مصر موتورز مجتمع السيارات - كيا برايد

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

- - كيا برايد - تقرير شامل (https://www.masrmotors.com/vb/showthread.php?t=1511)

رد: كيا برايد - تقرير شامل

شكراً يابو نورا على التقرير الرائع

أنا قدامى كيا برايد سيدان موديل 2000 كورى مانيوال عامله 90000 كيلو متر و كاسيت راديو و تكييف و زجاج امامي كهرباء و سنتر لوك و ريموت و صاحبها طالب 33 ألف و الحاله العامه جيده جداً لكن لسه ما كشفتش عليها.
ياترى السعر ده كويس ؟ و إيه الحاجات اللى آخد بالى منها و أنا بكشف عليها ؟
و هل قطع الغيار الإيرانى ممكن تركب عليها عادى ؟
و شكراً مقدماً

رد: كيا برايد - تقرير شامل

اقتباس:

المشاركة الأصلية كتبت بواسطة ahit (المشاركة 106068)

بالنسبة للاوبشن ده العادى فى اغلب السيدان

بالنسبة للعداد غريب بصراحة 90 الف على اكتر من 9 سنين يعنى فى السنة بيعمل اقل من 10 الاف كيلو !! الطبيعى للموديل ده 150 وانت طالع فديه حاجة تشكك خاصة لو حالتها مش زى العداد

السعر كويس بس اهم حاجة الكشف ميكانيكا وسمكرة

قطع الغيار بتاعت البرايد كلها واحدة تقريباً ماعدا السايبا الجديدة بتبقى انجكشن والفوانيس وبعض الصاج متغير
بس عفشة وفلاتر واحدة وليها قطع غيار كورى وصينى وايرانى جديد او استيراد
وعامة بالنسبة للبرايد من اول مو 96 لحد مو 2006 الايرانى متقلقش من قطع غيارها زيها زى الشاهين او 128 فى انتشار قطع الغيار والبدائل

الحاجات اللى يتبص عليها زى اى عربية
الميكانيكى يطمن على الات الجر الاول موتور وفتيس اهم حاجة ولو فيه حاجة فى الديسك او الاسطوانة مش قضية الطقم كله فى حدود 250 - 300 جنية

تترفع العربية يتبص على العفشة هى عفشتها رخيصة برضو بس علشان تقدر تمنها كويس واهم حاجة يتبص على الشاسية والقوائم والحوض والشنطة ديه الحاجات اللى تخوف

واخيرا تبص على الكماليات وحالة الصالون والفرش والفيبر

واى استفسار تانى تحت امرك

رد: كيا برايد - تقرير شامل

رائع يا ابو نورا مجهود تشكر عليه :THE_PR~18:

رد: كيا برايد - تقرير شامل

مواضيعك كلها جميله ياباشا ومجهود كبير تشكر دايما عليه

رد: كيا برايد - تقرير شامل

انتو هتقولولي علي البرايد العصفورة انا عشت معاها 8 سنين خدمة شاقة العربية بجد بجد بجد مش هشوف عربية بتتحمل زيها ابداااا تحمل فظيع دة انا كنت بحرق في العربية تخميس بمعني اصح كنت بولع فيها وبعد دة كلة عمري مغيرتلها اسطوانة دبرياج والموتور عمرة مطلب حاجة الي كانت بتطلبة كبالن بس كانت مرة واحدة مع العلم ان قطع غيارها تعتبر ببلاش وموجودة في محلات البقالة انا مش عارف اوصف العربية لانها كانت مش بتبوظ مش عارف اطلع عيوب فيها خالص العربية زي الفل وبتليق في التظبيط جدااا ركب لها كاوتش عريض واكصدامات نيكل هتبقي احسن من الماتريكس وان العربية ارتفاعها مظبوط جداا بالنسبة للطرق المصرية مش بتحك في المطبات خالص من الاخر وبدون كلام كتيييييير لو عايز تجيب عربية وتريح دماغك من حوارات العربيات والاعطال والكلام دة ومش هتدفع الا البنزين اركب البرايد الكوري مع العلم ان عربيتي كانت موديل 99 هاتشباك بس بعتها بسبب اني عملت بيها حادثة دخلت في عربية كارو محملة بوابات حديد وكانت الدنيا بتمطر في واحد بميكروباص كان ماشي بسرعة العربية اتزحلقت منة فرمي عليا فعربيتي اتزحلقت هيا كمان ودخلت بالعربية في العربية الكاروو بالبوابات الحديد وغيرت لها اكصدام وشبكة ورفرف شمال وباب السائق مع ان الخبطة كانت في مقدمة السيارة بس الموتور زي الفل الخبطة مقربتش منة خالص مع العلم ان الخبطة كانت شديدة جدااا والحمد للة طلعت منها سليم وكل دة بسبب ان الاكصدام قوي جداا لانة مدعم من الخلف بشاسية قوي لتصدي الخبطات المهم بعت العربية في سوق الجمعة بمبلغ 32 الف جنية واشتريت جيلي mkحاليا بقالها سنة ونصف وكل مابفتكر الكيا بزعل جدااا اني بعتها حسيت اني غدرت بيها بعد الحادثة معلش بقي طولت عليكو اصل انا لما بسمع حد بيتكلم عن البرايد مش بقدر اسكت لانها افضل سيارة بحبها في حياتي لانها كانت اول عربية اشتريها وكان ثمنها ساعتها 28 الف