|
و أخيرا بعد ما غلبت كل المنتدى معايا إن شاء الله مازدا 3
السلام عليكم
معلش يا شباب بقالي كتير مش بشارك لظروف سفري لأداء فريضة الحج ( ربنا يكتبهالنا كلنا يا رب ) بقالي فترة بتابع بس من غير مشاركات تقريبا بس أخيرا قررت أكتب بعد طول غياب ( حلوة بعد طول غياب مش كدة ؟ :) ) بعد طول تفحيص و تمحيص و تفعيص في السيارات و بعد ما حيرت كل المنتدى معايا ربنا يجازيكم خير على تحملكم معي و مشاركاتكم همومي و أحزاني و أفراحي أيضا الخلاصة علشان ما أرغيش كالمعتاد ( زمانكم زهقتوا مني :) ) الميزانية بتاعتي اتحددت من 125000 إلى 13000 و طبعا حلم الكورولا اتبخر و ذهب مع الريح ( حلوة برضه :) ) فكرت في أربع سيارات و نزلت شفتهم في معارض (و دي كانت خطوة حاسمة موضوع المعرض دة ) 1- شيفورليه كروز أوتوماتيك 124900 2- كيا كارينز أوتوماتيك 117900 ( تقريبا ) وكيل 3- كيا سيراتو 2011 SX اللي ب 119000 ( برضه مش فاكر السعر دة مضبوط ولا لأ ) 4- ميتسوبيشي لانسر بومة 2010 أةتوماتيك وكيل ( سمعت فيها أكتر من سعر ومالقيتش معروض منها إلا خليجي ) طبعا دخت و دوخت مراتي معايا لأني لففتها على المعارض لما رجلها ورمت ( و أنا ليا وجهة نظر في أخذ رأي الجماعة في السيارة قبل الشراء ممكن أقولها بالتفصيل بعدين علشام ماطولش ( مع إني طولت فعلا :) ) ) باختصار
بقدر الله كنت باكلم مندوب شركة في التليفون علشان أسأله على الكروز فقالي على المازدا 3 طبعا في البداية قلتله لأ طبعا دي غالية عليا ( 139000 ) + إن قطع غيارها غالية و مش موجودة قالي إن فيه عرض دلوقتي عليها خصم 10000 جنيه + توكيلها دلوقتي مع غبور يعني ماتقلقش من الصيانة و قطع الغيار الفكرة لعبت في دماغي و نزلت اتفرجت عليها لقيتها باختصار سيارة أكثر من رائعة ياباني 100% + جودة عالية + شكل جذاب + سعر معقول + كماليات ممتازة على هذه الفئة السعرية + وكيل قوي + ثبات على الطريق مشهود له + ...... الخ بس طبعا الحلو مايكملش هناك عيب بسيط هو صغر الباب الخلفي للسيارة مما يعطي عدم راحة في الدخول و الخروج من السيارة + الصالون ضيق شوية + تخوف من عدم معرفة أسعار قطع الغيار حتى الان ( لكي يطمأن قلبي) + مركز الصيانة الوحيد حاليا في أبو رواش يعني محتاج سفرية كل صيانة طبعا مافيش عربية فيها كل المميزات و ليس بها عيوب علشان كدة أنا فاضلت المميزات مع العيوب لقيت إنها أفضل إختيار في هذه الفئة السعرية بس طالب منكم ثلاث طلبات 1- الدعاء لي بالتوفيق و السداد 2- مشاعدتي في بيع سيارتي لكي أستطيع من اكمال ثمن السيارو ( كنت عامل موضوع في قسم اعلانات بيع السيارات و الظاهر إن مافيش حد عبرني لحد دلوقتي مش عارف ليه , و دة اللينك بتاعه http://www.masrmotors.com/vb/showthread.php?t=41712 3- معرفة أسعار قطع الغيار بالضبط من عند عمو غبور و في النهاية اسف على الاطالة و أتمنى للجميع التوفيق لأحلى منتدى |
رد: و أخيرا بعد ما غلبت كل المنتدى معايا إن شاء الله مازدا 3
وفقك الله لما فيه الخير
|
رد: و أخيرا بعد ما غلبت كل المنتدى معايا إن شاء الله مازدا 3
ربنا يوفقك في الأختيار استعن بالله دائماً وابداً عندما تنوي الأستقرار علي قرار صعب زي قرار العربية
وان شاء الله الأخوة في المنتدي مش ها يبخلو باي معلومة تساعدك علي اتخاذ القرار |
رد: و أخيرا بعد ما غلبت كل المنتدى معايا إن شاء الله مازدا 3
ألف حمد لله على السلامة واحشنا يا راجل فينك من زمان فى البداية المازدا 3 أختيار موفق إن شاء الله ولو إنى أري أن تنتظر لغاية 12 يناير القادم إن شاء الله معرض فورميلا الأهرام .... حيكون فى حاجات كتير جديدة مع إحتمالية نزول الأفانتى .... يعنى مش حتفرق معاك شهر كمان فى حاجة تانية الكروز اللى فيها إير باج وABS وجنوط .... سعرها الرسمى 130000 ج موديل 2010 أخيراً فاصل ونواصل مع بروشور المازدا 3 المصرى إهداء خاص لك يا أستاذ على أنتظرنى 10 دقائق بإذن الله |
رد: و أخيرا بعد ما غلبت كل المنتدى معايا إن شاء الله مازدا 3
اقتباس:
وعد الح دين عليه :) أنا كمان اتصلت بيك أول امبارح على الرقم اللى انت حاطه و ماردتش عليا ماكانش العشم:) |
رد: و أخيرا بعد ما غلبت كل المنتدى معايا إن شاء الله مازدا 3
اقتباس:
أنا كنت مستني مشاركتك دي بالذات المشكلة مش حاقدر أستنى لكذا سبب: 1- ظروف مادية تتعلق بالقرض و بيع السيارةفلوس كتير 2- أسعار موديلات 2011 في الغالب أغلى حتى مع وجود عروض 3- عرض المازدا حايروح مني :) 4- مع احنرامي الكامل للأفانتي الجديدة لا أفضلها على المازدا + إنها في الغالب حاتنزل مصر على شهر 6/2011 تحت موديل 2012 تعليق صغير: معلومة 130000 للكروز دي قديمة شوية السعر الحالي 134900 رسمي من الوكيل و الموزع المعتمد و دة سعر أنا شايف إنه مبالغ فيه شوية مرة ثانية أنا أقدر رأيك و مشاكاتك و أحترم رأيك جدا شكرا |
رد: و أخيرا بعد ما غلبت كل المنتدى معايا إن شاء الله مازدا 3
اقتباس:
اما بخصوص قطع الغيار يوم الاربعاء ان شاء الله حتكون عندك |
| الساعة الآن 05:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017