رد: تجربه شيفروليه كروز (حازم خضر)
 

تمام، تقرير رائع، بس أنا ما زلت عند رأيي: إنها لا تنافس فئة الياباني، فما زالت أقل من الكرولا واللانسر وطبعا أقل من المازدا 3 وطبعا الهوندا سيفيك، لكنها عربية جيدة ، يعني أفضل بالنسبة لي من الالنترا والسيراتو، وشكرا لصاحب التقرير.

رد: تجربه شيفروليه كروز (حازم خضر)
 

شكرا يا حازم باشا على التقرير الرائع و المحترف, فعلا جعلنى اقيم السيارة, و اى شخص مقبل على شرائها هيستفيد بوصفك الوافى و الدقيق.
و حسنا فعلت بتركيزك على طابع السيارة الاوروبى,
فالكروز عربية كورية الصنع لكنها تميل الى كونها المانية أكثر, و ليس ذلك بعجيب, فدايو من زمان تصنع سيارات معتمدة على تكنولوجيا جنرال موتورز و بالتحديد اوبل, فممكن نقول انها سيارة امريكية المانية التصميم تصنع فى كوريا, و لهذا تعتبر افضل الكوريات.

رد: تجربه شيفروليه كروز (حازم خضر)
 

رد: تجربه شيفروليه كروز (حازم خضر)
 

تقرير جميل ياحازم وانا كنت مستنى الكماله والتفاصيل عشان اشكرك بشده
من التقرير انا كونت فكره ان العربيه فخامه فى التصميم الخارجى والداخلى لكن اداء السياره مش داخل دماغك صح؟
اسلوبك رائع ياحازم فى السرد وتسلم ايدك ياجميل

رد: تجربه شيفروليه كروز (حازم خضر)
 

حلوه مرود الشيفو دي يا ميدا شكرا ليك علي كلامك الجميل:)
شكرا يا بدر باشا انت برضه مجهوداتك باينه و بالنسبه للبرنامج انا ممكن اعمله بس في قناه (بدر موتور ) :HAPPY_~211:
الله يخليك يا حاتم باشا دا بس من زوقك و كلامك دا وسام علي صدري

رد: تجربه شيفروليه كروز (حازم خضر)
 

بالضبط يا ميام باشا
و هو دا غرض الموضوع انا حبيت اكتب التجربه بس اسيب كلام بين السطور من غير ما اقوله
و يمكن دا اللي كان مخليني فتره طويله مش عارف اكتب التقييم علشان اوصل بيه للمرحله
اللي تخلي واحد زي حضرتك كده يتمعن فيه و يفهم اللي عاوز اقوله
و فعلا ملخص المقال كله في السطرين اللي حضرتك كاتبهم
تحياتي ليكptmnlo123per122
سامح باشا الله يخليك
بس الموضوع دا عاوز ميه خضرا بقي مش حاجه ساقعهptmnlo123per154
صلاح باشا مفيش مشاركه ليك الا لما بترسم الضحكه علي شفايفي من الودن للودن:CONGRA~238:
اما بالنسبه لتجربه البورش فدي حتبقي تجربه صعبه اوي محتاجه كام موضوع من مواضيعك و ابو رجل مسلوخه يجي ياخدنا كلنا نجرب البورش بس البورش اللي بجد بقي مش العربيه:HAPPY_~211:
شكرا لكلامك يا ميمو باشا و ربنا يبارك لك في عربيتك و يديك خيرها و يحميك من شرها
بالنسبه للفرامل كانت من غير abs و فعلا فعاله لدرجه اني ساعات كنت بدوس عليها بحس ان العربيه فيها abs من قوتها و عدم زحف العربيه
كل اللي ضايقني ان الدواسه طريه شويه و محتاجه وقت للتعود عليها بخلاف معظم الاتوماتيك بتبقي دواسته ناشفه و فعاله في اول 3 سم لكن دي محتاجه تدوس اكتر علشان تحس بفاعليتها
الف شكر يا باشا و اتمني ان يكون الموضوع بقي متكامل حاليا

رد: تجربه شيفروليه كروز (حازم خضر)
 

اهلا وسهلا يا باشا
بالنسبه للكوري و مقارنته بالياباني او الاوربي فكل عربيه و لها طعم و لو حنقارن يبقي نقارن بالياباني
الكورولا عربيه متفوقه و سمعتها ممتازه علي مستوي العالم بالنسبه لقله الاعطال
لكن لا مانع ان يكون فيه موديل جديد من اي شركه تانيه ينافس الكورولا او الياباني عموما
يعني الكروز كشكل افضل و كثبات افضل بمراحل من الكورولا و تقفيل العربيه ولااروع من كده
لكن فيه نقط بسيطه ممكن تكون نقط ضعفها زي العفشه مثلا و دا بيخلي العربيه تطلع صوت علي المطبات من المستحيل تسمعه في الكورولا سياره الراحه الاولي يعني من الاخر مافيش عربيه كامله نهائي

الانطباع الشخصي تم دمجه في التجربه يا ميشو بالنسبه لاستهلاك الوقود ما قدرتش اني احدده ودا لاني كنت بستعمل العربيه باسلوب قاسي بعض الشي و تجربه و فرامل و الظروف دي عمرها ما تدي نتياج مضبوطه بالنسبه لاستهلاك الوقود
متشكرين يا محمود باشا علي كلامك اللذيذ:)
و تقبل تحياتي و نتمني نشوفك في المقابلات قريب
الله يخليك يا كروسير باشا و سلام وصل خلاص:)