مصر موتورز مجتمع السيارات - أساسيات القيادة الرياضية .

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - أساسيات القيادة الرياضية . (https://www.masrmotors.com/vb/showthread.php?t=31820)

رد: أساسيات القيادة الرياضية .

اقتباس:

المشاركة الأصلية كتبت بواسطة SMSM RACE (المشاركة 239903)

متشكر جدا لرد حضرتك
بس ليا سؤال ليه ماتنصحنيش بالشكمان الكامل مع ان الى انا اعرفه انا العربيه طالما ركبلها فيلتر اسبور هتاخد هواء اكتر من الاول فالازم يكون مواسير الشكمان اكبر عشان تطلع نفس الهواء الكتير الى داخل.

معلش ياباشا, أتأخرت فى الرد على حضرتك, العتب على النظر مشفتش التعليق ده:)

نظام الشكمان الكامل غالى أوى على التغيير, لأنه هيدى زيادة بسيطة فى القوة وخاصة مع الفلتر, وطبعا نظام كامل هيدى صوت جبار, بس نظام كويس مش هيقل عن 800 جنيه, وخلى بالك أن مش مهم القطر أوى قد مامهم الأنحنائات اللى فى النظام عاملة أزاى, ودى بتقلل من تدفق الهواء وبتزود الضغط فى النظام, علشان كده يفضل فى التغيير أن النظام يكون نوعه نضيف ورياضى, علشان المصرى والصينى مابيهتموش طبعا بالموضوع ده, والأنظمة الرياضية بتبقى محسوبة علشان تقلل مقاومة مرور الهواء فيها لأقصى درجة بغض النظر عن القطر.

وعموما, نظام العادم بيتغير عامة كضرورة فى حالتين, تربو أو سوبر تشارجر, علشان العادم تقريبا هيزيد الضعف, أو فى حالة توسيع السلندرات بتاعة الموتور وتركيب بساتم أكبر, علشان الزيادة الكبيرة فى العادم برضه, وطبعا فى حالة تسقيط موتور أكبر.

بس الزيادة فى دخول الهواء علشان الفلتر متتطلبش تغيير نظام العادم كله, ممكن علبة ديفل نضيفة ورياضية بعيد عن المصرى والصينى تدى زيادة ملحوظة فى الصوت والقوة بحوالى 400 |أو 350 جنيه.

وخد بالك أن مهما غيرنا وعملنا, فكمبيوتر العربية هو هو, وفلتر الهواء وظيفته زيادة دخول الهواء للحصول على أفضل عملية أحتراق, أنما كمبيوتر العربية مهما عملنا فهو شغال بخرايط مخزنة فيه, وحتى لو ركبنا تربو على العربية, الكمبيوتر بتاعها مش هيدخل بنزين زيادة علشان الهواء الزيادة اللى داخل, وبالتالى ولا له أى فايدة.

فالديفل والفلتر غرضهم تحسين ماهو موجود أصلا, يعنى فى عربية عادية مهما عملت صعب جدا تحصل على زيادة 30 حصان حتى لو لعبت فى دواخل الموتور طالما الكمبيوتر متغيرش, والتعديلات دى غرضها تحسين مرور الهواء عن القطع الأصلية بتاعة المصنع, وبالتالى بتطلع قطرات زيادة من قوة الموتور.

اقتباس:

و الله العظيم فنان

ربنا يخليك يا موتور هيد, ولا أقول جير هيد:).

رد: أساسيات القيادة الرياضية .

الله عليك يا انجيكشن دي لولا علمتك الادب الشرعي علي اصوله علشان كدا مفيش فيها حته سليمة شكلك بتطبق الكلام ده كله بالعكس هههههههههههههههههههههه

والله موضوع ممتاز تسلم ايدك يا زعيم انا الوحيد بس اللي نفسي اكله علي الطريق هو احمد بدر بالخنفثه بتاعته ديه

رد: أساسيات القيادة الرياضية .

اقتباس:

المشاركة الأصلية كتبت بواسطة Injection (المشاركة 246995)

فالديفل والفلتر غرضهم تحسين ماهو موجود أصلا, يعنى فى عربية عادية مهما عملت صعب جدا تحصل على زيادة 30 حصان حتى لو لعبت فى دواخل الموتور طالما الكمبيوتر متغيرش, والتعديلات دى غرضها تحسين مرور الهواء عن القطع الأصلية بتاعة المصنع, وبالتالى بتطلع قطرات زيادة من قوة الموتور.

يعنى انت شايف ان نظام الهيدر ده مش هايفيد بحاجه الا لو ركبنا تربو او سوبر تشارجر وكمان لازم كمبيوتر العربيه يتعدل.
انا كل الى عايزه اعلى الهورس باور من غير تعديلات خرافيه
فا الفيلتر ده اساسى هايتغير طب وبالنسبه لعلبه الديفل دى هتزود حاجه مع العلم انى مابحبش صوتها يعنى لو فى علبه ديفل هاتزود هورس باور ومن غير صوت هاجيبها

خلاصه الموضوع : اولا : لازم فيلتر هواء سبور
ثانيا : البوجيهات الرياضيه مابتعملش حاجه
ثالثا : نظام الهايدر مش مفيد من غير تربو وتعديل الكمبيوتر

يعنى انا كل الى هاعمله اركب فيلتر بسسسسسس ؟؟؟؟؟؟؟؟؟؟

رد: أساسيات القيادة الرياضية .

ياباشا أنا كل قصدى أن الديفل قيمته أقل من ثمنه, يعنى هتدفع حوالى 1000 جنيه فى نظام شكمان كامل, وهيدى زيادة فى الأداء لكن 1000 جنيه كتير على الزيادة دى, بس هو فعلا هيحسن سحب العربية وخصوصا مع الفلتر.

البوجيهات الرياضية عندى, بس للأسف مش حاسس بفرق, وكل ما الميكانيكى يشوف وشى يقولى غيرها معرفش ليه :), لو عايز الصح هات البوجيهات ومعاها السلوك بتاعتها, أسبليت فاير يعنى, علشان تحسن من حرق البنزين وتقلل المقاومة للشرارة لأقصى درجة.

كل كلامى اللى مالوش لازمة فى المشاركة اللى فاتت يتلخص فى كلمتين, كمبيوتر العربية هو اللى بيوازن بين الهواء والبنزين, فكل وظيفة الفلتر تسهيل دخول الهواء للموتور, لكن هو مبيدخلش هواء زيادة, والشكمان نفس الحكاية, بيسهل خروج العادم علشان يشيل الضغط من على الموتور.

لكن الشكمان والبوجيهات والسلوك والفلتر طبعا هيدوا شوية أحصنة, حوالى 10 حصان مثلا وهيزودوا سحب العربية, لكن هل الزيادة دى تستحق حوالى 2000 جنيه؟

وبعدين أنا من رأيى تركب فلتر K&N الأول, وتمشى بيه شوية وتشوف الفرق, بعديها بأسبوعين مثلا تركب البوجيهات بالسلوك, وتشوف الفرق وهكذا, علشان متركبش كل حاجة مرة واحدة وتبقى عارف كل حاجة زودت السحب قد أيه.

علبة الشكمان الأخيرة بتسبب ضغط على نظام العادم, وتغييرها بواحدة سبور كويسة هيحسن السحب طبعا, وفيه ناس بتشيل علبة البيئة وتركب بدالها ماسورة علشان تقلل المقاومة للعادم لأقصى درجة, بس طبعا حضرتك مش هتعمل كده.

وعلى فكرة فيه عضو معانا هنا عارض تربو للبيع فى قسم تعديلات الأداء على 700 جنيه, وهو هاوى يعنى ممكن يساعدك فى التركيب وأيجاد القطع المناسبة, وطبعا ده مستوى تانى خالص غير التعديلات اللى بنتكلم عليها, وهيخلى العربية طيارة بالنسبة لحالتها الأصلية.

وربنا يوفقك للقرار الصحيحROSE4U.

رد: أساسيات القيادة الرياضية .

اقتباس:

المشاركة الأصلية كتبت بواسطة Injection (المشاركة 248917)

ياباشا أنا كل قصدى أن الديفل قيمته أقل من ثمنه, يعنى هتدفع حوالى 1000 جنيه فى نظام شكمان كامل, وهيدى زيادة فى الأداء لكن 1000 جنيه كتير على الزيادة دى, بس هو فعلا هيحسن سحب العربية وخصوصا مع الفلتر.
انا فاهم كلام حضرتك يعنى انت شايف ان انا مغيروش غير لو هاركب تربو

البوجيهات الرياضية عندى, بس للأسف مش حاسس بفرق, وكل ما الميكانيكى يشوف وشى يقولى غيرها معرفش ليه :), لو عايز الصح هات البوجيهات ومعاها السلوك بتاعتها, أسبليت فاير يعنى, علشان تحسن من حرق البنزين وتقلل المقاومة للشرارة لأقصى درجة.

منا قصدى على البوجيهات دى طبعا مش هاجيب ده لوحد وده لوحد واى نوع لا طبعا انا هاجيب الى احسن من السبليت كمان فهل ده هايفرق من غير اللعب فى موضوع الكمبيوتر ده

كل كلامى اللى مالوش لازمة فى المشاركة اللى فاتت يتلخص فى كلمتين, كمبيوتر العربية هو اللى بيوازن بين الهواء والبنزين, فكل وظيفة الفلتر تسهيل دخول الهواء للموتور, لكن هو مبيدخلش هواء زيادة, والشكمان نفس الحكاية, بيسهل خروج العادم علشان يشيل الضغط من على الموتور.

لكن الشكمان والبوجيهات والسلوك والفلتر طبعا هيدوا شوية أحصنة, حوالى 10 حصان مثلا وهيزودوا سحب العربية, لكن هل الزيادة دى تستحق حوالى 2000 جنيه؟

وبعدين أنا من رأيى تركب فلتر K&N الأول, وتمشى بيه شوية وتشوف الفرق, بعديها بأسبوعين مثلا تركب البوجيهات بالسلوك, وتشوف الفرق وهكذا, علشان متركبش كل حاجة مرة واحدة وتبقى عارف كل حاجة زودت السحب قد أيه.

معاك فى الموضوع ده

علبة الشكمان الأخيرة بتسبب ضغط على نظام العادم, وتغييرها بواحدة سبور كويسة هيحسن السحب طبعا, وفيه ناس بتشيل علبة البيئة وتركب بدالها ماسورة علشان تقلل المقاومة للعادم لأقصى درجة, بس طبعا حضرتك مش هتعمل كده.

مانا عايز اغيرها بس مابحبش صوتها عشان كده بسأل هل فى علبه تقوم بنفس الوظيفه من غير صوت مزعج

وعلى فكرة فيه عضو معانا هنا عارض تربو للبيع فى قسم تعديلات الأداء على 700 جنيه, وهو هاوى يعنى ممكن يساعدك فى التركيب وأيجاد القطع المناسبة, وطبعا ده مستوى تانى خالص غير التعديلات اللى بنتكلم عليها, وهيخلى العربية طيارة بالنسبة لحالتها الأصلية.

لا العربيه لسه جديده مش عايز اللعب فيها للدرجه دى عشان كده فى اول كلامى سألت عن تعديلات من غير ماتكون خرافيه

وربنا يوفقك للقرار الصحيحROSE4U.
اشكر حضرتك جدا على ردك وسعه صدرك

ROSE4U ROSE4U ROSE4U ROSE4U ROSE4U ROSE4U