|
ضبط نسبة الهواء إلى البنزين فى الكربراتير ... ؟؟؟
السلام عليكم
كل عام و أنتم و مصر بخير ============== لو سمحتم محتاج شرح تفصيلى من خبير فى الكربراتير عاوز أضبط مسمار الهوا و البنزين إللى أعرفه من عدة موضوعات و ده إللى بأعمله (رغم تضارب الآراء فى الموضوعات المختلفه) كالتالى: ------------------------------------------------------ مسمار الهوا : أربطة للنهاية و أفتحه 3 لفات (فى موضوعات بتقول على 2 و نص و آخر 3 و نص لفه كامله) مسمار البنزين: أدور المكنه و أربط لحد ما المكنه تبطل, و بعدين أفتح تانى مقدار لفه كامله السلانسية (إللى فى وش الكربراتير فوق) مربوط للنهاية -------------------------------------------------------- أنا عارف إن ضبط الكهربا للإسبراتير (يمين و شمال سنه بسيطه) صوت التسقيف و التنخيع فى المطبات إللى بيظهر لما تكون الكهربا عالية و سحب أفضل و ضرر أعلى على المكنه و تعتيل فى الدوارة عالبارد. و صوت شرقان و سحب ضعيف و صوت عالى للمكنه لو الكهربا واطيه --------------------------------------------------------- هنفترض إن الكربراتير نضيف و فلتر البنزين و الهواء جديد و البوجيهات نضيفه و الأبلاتين و الكوندنسر تمام و الحياه بيس (رغم إنها مستحيل تبقى بيس مع قطع الغيار المضروبه و بنزين مغشوش...) , المهم ده مجرد إفتراض علشان عدم التشتيت عاوز أعرف صوت المكنه بيبقى هادى إزاى من الكهربا و الكربراتير (بعيداً عن موال التاكيهات خاصة مع الجو الحار اليومين دول), لأن أحياناً بأسمع صوت (حاجه بترن) لما أدوس بنزين , و أحياناً صوت حاجة مسدوده و بتعافر تخرج (صوت مكتوم) ... كما لو كانت الكهربا واطيه (بس ده مش من الكهربا) عاوزين طريقة ضبط الكربراتير لتحقيق الآتى: ========= 1- صوت مكنه هادئ 2- أنتظام الدوران عالسلانسية بدون رعشه أو رجرجه 3- تسارع و سحب أفضل ما يمكن 4- عدم تهبب أو تكربن البوجيهات أو خروج عادم إسود 5- عدم وجود رائحة بنزين (نئ أو محروق) خاصة على السرعات العاليه معلش إصبروا علينا شويه و ربنا يجعله فى ميزان حسانتكم و عيد سعيد بإذن الله http://im33.gulfup.com/v0utX.jpg |
رد: ضبط نسبة الهواء إلى البنزين فى الكربراتير ... ؟؟؟
دى طريقة لاقيتها على موقع أجنبى إسمة redline لضبط كربراتير ويبرweber
========================= ======== عامل نقطة بداية للضبط, و هى: 1- مسمار الهواء: يتم ربطه بهدوء إلى قاعدته ثم فتحه 2 لفه 2- مسمار البنزين: يتم ربطة للآخر و فتحه 1 لفه, و يمكن زيادة نصف لفه لو المكنه مش عاوزه تدور. --------------------- بعد كدة الخطوات بالترتيب: 1- دور المكنه هتلاقيها مبرجله و صوتها عالى (جرار زراعى).... عادى 2- إربط مسمار الهواء للداخل, المكنه هتبرجل أوى و تترج و ممكن تتوقف, إرجع إفتح من وضع التوقف بمقدار نصف لفه فقط, و جرب تدور المكنه, لو مش عاوزه تدور زود نص لفه كمان و جرب. * هنا بقى اللعبه: هتزود نص لفه كل مرة و تنتظر فترة لا تقل عن 10 ثوانى علشان المحرك يستجيب للتغير براحته. و هتفضل تزود بالطريقة دى (نص لفه و تنتظر 10 ثوانى و تتابع صوت المكنه بودانك مش من خلال عداد RPM ) المفروض المكنه يبقى صوتها ناعم و منتظم , زود برضه لحد ما تلاقى مفيش تغيير فى الصوت مع فتح المسمار / أو لما تلاقى المكنه هتبدأ تبرجل تانى, إرجع لأفضل وضع سابق. كده أوعى تلمس مسمار الهوا تانى. 3- إفتح مسمار البنزين من نقطة بداية الضبط (اللفه الكامله) بمقدار ربع إلى نصف لفه علشان تضبط الـ RPM بتاع السلانسية سواء عالى أو واطى. ========================= المفروض بعد الشغل ده: --------------- مسمار الهواء يكون مفتوح بمقدار نصف لفه من نقطة بداية الضبط (يعنى 1 و نص : 2 و نص لفه) مسمار البنزين يكون أقل من ( لا يصل إلى) 2 لفه كامله غير كده يبقى الكرباتير نفسه مش مضبوط و محتاج البشمهندس معتز بتاع الكربراتير ملحوظة: يجب التأكد من كفاءة نظام الإشعال (تقسيمة الكاتينه و الأبلاتين و الكوندنسر و البوجيهات و الموبينه و أسلاك البوجيهات قبل ضبط الكربراتير لأن الحاجات دى بتأثر) و كمان التأكد من نظافة فلتر البنزين و الهوا و الكربراتير نفسه و عدم إنسداد البيكات. http://www.redlineweber.com/html/Tec...lean_best_.htm ده إللى فهمته و لخصته بتصرف, و لو فيه تعليق من أساتذتنا ياريت الإفاده مجرد سؤال: أخونا الكبير الأستاذ سمير عياد كان بيقول بوابة الكربراتير اللى فوق لازم تكون مواربه, أنا عندى دايماً على سيفها و مبتواربش غير مع شد الشفاط, و شفت الحكاية دى مع كذا عربيه لادا (نفس نوع الكربراتير) هل عندنا حاجه غلط؟ |
رد: ضبط نسبة الهواء إلى البنزين فى الكربراتير ... ؟؟؟
انا متابه باهتمام .... ربنا يكرمك
ان شاء الله انا بفكر افك الكاربراتير و انظفه و ارجعه تانى .... اكبر مشكلة موقفانى .... ازاى اظبط الكاربراتير تانى !!! |
رد: ضبط نسبة الهواء إلى البنزين فى الكربراتير ... ؟؟؟
موضوع رائع:THUMBS~220:
وانا هحاول افك الكربيراتير وامشي مع خطوات ظبطه ونشوف النتيجه وهنقل النتيجه :fun_36_1_26[1]: |
رد: ضبط نسبة الهواء إلى البنزين فى الكربراتير ... ؟؟؟
تسلم على الافادة المستفيضة
|
رد: ضبط نسبة الهواء إلى البنزين فى الكربراتير ... ؟؟؟
نفسى اتعمل ضبط الكرابرتير
|
رد: ضبط نسبة الهواء إلى البنزين فى الكربراتير ... ؟؟؟
انا عملت موضوع فك الكربراتير دا ونضفته ورجعته تانى وبالمناسبه فكيته حته حته
وطبعا دا من الخبره الى اكتسبتها من الصنايعيه وطولت بالهم يعنى من الأخر قررت مروحش تانى لصنيعى ولو روحت يبقى مره واحده وبعد كده الحاجه اعملها انا ولو وقفت اوى امرى لله اروحله تانى دى بردو ارزاق المهم لو حد ليه استفسار عن اى حاجه فى الفيات يسأل مجرب ولا يسأليشى طبيب لأن الطبيب اكيد يعنى مالوش فى العربيات وأسف على الأطاله وتحت أمركم فى اى سؤال وبالمناسبه انا معظم اجزاء السيارة بقيت بقدر افكها واعمل ليها صيانه وكمان بقى عندى القدرة على الأحساس بالسيارة اذا وجد بها اى تلفيات والأهم انى بحاول اعمل شكل جديد للسيارة عن طريق عمل لوحات ثرى دى عليها علشان الى يشوفها مبيبصش على الماركه ولا المنظر يبص على الرسم واهوه العين تروح فالرسم احسن ماتروح فى الحديد سلامى وتحياتى |
| الساعة الآن 03:23 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017