كافة المعلومات عن جيلي mk2008 بالتجربة 40الف كيلو
السلام عليكم ورحمة اللة وبركاتة انا اشتريت سيارة جيلي mk يوم 7يونيو 2008 من اوائل الناس الي اشترت الجيلي كنت خايف جدااا من الصيني خوضت التجربة جربت العربية 40الف كيلو حتي الان واحكي لكم مميزات وعيوب الجيلي خلال هذة الفترة اولا البطاقة الفنية للسيارة محرك السيارة 1600 سي سي 108 حصان عزم 137 نيوتن المحرك مصنع باحدث التكنولوجيا اليابانية (تويوتا) وهو نسخة طبق الاصل من محرك تويوتا كورولا 2005 ثانيا: العفشة ونظام التعليق بتكنولوجيا تويوتا كرولا 2005 يعني يمكن تغيير العفشة بالاكمل بعفشة تويوتا ياباني ونظام الفرامل نفس نظام فرامل اليارس ونفس مقاسات الطنابير ومقاس تيل الفرامل انا بغير بتيل فرامل بتاع يارس ودي ميزة ان قطع غيارها ياباني وتويوتا ومتوفرة في السوق مع العلم ان العفشة الاصلية ادائها رائع جدااا ثالثاا:الكماليات : السيارة مجهزة 4 زجاج كهرباء ازرار بلمسة واحدة مع سنتر لوك يقفل السيارة بعد سرعة 30كيلو متر للامان باور ستيرينج هيدروليك وكويس جدااا علي السرعات العالية والمنخفضة ومزودة بجهاز mp3 مدخل usb مع اربع سماعات عالية الجودة تكييف قوي 4 سرعات حساسات ركن خلفية فوانيس السيارة تعمل بنظام ذكي جداا للضوء ومزودة بعدسات ومزودة بفوانيس شبورة وتعمل بنظام تدفئة كرسي السائق والمرايات والزجاج الخلفي لازالة الشبورة ومزودة بمرايات بتحكم كهربائي ومزودة بوحدة كمبيوتر زكية ecu لتنظيم حركة المحرك . رابعاا: مواصفات الامان والسلامة بالسيارة : مزودة بجهاز abs المانع لانغلاق الفرامل علي فكرة فرامل الجيلي مؤمنة امان تام ومزودة بنظام ebd لتوزيع قوة الفرامل علي الاربع عجلات ومزودة 2 ايرباج حسب الطلب خامسا : الشكل الخارجي للسيارة السيارة مقتبسة تماما من الاوبل فيكترا 2008 من الامام ونفس حجم السيارة تويوتا كرولا 2007 نيجي لتجربة 40الف كيلو محرك السيارة قوي في الظروف الصعبة ولا يتاثر بالحرارة ومزود بخاصية العزل التام وهي supur cilant صوت المحرك يعتبر مش موجود والموتور ناعم جداا والسحب بتاعة عالي العربية ثابتة جدا جدا جدا علي السرعات العالية انا قفلت امبيرها 195 دة اخرها وكانت بتتعامل مع ظروف الطريق لان العفشة بتاعت العربية فيها ليونة العربية الباور بتاعها اول مابتيجي جديدة من المعرض كان سيء للغاية لكن بعد 1000 كيلو تليين اتحول 180 درجة وبقا حاجة تانية السيارة موفرة في البنزين نسبيا ومن عيوبها بتحتاج تزبيط في طقم الدبرياج كتير والعيب الاخر صوت ونة بيظهر من الفيتيس دة مش عيب دة لان بلي الفتيس حجمة كبير علشان كدة بيعمل ونة لكن دي من طبيعة الفتيس مش عيب فية علي فكرة الفتيس ادائة رياضي جدا الكبالن بتاعتها كويسة جدا لان انا من هواة الستعراض بالسيارة بكنت بجرب كل حاجة فيها والكبالن لسة زي الفل وشغلت التكييف لمدة 4 ساعات متواصل واداء الموتور مية مية وبينزل فيها جنوط 14 وكاوتش 185علي 60 بيديها ثبات رائع قطع غيارها معقولة الفانوس الامامي ب390 والفانوس الخلفي 190جنية وفلتر الهواء 35 وفلتر البنزين 25 جنية لو عايز تجيب اي قطع غيار في المحرك جبها من برة التوكيل وتكون قطع غيار تويوتا كرولا 2005 هتلاقيها في كل مكان وكذلك العفشة وعلي فكرة الشنطة بتاعتها واسعة وكويسة والتابلوة بتاعها زي تابلوة اليارس مميز بعداداتة اللي في المنتصف شكلها شيك جداا واللي عايز يشتري جيلي يتوكل علي اللة وربنا يباركلة فيها ومعلش انا مش منسق الموضوع لانة كتبتة بسرعة وهاعرض ليكم بعد كدة الصور لما اصور العربية باكملها ارجو ان الموضوع ينال اعجابكم والسلام عليكم ورحمة اللة وبركاتة http://image039.mylivepage.com/chunk...-mk%202008.jpg http://img241.imageshack.us/img241/5...8248605ui0.jpg http://lh5.ggpht.com/_ojNBFXeX8BA/Sb...o/geely_mk.jpg http://lh6.ggpht.com/_ojNBFXeX8BA/Sb..._8x800x600.jpg http://lh4.ggpht.com/_ojNBFXeX8BA/Sc...s800/1_1_l.jpg http://www.asiaone.com/A1MEDIA/motor...28_geelymk.jpg http://lh6.ggpht.com/_ojNBFXeX8BA/Sc...s912/1_2_l.jpg http://www.thetycho.com/galleries/geely_mk_3.jpg http://lh4.ggpht.com/_ojNBFXeX8BA/Sc...s800/1_3_l.jpg http://lh6.ggpht.com/_ojNBFXeX8BA/Sc...s800/1_5_l.jpg |
رد: كافة المعلومات عن جيلي mk2008 بالتجربة 40الف كيلو
كويس و الله نسمع كلمتين حلوين عن الجيلي
انا كنت رافض فكرة الصيني تماما و لسه مش بفكر فيه بس يمكن مع الوقت الأحوال تتعدل و يبقي كويس زي الكوري كده من 10 سنين..ماحدش عارف الصيني هيعمل ايه بكرة ربنا يباركلك فيها و يكفيك شرها |
رد: كافة المعلومات عن جيلي mk2008 بالتجربة 40الف كيلو
الف شكر علي الكلام بانصاف علي العيوب والمميزات الي في السيارة بس منتظرين صور العربية !!!
|
رد: كافة المعلومات عن جيلي mk2008 بالتجربة 40الف كيلو
شكراً يا دريفت على الريفيو الجميل ده ptmnlo123per112
وربنا يبارلك فيها يارب بس ايه اخبار التوكيل كويس معاك ولا ايه ؟ |
رد: كافة المعلومات عن جيلي mk2008 بالتجربة 40الف كيلو
بجد الف شكر موضوع جميل بس بعد اذن حضرتك ليا سؤال يعنى اه الدبرياج محتاج ضبط كتير
وخلال ال40000 كم حضرتك ضبطه كام مره وازاى وفين وبكام الف شكر مره ثانيه |
رد: كافة المعلومات عن جيلي mk2008 بالتجربة 40الف كيلو
شكراا ابو نورا علي التعديل الجميل والصور وبالنسبة للتوكيل مركز خدمة كوين سيرفيس بس ساعات بيكروتو العربيات لما بيكون في زحمة وياريت لما تكون رايح تعمل صيانة تقولهم مثلا العفشة مش مظبوطة الباور مش حلو التكييف ادائة مش عالي ومش شرط يكون كل الحاجات دي موجودة بس علشان يهتمو بالصيانة كويس لذلك لازم تخترع عيوب في العربية انا في صيانة الالف كيلو قولتلهم العفشة بتخبط والباور تقيل والتكيف ضعيف والعربية مخنوقة مش بتجري وعلشان كدة فككو العفشة حتة حتة وظبطوها اوي وهي مكنش فيها حاجة الكلام دة بالنسبة لمركز كوين سيرفيس اما بالنسبة لمركز خدمة محرم بك بالسكندرية هو افضل توكيل لجيلي في مصر لان المهندسين اغلبيتهم من الصين وهو مجهز علي اعلي مستوي بوجة عام توكيل جيلي في مصر جيد وفي تقدم يوم بعد يوم
|
رد: كافة المعلومات عن جيلي mk2008 بالتجربة 40الف كيلو
بالنسبة للدبرياج انا ظبطة 3 مرات بس كان بسبب اني جيبت سرعة 155 علي الغيار التالت علشان كنت بجرب البريفكت شيفت ومرة اخري بسبب اني كنت دايس علي العربية اوي لمدة 3ساعات علي طريق بور سعيد كنت بجرب التحمل بتاعها لكن تظبيط الدبرياج بيبقي خفيف لاني مش بغير حاجة الديسك والسطوانة مية مية زي الفل مش فيهم حاجة ولا اتاثرو بحاجة لكن طقم اصلاح البرياج وجلب الدبرياج مش بتبقي مظبوطة فبيظهر حكة في الغيار الخلفي بتظبطة عند اي ميكانيكي ومش بتكلفك نصف جنية
|
الساعة الآن 05:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017