مصر موتورز مجتمع السيارات - الى كل من يشككون فى صاج اللوجان (تجربة شخصية)

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - الى كل من يشككون فى صاج اللوجان (تجربة شخصية) (https://www.masrmotors.com/vb/showthread.php?t=69182)

الى كل من يشككون فى صاج اللوجان (تجربة شخصية)

هذا الموقف عن تجربة شخصية رغم أقتناعى بأن صاج السيارات تحت سعر 100000جنية كلة نوعية واحدة تقريبا
أمبارح كنت ماشى بسيارتى اللوجان وفجأة واحد أبن حلال وقف فجأة أمامى ولكن الحمد لله أستطعت أنى افرمل على أخر لحظة ومخبطش فية ولكن واحد تانى ابن حلال برضة ( مولاد الحلال كتييير) ملحقش يفرمل وخبط فيا من ورا على سرعتة خبطة حسيت أن العربية أدمرت وببص فى مراية الصالون لاقيت اللى خابطنى تاكسى لادا أيوة لادا وما أدراك ما اللادا
أنا قولت ربنا يعوض عليا وفتحت الباب ونزلت عشان أشوف الخبطة ورجل تقدم ورجل تأخر وببص على العربية لم أجد أى شئ فعلا لم أجد أى شئ رغم ان الخبطة ماكنتش ضعيفة وقعدت أدور على الخبطة والناس اتلمت كالعادة على صوت الخبطة واللى يقولى ما فيش حاجة يا باشا واللى يقولى خلاص يا أستاذ وأنا ماسك فى سواق التاكسى وبقولة مش هاسيبك لغاية ما شوف الخبطة فين وأعدت أدور وأنزل تحت العربية وأفتح الشنطة وبردوا مش لاقى أى اثر :286:
بس والحمد لله جت سليمة , هذا عن تجربة شخصية ومحدش يجرب :fun_36_1_30[1]:

رد: الى كل من يشككون فى صاج اللوجان (تجربة شخصية)

ههههههههههههههههههه
طب الحمد لله
ده بس علشان هى جايه من الحلال

رد: الى كل من يشككون فى صاج اللوجان (تجربة شخصية)

بس الخبطه دي مش تكون في الفيبر جلاس بتاع الأكصدام ؟ مش الصاج مش كدا ؟

رد: الى كل من يشككون فى صاج اللوجان (تجربة شخصية)

بسم الله ما شاء الله يا باشا ربنا يديك خيرها ويكفيك شرها وشر طريقها وانا بحترم العربية ديه جدا بس لو يغيرو بس مكان الكلاكس وزراير الزجاج ويعالجوا مشكلة مواسير السخن اللي تحت الدواسات غير كدا العربية تحفه

رد: الى كل من يشككون فى صاج اللوجان (تجربة شخصية)

اقتباس:

المشاركة الأصلية كتبت بواسطة amriar (المشاركة 525498)

بس الخبطه دي مش تكون في الفيبر جلاس بتاع الأكصدام ؟ مش الصاج مش كدا ؟

بردة يا باشا لو الصاج ضعيف كان ممكن الاكصدام يضغط علية ويعمل أى اثر فية من شدة الخبطة لكن فعلا والله انا حتى الان بحمد ربنا أن ما حصلش حاجة