مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   Accent Verna RB اكسنت فيرنا (https://www.masrmotors.com/vb/forumdisplay.php?f=237)
-   -   مسمارالطنبورة اتقطم منى وانا بربط الكاوتش ؟ (https://www.masrmotors.com/vb/showthread.php?t=66910)

haninatoon 02-09-2011 12:32 AM
مسمارالطنبورة اتقطم منى وانا بربط الكاوتش ؟
 
مش عارف اعمل اية

جاى اربط الكاوتش راح المسمار اتقطم فى الصامولة بتاعتة
اشترى مسمار جديد واية مواصفاتة لفيرنا 1600 ؟
ولا اروح على الميكانيكى واى مسمار وتمام؟
ولا توكيل ؟
ودة يتفك ويتركب ازاى اعمل اية ويكلفنى كام ياجماعة المسمار بتركيبة
مش عارف لية كل ما امسك مسمار يتبرم منى والمرةدة اتقطم خالص؟؟

أبو اياد 02-09-2011 12:40 AM
رد: مسمارالطنبورة اتقطم منى وانا بربط الكاوتش ؟
 
اقتباس:
المشاركة الأصلية كتبت بواسطة haninatoon (المشاركة 505556)
مش عارف اعمل اية

جاى اربط الكاوتش راح المسمار اتقطم فى الصامولة بتاعتة
اشترى مسمار جديد واية مواصفاتة لفيرنا 1600 ؟
ولا اروح على الميكانيكى واى مسمار وتمام؟
ولا توكيل ؟
ودة يتفك ويتركب ازاى اعمل اية ويكلفنى كام ياجماعة المسمار بتركيبة
مش عارف لية كل ما امسك مسمار يتبرم منى والمرةدة اتقطم خالص؟؟
عند الميكانيكي طبعا مش مستاهلة توكيل
وربنا يديك الصحة
ROSE4U

tarbook 02-09-2011 01:07 AM
رد: مسمارالطنبورة اتقطم منى وانا بربط الكاوتش ؟
 
بص اخى العزيز مش كبيره زى ما انتا فاكر كده انتا تفك الطمبوره الى راكب عليها المسمار الصغيره وتروح عن واحد تجيب مسمار وصموله صلب وتتاكد انه صلب مش حديد وتروح لخراط عشان يكبسلك المسمار الجديد على المكبس ويطلع المسمار القديم من مكانه ومش هتاخد فى ايده 3 دقائق
انتا ممكن تعملها مش محتاجه ميكانيكى ولا حاجه والخراط مش هياخد كتير تقريبا 20 او 10 جنيه والمسمار يجى حوالى 30 او 40 جنيه بس تتاكد من المسمار انه صلب مش لونه اسود وخلاص تنبيه

وربنا يوفقق وكل سنه وانتا طيب

ramyhanafy 02-09-2011 02:05 AM
رد: مسمارالطنبورة اتقطم منى وانا بربط الكاوتش ؟
 
اقتباس:
المشاركة الأصلية كتبت بواسطة tarbook (المشاركة 505562)
بص اخى العزيز مش كبيره زى ما انتا فاكر كده انتا تفك الطمبوره الى راكب عليها المسمار الصغيره وتروح عن واحد تجيب مسمار وصموله صلب وتتاكد انه صلب مش حديد وتروح لخراط عشان يكبسلك المسمار الجديد على المكبس ويطلع المسمار القديم من مكانه ومش هتاخد فى ايده 3 دقائق
انتا ممكن تعملها مش محتاجه ميكانيكى ولا حاجه والخراط مش هياخد كتير تقريبا 20 او 10 جنيه والمسمار يجى حوالى 30 او 40 جنيه بس تتاكد من المسمار انه صلب مش لونه اسود وخلاص تنبيه

وربنا يوفقق وكل سنه وانتا طيب
هو ده الكلام مظبوط ميه في الميه بس في حاجة
انا حصلت معايا في اللانوس بس للاسف الطمبورة مش بتتفك لوحدها اضطريت اروح لواحد بتاع عفشة فكلي الجنب كله عشان الطمبورة حته واحدة مع المساعد
يارب تكوت مش كده في الفيرنا وعلي العموم برضه هي مش مشكلة ومش هاتاخد وقت ولا مجهود ولا فلوس

ramyhanafy 02-09-2011 02:11 AM
رد: مسمارالطنبورة اتقطم منى وانا بربط الكاوتش ؟
 
نسيت اقول لحضرتك اني مشترتش مسمار جديد انا جبته من عند واحد بتاع كاوتش مستعمل بس اصلي عشان بس اكون ضامن انه يكون كويس ,نصيحتي ليك حاول تشوفه الاول مستعمل اصلي وان شاء الله هاتلاقيه وكل سنة وانت طيب

SuccessCre8or 02-09-2011 03:35 AM
رد: مسمارالطنبورة اتقطم منى وانا بربط الكاوتش ؟
 
غيرته قبل كدا ب 10 جنيه باين... عادي.. معرض انه يتكسر

tarbook 02-09-2011 06:00 AM
رد: مسمارالطنبورة اتقطم منى وانا بربط الكاوتش ؟
 
اقتباس:
المشاركة الأصلية كتبت بواسطة ramyhanafy (المشاركة 505572)
هو ده الكلام مظبوط ميه في الميه بس في حاجة
انا حصلت معايا في اللانوس بس للاسف الطمبورة مش بتتفك لوحدها اضطريت اروح لواحد بتاع عفشة فكلي الجنب كله عشان الطمبورة حته واحدة مع المساعد
يارب تكوت مش كده في الفيرنا وعلي العموم برضه هي مش مشكلة ومش هاتاخد وقت ولا مجهود ولا فلوس
لا هوه حضرتك عشان جر امامى لازم يفك الكوبلين ويفك المقص والميزان عشان يطلع المطمبوره الصغيره اوى البليه بتاع الجنب كله ودى مشكله كويس ان حضرتك وضحتها لانى نسيت ان الفيرنا امامى وان شاء الله يكون خير بس الى بيحتاجه مكبس الخراطه ومتخليش الميكانيكى يدخله بالشاكوش عشان ده بيدخل فى سنون فى مكانه احسن يبوظ مكانه لو دق بالشاكوش غلط لانه عامل زى راس الكوبلين مشرشره مكانه مشرشر برده

ودى اشكاله فى معظم السيارات بيكون لونه اسود

وبرده هقولك على حاجه بتحصل كتير بيجو يركبو سير الكاتيه او سير الباور بالموفك لا غلط لانه فى المكان الى بيحطه فى السيره بيعمل فيه نقره او بيعضه بالمعنى وبعديها بفتره بيتقطع السير خلى بالك يعنى ممكن وانتا ماشى فى طريق فى لحظه تلاقى السير اتقطع وتكون لسه مركبو من يومين ولا حاجه
حصل معايا

اقتباس:
المشاركة الأصلية كتبت بواسطة ramyhanafy (المشاركة 505579)
نسيت اقول لحضرتك اني مشترتش مسمار جديد انا جبته من عند واحد بتاع كاوتش مستعمل بس اصلي عشان بس اكون ضامن انه يكون كويس ,نصيحتي ليك حاول تشوفه الاول مستعمل اصلي وان شاء الله هاتلاقيه وكل سنة وانت طيب
ممكن وهتلاقيه فى الحرفيين وفى كل مكان بس لو لقى عند محل قطع غيار هيبيعه غالى ممكن ميكنش اصلى اصلا لكن لو جابه من بره من حد جنت الخراط مثلا هيجيبه ويقوله عليه ده صولب انتا مش شايفه هوه اصلا ممكن ميكنش صلب وعشان تعرفه لو وقع على مثلا سلم او سيراميك بيرن رنه زى مفتاع العجل بالظبط

انا الموضوع ده حصل معايا عشان كده بفسره لعل يكون فى الخير ان شاء الله

وكل سنه وانتم طيبين


الساعة الآن 11:18 PM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017