008
اقتباس:
انا عمري ما هشتري عفشة من التوكيل انا عايز المساعدين تبقي معقولة يعني ولا ناشفة اوي لدرجة اني احس بتفاصيل الطريق ولا لينة اوي بحيث ان العربية تعمل زي الشيفورلية الدبابة زي المرجيحة علي الاسفلت هحاول ادور علي عفشة سبور ليها لو ملقتش هدور علي حاجة تيوتا استيراد |
رد: عفشة جيلي mk 2008
اقتباس:
هو فعلا هدور علي عفشة سبووور بس يارب الاقي ليها |
| الساعة الآن 06:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017