|
رد: كيا برايد - تقرير شامل
انتو هتقولولي علي البرايد العصفورة انا عشت معاها 8 سنين خدمة شاقة العربية بجد بجد بجد مش هشوف عربية بتتحمل زيها ابداااا تحمل فظيع دة انا كنت بحرق في العربية تخميس بمعني اصح كنت بولع فيها وبعد دة كلة عمري مغيرتلها اسطوانة دبرياج والموتور عمرة مطلب حاجة الي كانت بتطلبة كبالن بس كانت مرة واحدة مع العلم ان قطع غيارها تعتبر ببلاش وموجودة في محلات البقالة انا مش عارف اوصف العربية لانها كانت مش بتبوظ مش عارف اطلع عيوب فيها خالص العربية زي الفل وبتليق في التظبيط جدااا ركب لها كاوتش عريض واكصدامات نيكل هتبقي احسن من الماتريكس وان العربية ارتفاعها مظبوط جداا بالنسبة للطرق المصرية مش بتحك في المطبات خالص من الاخر وبدون كلام كتيييييير لو عايز تجيب عربية وتريح دماغك من حوارات العربيات والاعطال والكلام دة ومش هتدفع الا البنزين اركب البرايد الكوري مع العلم ان عربيتي كانت موديل 99 هاتشباك بس بعتها بسبب اني عملت بيها حادثة دخلت في عربية كارو محملة بوابات حديد وكانت الدنيا بتمطر في واحد بميكروباص كان ماشي بسرعة العربية اتزحلقت منة فرمي عليا فعربيتي اتزحلقت هيا كمان ودخلت بالعربية في العربية الكاروو بالبوابات الحديد وغيرت لها اكصدام وشبكة ورفرف شمال وباب السائق مع ان الخبطة كانت في مقدمة السيارة بس الموتور زي الفل الخبطة مقربتش منة خالص مع العلم ان الخبطة كانت شديدة جدااا والحمد للة طلعت منها سليم وكل دة بسبب ان الاكصدام قوي جداا لانة مدعم من الخلف بشاسية قوي لتصدي الخبطات المهم بعت العربية في سوق الجمعة بمبلغ 32 الف جنية واشتريت جيلي mkحاليا بقالها سنة ونصف وكل مابفتكر الكيا بزعل جدااا اني بعتها حسيت اني غدرت بيها بعد الحادثة معلش بقي طولت عليكو اصل انا لما بسمع حد بيتكلم عن البرايد مش بقدر اسكت لانها افضل سيارة بحبها في حياتي لانها كانت اول عربية اشتريها وكان ثمنها ساعتها 28 الف
|
رد: كيا برايد - تقرير شامل
انا بجد نفسى فى العربية دى بس للالسف مش لاقيها خااااااااالص
|
رد: كيا برايد - تقرير شامل
الأخ العزيز وائل ..
بداية شكراً علي المعلومات والافادة .. لي تساؤل حول اللادا 2107 والسابا الجديدة ... حيث ان السعر تقريباً واحد .. لكن أيهما أفضل لظروف مصر والأسرة ؟ كذا .. هل في أيهما اوتوماتيك ؟ خالص شكري وتقديري .. |
رد: كيا برايد - تقرير شامل
ابو نورا اسفة علي الأزعاج بس انا محتاجة مساعتك ضروري انا عايزة عربية في حدود حاجة وخمسين ومش عارفة اشتري بالظبط ومحتارة جدا لأني دي اول مرة هاسوق فيها ومش عايزة حاجة تدوخني في قطع الغيار الغالية أو في استهلاك البنزين فا ايه رأيك اشتري كيا بيكانتو ولا السيبا الي كل بيشكر فيها ولا اسبيرانزا 113 A ولا انت تشور عليا بحاجة تانية وخصوصا اني هاسافر بالعربية مرة كل اسبوع من القاهرة للأسكندرية وشكرا جزيلا واسفة علي الإطالة
|
رد: كيا برايد - تقرير شامل
ابو نور السلام عليكم رحمة الله وبركاته انا نفسي اجيب اليابا برايد وانا كنت في المعرض النهاردة وشفتها بس عرفت حاجيتن مزعلني 1- الكوبلن الواحد تقريبا 1125 غير الضريبة 2-العربية تقفيلها وحش وخامتها سيئة
ايه رايك ياريت نتواصل |
رد: كيا برايد - تقرير شامل
سؤال الي ابو نورا ربنا يكرمك رد عليا بسرعة
اشتري كيا بريد كوري موديل 2000 كاملة اتوماتيك ولا كيا سابيا جديدة ولية؟ |
رد: كيا برايد - تقرير شامل
كيا كوري سيدان موديل 2000 اتوماتيك كامله ولا سابيا ايراني
|
| الساعة الآن 07:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017