|
رد: هل استخدمت الكوسة علشان تطلع رخصة.؟
في الاول انا حاولت اطلعها بالكوسة بس اتنصب عليا و مرة تاني الناس عرفوني علي مقدم شرطة يساعدني و ياخد هدية (رشا) و فشل و كان شكلو زبالة من الكسوف لان الظابط بتاع المرور كسفو.
و كنت بسوق كويس من 8 سنوات بدون رخصة و لكن الكل بيقول لو مافيش كوسة مش هتطلع فقررت امتحن و امتحنت و نجحت و الفضل للاه فقط |
رد: هل استخدمت الكوسة علشان تطلع رخصة.؟
الحمد لله طلعت الرخصه من اول اختبار بدون اى وسطه وكان هذا فضل من الله .
|
رد: هل استخدمت الكوسة علشان تطلع رخصة.؟
انا طلعتها تبع مدرسة السواقة الى كنت بتعلم فيها " 4 ايام تعليم" سنة 98, خدو 150 جنية لزوم كوسة الرخصة, خادونا على المرور و طلبلنا شاى و بعد 10 دقايق خرجنا بالرخص ! |
رد: هل استخدمت الكوسة علشان تطلع رخصة.؟
احسن حاجه اني مش معايا رخصه اساسا
|
رد: هل استخدمت الكوسة علشان تطلع رخصة.؟
يا باشا بانا عايز اقولك ان ربنا هيحاسبنا اشد محاسبه على اننا ظلمنا الكوسه الفتره اللى فاتت دى كلها لانه بما انه ماكنش فيه حاجه بتطلع او بتخلص فى البلد بدون الكوسه فكان لازم تبقى اغلى من اللحمه نفسها ولكن بما ان فيه كوسه .. فالكوسه كانت رخيصه :CHUBBY~36::CHUBBY~36::CH UBBY~36: |
رد: هل استخدمت الكوسة علشان تطلع رخصة.؟
انا بقى عملت الرخصة (الثالثة المهنية) بلب الكوسة نفسه
المفروض انى هاعملها عشان اغير مهنة (كنت هسافر بمهنة سائق الى السعودية) دفعت 600 ج عشان الاختبار فقط وباقى التكاليف مشيتها رسمى فهمى نظمى ولكانت لفة مقرفة وغايه فى الارهاق من مرور اكتوبر ...للتأمينات..... للنقابة..... لمرور بين السرايات..... للكشف الطبى بلمستشفى اللى الجيزة لـ.... لـ...... ويا سلام لو روحت ع الامتحان والظابط اللى بيمتحن ماجاش (مش ماجاش كده وخلاص) لأ ماجاش بعد انتظار 5 ساعات من 9 الصبح لـ 2 بعد الظهر وحلاوته بقى لوكانت القصة دى فى الصيف الموضوع ده حصل فى شهر 4/2008 واتكلفت حوالى 2000 (بما فيهم الكوسة ام 600 ج لوحدها ----سامحنا يا رب) اضطرارا مشيت فى السكة دى لانى ماكنتش ركبت عربية فى حياتى وساعة الاختبار ركبت عربية نص نقل (دى اللى كانت موجوده ساعتها) ركبت وقولت اجيب الاول (على حسب ما سمعت قبل كده وادوس بنزين سنه سنه واخف دبرياج سنه سنه) سنه سنه مين؟؟؟ بنزين ايه ودبرياج ايه ؟؟؟؟ الفتيس عايز 3 جبابرة عشان يجيبوا الاولانى(وانا ساعتها عُصفُر) ماعرفش حاجه واول مره احط رجلى فى عربية ونص نقل كمان طبعا مامشيتش 1سم وبطلت وانا واقف قالى انزل وروح بعدها بيومين روحت اتصورت واخدت الرخصة وسلم لى على غيط الكوسه بالمناسبة الرخصة حاليا (المهنية) انتهت شهر 4/2011 لانها كل 3 سنين وماشى بيها برضه وعايز اعمل الخاصة بس بدون كوسة لانى الحمد لله اتعلمت السواقة لكن خايف يحصل اى حاجه كده ولا كده ويسقطونى(رهبة الامتحان بقى) ويقولولى تعالى بعد شهر عايز حد يشجعنى :286: |
رد: هل استخدمت الكوسة علشان تطلع رخصة.؟
20 جنيه و أمين الشرطه هو اللي ساق و نجحت
بس الظابط رخم و طلعهالي بنضارة بالعافية |
| الساعة الآن 02:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017