زيت الجير لانسر 2006
 

السلام عليكم
انا جديد بالمنتدى واحب اشكر الاخوه المشرفين والاعضاء وعندى استفسار ,,انا معايا لانسر 2006 خليجى جير (فتييس) اتوماتيك فى الكويت اشتريتها عامله 28 الف كيلو واول مااشتريتها وانا بغيير زيت الماتور الميكانيكى نصحنى بتغيير زيت الجير فاشتريت الزيت من الوكاله وغيرته ده صح ايه والمفروض اغيره تانى امتى؟؟؟؟؟؟؟لان جير لانسر الاتوماتيك كله بيشتكى منه انه كمان بيضرب فازاى احافظ عليه؟؟؟؟مع العلم كان معايا فوكس وكان زيت الجير بيتغير كل 60 الف على حسب كلام الوكاله وكمان حاسس ان فتحتين التكييف الى فى نص التابلوه اضعف من الفتحتين الى طرف التابلوه مع انى نضفت فلتر التكييف فمش عارف ده طبيعى فى لانسر ولا عندى انا بس ولا جايز علشان كان معايا فوكس فبقارن دايما بالفوكس لانها كانت تحفه وربنا يبارك فى لانسر علشان مش اندم انى بيعت الفوكس انا بيعتها بس علشان خوفونى اعطال الكمبيوتر فيها واسعار قطع الغيار وضعف سعر اعادة البيع
وشكرا للجميــــــــــــــــــــ ـع
م/ محمد السيد

رد: زيت الجير لانسر 2006
 

زيت الفتيس فى الانسر بيتغير كل 40 الف كم
و حضرتك المفروض إن شدة الهواء فى فتحات التكيف فى المنتصف أقوى منها فى الاطراف شوف الفتحات مفتوحة بالكامل و لا حضرتك قفلها عن طريق البكر اللى جنبها و يمكن يكون الفلتر مش نضيف او العربية محتاجة فلتر
و الف مبروك على العربية

رد: زيت الجير لانسر 2006
 

اولا انا بشكر حضرتك عالرد والاهتمام
بالنسبه لفتحات التكييف الى فى المنتصف انا فاتحهم عالاخر وبرده اضعف من الفتحات الى فى الاطراف ونضفت الفلتر,,تفتكر ممكن يكون الفلتر عاوز يتغير,,,وسؤال بالنسبه لزيت الجير هو بيتغير عند 40 الف ولا بيتزود بس
وشكرا جزيلا

رد: زيت الجير لانسر 2006
 

زيت الفتيس في الاتوماتيك عموما بيتغير مش بيتزود
لان الفتيس الاتوماتيك حساس شويه عن المانيوال
و الزيوت بتفقد خواصها مع الوقت او كثره الاستعمال
فلازم يتغير مش يتزود

رد: زيت الجير لانسر 2006
 

قلت لحضرتك إنه بيتغير مش بيتزود

رد: زيت الجير لانسر 2006
 

ياباشا انا قصدى على فلتر التكييف ممكن يكون عاوز يتغير وشكرا على معلومة زيت الجير ووممكن استفسار بعد اذنك عن سير الكاتينه(جنزير الصدر) بيتغير كل كام كيلو ؟؟وهو فى لانسر جنيز حديد ولا كاوتش وشكرا لسيادتك

رد: زيت الجير لانسر 2006
 

لانسر 1600 و 1300 سير الكاتينة كاوتش و بيتغير كل 80 الف كم و بيتغير معاه بلية الكاتينة و كمان أنصحك تغيير أويل سيل الكامة و أويل سيل الكرنك
و بالنسبة لكاتينة الانسر الشكل الجديد 1500 الكاتينة حديد و مش بتتغير غير لما يكون فيها مشكلة زى صوت مثلا أو عداد كبير و تم فك المحرك عمرة مثلا