|
اصلح و لا اغير المتور جولف 76 ارجو المساعده
السلام عليكم احنا جابنا من حوالي شهر و نص عربيه جولف 1 موديل 76 متور 1100 سي سي صاحبها جايبها من سفاره المانيا سبور باب واحد و بعد ما جبها سافر كندا و علي حسب كلامه انها فضلت في الجراج 17 سنه و دلوقت رجع مصر و معاه باسات و عايز يبيع علشان يجيب فتيس جديد بتمنها المهم شوفنها وكده و كل الناس فالت انها زي الفل لكن زي ما الراجل ما قلنا عايزا طقم سنبر ب500 جنيه و خصمنهم من فلوسها لكنها ولا رشه دواخل ولا خوارج فبريكه و بفرش المصنع من 76 و مسيت بيها بعد 3 ايام وقفت بيا في النص الشارع سبتها نص ساعه راحت مشيت عادي و عملتها تاني واكتشفنا انها طلمبه بنزين و غيرناها المهم بعد ما مشيت بيها بفتره صغير سلك البنزين اتقطع والحمد لله ان في ميكنيكي في الشارع الي ورايا و بعدين حسيت انها اما باخد مطب ورا بتتهز جامد و سالت العفشجي الي تحتي قلي ان ورا عايز مساعدين دا غير اني رحت نضفت الكربراتير و الرادير كان بيطلع طينه و باقلي اسبوع كده كل ما افرمل اسمع صفاره بس مش عليا فمتوع انه طقم تيل فرامل دا غير بقي ان انا و اصحابي بنروح نادي القطاميه في القاهره الجديده فطبعا الطريق مفتوح جري العربيه بطه بلدي مش راضيه تعدي 100 خنقتني و كمان نسيت اقلكم بدخن دخان ابيض بس علي خفيف و كمان ام ادورها الصبح لازم افضل دايس بنزين علشان متفصلش دا غير اني مغيرلها بوجيها مرتين علشان المكنه بتعرق زيت و كمان عايز طقم دبرياج علشان فيها رجرجه غريبه -------------------------------------------------------------------------------------- دلوقتي بقي السؤال اشتري مكنه استيراد بالنص كامل و اغير عفشه طبعا و الفرامل و لو ممكن التابلوه من الحرفين و لا اعمل كللللللللللل الشغل ده (طقم شمبر + عفشه ورا + طقم تيل + طقم ديبرياج ) والله اعلم عايزه ايه تاني لانها متغيرش فيها مسمار كله الماني ولا اعمل كل الشغل دا و في الحالتين دا يتكلف كام و دا كام و كمان للاسف عايز اغير لونها و لا حتي اديها وش لانها مترشتش حتي نظافه من سنه 76 و لونها كريم بيتوسخ بسرعه جدااااااااا:070104~242::0 70104~242: |
رد: اصلح و لا اغير المتور جولف 76 ارجو المساعده
نص جولف 2 كامل من بورسعيد تفضيه فى عربيتك بعد عمل اللازم من سمكرة ودوكو
اشتريتها بكام وهى مرفوعة 17 سنة على كلام البياع ؟؟ |
رد: اصلح و لا اغير المتور جولف 76 ارجو المساعده
بكام بقي النص الكامل ده
و بعدين هوصله ازاي من بورسعيد لهنا |
رد: اصلح و لا اغير المتور جولف 76 ارجو المساعده
5-7 بس يكون من حد ثقة
او من الحرفيين لو هتعمل السمكرة والدوكو هنا |
رد: اصلح و لا اغير المتور جولف 76 ارجو المساعده
اوك شكرررررررا بس بيتهيالي 7 كتير و هو ممكن 4 او 5 5.5
وللاسف معرفش حد لا ثقه ولا غيره بس الي بفكره فيه ان هناك في ميكانيكيه جولف هاخده معايا و هو يضمنه و مش هدفع كل الفلوس ابقي مبلغ و بعد اسبوغين لو تمام ادفع الباقي لو مش تمام يشوفلي واحد تاني او عند حد تاني بس بالنسبه للمتور بتاعي هم هيشتروه ؟ والمرور انا سمعت انهم لازم يبعهولي زي العربيه في الشهر العقاري |
رد: اصلح و لا اغير المتور جولف 76 ارجو المساعده
الجديد له جواب افرج جمركى بيتبعت على المرور اللى انت تابع له بإسمك
الموتور القديم بتاخد البلوك للمرور عشان يعدموه لأن عليه رقم لازم يتسلم للمرور والمصاريف مش متأكد منها :CONGRA~238: |
رد: اصلح و لا اغير المتور جولف 76 ارجو المساعده
يا رب حد يكون مره بتجربته تسقيط متور يفديني :w6w200504112245306eايه ياترى
|
| الساعة الآن 09:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017