رد: مجموعة الادارة النهائية (الكورونا)
 

عمرو باشا ...

انا شاكر على الرسم التوضيحى ..... ده بتاع الكارونة الخلفية ... و اكيد ححتاجه فى يوم من الايام :CONGRA~238:
الى كنت بتكلم عليه ... الكارونة الامامية ... الاكس الامامى مختلف شوية عن الاكس الخلفى
و ترتيب الاكس الامامى .. من الخارج للداخل .... طنبورة العجل .. السرة ... الاكس الداخلى .. فلازم افك كل دول الاول ... و بعدين ارجع افك حشوة الكارونة علشان اشوف الاويل سيل و بعدين ادق بشويش كدة بالاكس تانى على الاويل سيل علشان يخرج من مكانه ... و يقع فى تجويف الكارونة الفاضى ( علشان كدة لازم كنت افك الحشوة ) و بعدين اركبه تانى .. و ارجع اركب كل الهيصة دى من تانى .

ان شاء الله لو فضيت ححاول ارسم حضرتك كروكى كدة الاكس ده و اصور الاويل سيل القديم

رد: مجموعة الادارة النهائية (الكورونا)
 

http://www.masr1.com/dm-NG6L.jpg
http://www.masr1.com/dm-2CQ3.jpg..........
http://www.globaldrivetrainsupply.co...fferential.jpg
اخي احمد احيك علي هذة الروح العملية والاصرار علي التنفيذ
هوا حضرتك عربيتك 4*4 ولا جر امامي ونوع العربية
وان شاء الله ربنا يتمم بخير
بس المشكلة بلاش تفك مجموعة الستوليك من بعضها انزع المجموعة كاملة
واحتياطي ووجب عليك التنفيذ POLICEE
وهوا قبل التركيب امسح ترس التاج والبنوين من الزيت
وتأتي بقلم دكو سريع المسح وتعلم باطن السنة ووجهها
ولما تركب قم بأدارة المحور في الاتجاهين قبل اضافة الزيت
ومعلش حتفك تاني لتتأكد من ان نقط التلامس 100%
وانشاء الله اسمع اخبار حلوة عن قريب:CHUBBY~36:
وطبعا ما تنسايش بعد لما تركب
انك ترفع عجلة عجلة علي حدة وتتاكد من عمل مجموعة الستوليك

رد: مجموعة الادارة النهائية (الكورونا)
 

اخى العزيز عمرو

انا بشكرك جدا على المعلومات الجميلة الى الواحد بيتعلمها منك ....
ان شاء الله حفك غطاء الكارونة علشان اعملها جوان جرينجريت قبل ما احط فيها زيت ... و حتاكد من سطح التلامس

ان شاء الله .. فيما بعد .. حفك مجموعة الستوليك من بعضها ... حركب فيها حاجة كدة علشان اعمل لوك للكارونة ... ده بيخلى العجلتين يلفوا مع بعضهم دائما .... ده مفيد جدا فى حالة الغرز فقط .... و لازم الكارونة تتفك تانى اول لما تطله من الغرز ....
المشكلة انى مش لاقى الجزء ده !!!! و مش عارف بيتباع فين .... و لما سألت على كارونة فيها الاوبشن ده ... لقيتها بـ 3000 جنيه !!!!! كتير اوى

عربيتى دفع رباعى .... بليزر .. جى ام سى ... الامريكانى القديم موديل 1980

رد: مجموعة الادارة النهائية (الكورونا)
 

اخي موضوع الوك الي بيركب ان لااعلم عنة شيء
ولاكن عن الانواع انا كاتبهم والصور في اول الموضوع
لو عاوز الشرح التفصيلي لهم انا تحت امرك
:12C186~161:وربنا يباركلك في سيارتك ويرزقق خيرها ويكفيك شرها:12C186~161:

رد: مجموعة الادارة النهائية (الكورونا)
 

يعنى ايه جرنجريت مسلح ؟؟؟ انا جبت زى الى كان راكب فيها
اشتريت نصف فرخ ( 150 * 75 ) سم تخانة 1 مم من شارع رمسيس بـ 35 جنيه ..... و حبيت اعمل ناصح و عملت 2 جوان و حطيتهم على بعض ... كدة انا عندى جوان 2 مم

موضوع الكارونة لوك ده موضوع ظريف جدا ....فيه منها فى البى ام دبليو .... الكارونة بتعمل لوك .. يعنى العجلتين يلفوا بنفس السرعة دائما ..... بس ده بيحصل لما العربية بتوصل لسرعات عالية .... يقال ان ده بيدى ثبات كبير للعربية

اغلب الغرز فى الصحراء بيحصل نتيجة ان فيه عجلة واحدة بتغرز ... فتنزل لتحت شوية ... الحمل يخف من تحتها .. فتفرك الرمل تحتها و العجلة التانية ثابتة ..
لو الكارونة فيها لوك ... العربية تحمل على العجلتين بنفس العزم .. فتطلع من الغرز بسهولة .... بس لازم بعد كدة تفك اللوك على طول علشان المشى فى المنحنيات
و حضرتك كمان ربنا يباركلك فى عربيتك و يكفيك شرها ... و شر اسعار قطع غيارها :)