ماتريكس 2006 ولا نيو اكسنت زيرو
 

السلام عليكم اهلا بكل اعضاء المنتدي الكرام وحشتوني ان كنت غايب عشان كنت مشغول ببيع العربية والحمد لله خلصت بس ظهرت مشكلة كل مرة اشتري عربية اية
انا دلوقتي رسيت علي عربيتين بختار بينهم الاولي ماريكس 2006 مانيول فاربيقة دواخل رشة جنبين حالة جيدة
والسيارة الثانية نيو اكسنت 2010 مانيول زيرو ومحتار بينهم يعني الماتريكس عربية حلوة مشاكلها قليلة قطع غيارها متوفرة وارخص نسبيا من النيو اكسنت بس طبعا مفيش ثبات علي السرعات واستهلاك بنزين عالي والنيو اكسنت عربية حلوة متوفر قطع غيارها ماتور جبار ثبات افضل من الماتريكس بس مش جامد قوي بس انا سمعت ان دائما فيها مشكلة في علبة الدركسيون حتي الجديد منها لغايت 2009 والعفشة ناشفة شوية والعربية بتنطط علي الطريق وبصراحة انا مسوقتش دي ولا دي بس استاذ حازم خضير كان ساق الماتريكس وشكر فيها لكن النيو اكسنت معرفش حد كتب عنها تققيم سواقة معلش طولت عليكم بس حبت تشركوني في الاختيار فقولت اوضح مميزات وعيوب كل سيارة ومستني تقييمكم للسيارة

رد: ماتريكس 2006 ولا نيو اكسنت زيرو
 

انا للاسف مش خبير قوى فى موضوع عفشة العربيات دا بس عن راىى المتواضع خليك فى الجديد
كفايه انك اول واحد هتركبها وحتى لو فيها العيوب اللى انت بتقول عليها مع ان فيه ناس كتير فى المنتدى شكرت فيها وقالوا ان ماظهرش فيها عيوب واضحه لغايه دلوقتى انت لو عايز تحافظ عليها هتحافظ عليها
وربنا يهديك ويوفقك لما يحبه ويرضاه
ومبروك مقدما يا باشا

رد: ماتريكس 2006 ولا نيو اكسنت زيرو
 

رد: ماتريكس 2006 ولا نيو اكسنت زيرو
 

انا سوقت ال2
مفيش اي اختلاف اطلاقاً
برجح الاكسنت عربية سيدان :) اما المتركس مش باينلها وش من افا :)
و الاكسنت اريح ب كتيييييييييير
16 صباب و cd و شنطة حجمها كويس و بتسحاب حلو و عملية اكتر
بس عبها الوحيد مفهاش عداد حرارة "فيها بس بالكومبيوتر و الكمبييوتر بيخبيه علينا :)"

رد: ماتريكس 2006 ولا نيو اكسنت زيرو
 

فين المشاركات اخوكم محتار

رد: ماتريكس 2006 ولا نيو اكسنت زيرو
 

الا بعيدا عن المواصفات والمواتير والامكانيات الزيرو اريح لان انشاء الله اول مسمار حيتغير على الاقل من سنتين لتلاته بس الاهم والعربية الجديدة لسه بخيرها لو شاء ربنا تسافر فى اى وقت بالليل او نهار كله جديد ياابو يمنى وبرضه تعرف منين اللى كان سايقها قبلك كان بيعمل بيها ايه وسواقته طبيعتها ايه رجله خفيفة ولاتقيلة فانا لو مكانك الجديد لايعلى عليه وكفاية فرحته وريحة العربية الجديدة والبلاستيك بتاع الكراسى ياباشا مافيش مقارنة


وبالنسبة للعربيات من حيث المواصفات تقريبا المواتير واحدة واكيد الصالونات الماتريكس اكبر واوسع ومن حيث الانتشار الماتريكس لكن برضه الاكسنت منتشرة بس اقل انتشارا من الماتريكس

والكماليات واحدة والفنش واحد


بس اخيرا الزيرو يكسب

رد: ماتريكس 2006 ولا نيو اكسنت زيرو