|
رد: انا اسف بس حسيت اني لازم انقل الموضوع ده
اقتباس:
اقتباس:
اولا: في عربيات كتيير غير السيراتو بتعمل حوادث و تتقلب اكيد, و انا مش كل يوم بكتب عن حادثة جديده للسيراتو مثلا عشان حضرتك تقول اني بتكلم عن السيراتو بس (دي كانت عربيتي اللي بتكلم عنها دي, و احب اضيف لحضرتك ان انا والله من اول الناس اللي استلموا العربية في مصر و من اول الناس اللي عملوا تقرير مصور و مفصل عن العربية)... بمعنى ان بلاش الكلام يدخل في سكة اني حاقد على العربية مثلا او بشوه صورتها للناس, لأن انا مش بس جربت, انا اشتريييييت اصلا..!!!! ثانيا: مين اللي قال ان النيو سيراتو موجوده من فتره طويله؟؟؟ دي حتى مكملتش سنه في مصر!!!!!! ثالثا: ارجو من حضرتك بلاش التهكم او التريقة زي عربية محصنة من الحوادث و الكلام ده, و الحوادث دي قضاء ربنا و قدره, بس ربنا بيسبب الأسباب علشان الانسان يتعظ و يفهم و يفكر شويه... هو ايه السبب؟؟؟ الحمد لله قبل كل شئ طبعا شكرا اقتباس:
اولا: انا طلبت من التوكيل يعملي تقرير مفصل عن الحادث و سبب الحادث الحقيقي المنطقي و التكلفة انا متحملها مهما كااانت... قالولي اسفين جداا.!!!! احنا منكتبش تقرير و فيه سبب الحادث او السبب المتوقع من الفحص.!!!! احنا بس نعمل مقايسة اصلاح للتأمين و تكلفة التلفيات في حالة التصليح... و انا اللي ادفع تمنها بردو ثانيا: تخيل القيمة التسويقيه للعربية (نيوسيراتو sx عامله 9600كم في 6 شهور) كااام؟؟؟؟ 95000 جنيه بالعافية و بيقولولي احمد ربنا, و هيخصموا 8000 جنيه كجزء من تمن الاير باجز, و هدفع تمن المقايسة حوالي 2500 جنيه.. و هنقل العربية لحد التأمين في قليوب (كونتاكت للتأمين) على حسابي... يعني من الاخر 84000 جنيه اول عن اخر..!!!! عربية بـ 116000 + 4000 تأمين, خدت 84000 جنيه..!!!!! لا تعليق لأ و واحد تاني معاه نيوسيراتو sx بس 2010 و مكملش 32 يوم و اتقلب بيها بردو و المقص اتكسر بردو....!!!! بس الحمد لله مش متصاب... التأمين اداله من الاخر 96000 جنيه..!!!!!!!!!!!!!!!! |
رد: انا اسف بس حسيت اني لازم انقل الموضوع ده
اقتباس:
و نصيحة والله... اوعى تفرط في الكورولا (((( المحترمه جداااا)))) و كلام حضرتك سليم جداا, و والله انا ماقولتش اكتر من كده, اللي معاه العربيه او هيجيبها, يخلي باله و يحترس, و ميستناش منها الكتير ابداا... اقسملك بالله اني بعد 5000 كم تقريبا, اكتشفت ان العربيه دي منظر و موتور و بس والله, و قررت خلاص هكمل و هرضى بقسمتي بس ((( هحسس عليها )))... و بالفعل قررت لا هجري ولا يحزنون, بس النصيب بقى, مجريش و امشي على سرعة ((( اقل من 100كم\س))) و العربيه تتقلب, و الناس تقولك السواق هو اللي غلطان... والله يا دكتور انا سوقت من اول الفيات 132, 128 لحاااد مرسيدس c200,e320 (تجارب شخصية لعربيات ملك مش من واحد صاحبي), و بسوق من وانا في سنويه او قبل كده.... بس السواقه ملهاش كبيير و لكن في حالة التهور مش لما تمشي على 100!!!!!!!! و الحمد لله على ما انا عليه قوي لأن انا كده ربنا سترها معايا والله جداااا, و ربنا يبعد عن كل الناس شر الحوادث.. شكراا لحضرتك يا دكتور.. اقتباس:
1- ممكن جداا يكون عيب في عربيتي انا, بس الموضوع اتكرر و السبب واحد..!!! و في الاول و الاخر الله اعلم 2- انا في رأي المتواضع جداا والله, فيه عيب في العفشة و خاماتها + ان الموتور ممتاز بس عفى جداا على العربية + الجنط الـ17" العفشة مش مستحملاه اصلا.. و الله اعلم و ده مجرد رأي 3- اكيد كان فيه عيب في الطريق (نقره في طريق زي ده.!!!!) و طرق كتيير في مصر, بس النقره دي مش اللي تكسر مقص خااالص, و الكوتش ما فرقعش لأني كنت سمعت صوته, و ساعتها والله كنت اشترييت العربيه دي تاااني (تخيل بقى) بس لو موضوع كوتش و بس, اللي يثبت ان العربية دي جيده الصناعة و مافيهاش عيوب جوهريه في العفشه, والله اشتريها تاني و اعتذر لكل الناس واحد واحد.... لأن انا عارف و مقتنع ان الجنط الـ17" (45مم) فاااااااااشل في مصر و ضعيف جداا, بس انا جبتها عشان عايز كماليات الـsx كلها, و قلت نحسس على الجنط و فعلا حصل, و لو مشكلة جنط والله ما هزعل و والله هشتريها تاني...!!!! 4- خطأ مني..!!! ممكن, بس زي ايه كده مثلا؟؟؟؟ انا حاولت والله اسيطر على العربية بكل الطرق, بس العربية كانت بتعوم جااامد قوي, و العجل فجأه مش بيستجييب لحركة الدركسيون اصلا, و الفرامل مش بتوقف العربيه خااالص..!!! ممكن تعمل ايه لو مكاني (بعد الشر طبعاا عليك و على اي حد).... و على فكره, الفرده الشمال بس هي اللي لبست النقره... و حاولت افاديها بس مش بغشوميه, يعني مجبتش اخر الدركسيون يمين مثلا... و الناس اللي فاكره ان كان عندي مشاكل و انا طنشتها..!!!! انا كنت بشتكي من الاتي 1- تزييق في المساعديين الخلفيين بس (بعد 6000 كم تقريبا) 2- حدفه شمال من اول ما استلمت العربية و روحت اشتكييت مرتيين و قالولي مافيش حاجه, مع العلم ان فيه ملاك كتيييير اشتكوا من نفس العيب ده... في اشياء تانيه بس دي يمكن عشان بركب الماني و ياباني, حسييت ان السيراتو اقل بكتييير منهم... فهخليها لنفسي عشان الناس هتمسك فيه لو اتكلمت اكتر والله بس شكراا جداا على احترامك و ذوقك و تحليلك العاقل جداا... شكراا |
رد: انا اسف بس حسيت اني لازم انقل الموضوع ده
ربنا يصبرك يا بشمهندس محمد ....
هو واضح من كلامك ان فعلا كان في مشكله في العربيه انا حقولك معلوماتي المتواضعه عن العربيه السيراتو و الالنترا بيشتركو في قطع كتيره جدا ... منها الموتور بالنسبه للعفشه فالامامي ماكفرسون زي الالنترا .. لكن الاختلاف موجود في العفشه من ورا ... Torsion Beam في السيراتو و multi link في الالنترا وبالتالي منقدرش نقول ان السيراتو زي الالنترا بالظبط انا بعد ما شفت الموضوع دورت على مواصفات السيراتو لكن لقيتها واحده في كل الدنيا ... يعني بره مصر برضو بتنزل ماكفرسون امامي و بيم خلفي حتى مع المواتير ال 2000 cc بالجنوط ال 17 وبالتالي فنستبعد ان الموتور عفي على العربيه .... لأن نفس العربيه بتنزل بمواتير 2000 و 2400 كمان نوعيه العفشه دي بتكون مرتبطه بتصميم العربيه ككل و صعب تغييرها فال Torsion Beam هو المعتمد تصميميا .. وبالتالي مكون اساسي في العربيه لكن السؤال اللي حضرتك محتاج تعرف اجابته هل العفشه اللي بتنزل مصر مختلفه عن اللي بتنزل بره من حيث القطاعات أو الخامات او التفاصيل ؟؟ يعني مكونات العفشه في مصر هي اللي بره ؟؟ لأنها لو نفس العفشه بالظبط و فيها العيب الخطير ده ... أكيد كنا سمعنا عن فضايح بره ... خصوصا مع المواتير ال 2000 سي سي ... وبره مفيش التهريج اللي بيحصل عندنا وبالتالي الاحتمال الغالب انه عيب في عربيه حضرتك او ان العربيه اللي بتنزل مصر مختلفه عن بره والله اعلم الوكلا عندنا بيلعبو في المواصفات .. وللاسف أغلب الشركات الاسيوي بتهاودهم وده بعتبره اكبر واهم فرق بين الاسيوي و الاوروبي اللي مواصفاته واحده ( بس لما يكون جاي من اوروبا ) (وكله بتمنه :( ) بس ده لحد علمي بيكون في المواد والخامات للصالون و التابلوه والتجهيزات او الاوبشنز وحتى مواصفات الامان زي ال ABS و الايرباج ولغايه الكمر اللي ورا الاكصدامات !! الماتريكس مثلا عباره عن اكصدام فيبر ممسوك في بالته حديد اقرب للصفيح منها للحديد ومفيش اي حاجه تانيه !! يعني مفيش اي حمايه لأن الاكصدام شكل و ليس وظيفه لكن لما اللعب يوصل للمواصفات الاساسيه للعربيه .. فدي تبقى كارثه بمعنى الكلمه لو قدرت تثبت النقطه دي متهيألي حتقدر تاخد حقك من التوكيل و تطالب بتعويض منه و من الشركه الام انها بتنزل عربيه بمواصفات غير امنه !! ومش بعيد تكون خطوه البدايه ان مصر متزلش فيها اي عربيات الا لما تكون مطابقه لمواصفات واحده و محدده ... و ساعتها اغلب الصيني حيختفي .... و الاسيوي مواصفاته حتختلف تماما و بالتالي اسعاره حاول تتصل بالناس اللي حصل معاهم نفس الموضوع ... وتعرف عربياتهم وكيل و لا خليجي و تعملو شكوى واحده لجمعيه حمايه المستهلك و تتفقو مع محامي واحد لأن معنى كلامك ان العربيه فشلت في ظروف مش المفروض انها تفشل فيها خصوصا اتك متأكد ان العجل مفرقعش انا اسف اني طولت على حضرتك ...مع ان لسه عندي كلام كتير ... لأني رشحت العربيه لناس كتير منهم دكتور عبد السلام (بلبلان) ... وبالتالي مهتم شخصيا بالموضوع لأني حاسس انه امانه في رقبتي للناس اللي رشحتلهم العربيه (رحت لقسم اكتوبر اشوف العربيه ملقتهاش ) ولأنه فعلا في منتهى الخطوره ... ويهم اي حد بيفكر يشتري العربيه او اشتراها ... و الاعمق من كده أنه بيطرح سؤال مهم جدا ...احنا كده رايحين على فين ؟؟!! |
رد: انا اسف بس حسيت اني لازم انقل الموضوع ده
اقتباس:
متشــكرين يا ســيدى " طبعآ رأيك محترم بالنسبه لى وللى أتخن منى ! بس أنا أحلك من أى ذنب ! لآنى طبعآ برده سألت ناس تانيه رأيهم محترم بالنسبه لى مثلا زى " مهندس / أحمد كامل " وغيره و غيره ! يبقى " دمى " متوزع على ناس كتيره مش انت بس ! هاهاهاههههاا ! أنا طبعآ بأضحك ! بس لو ثبت ان كلام الآستاذ/ غازى مضبوط 100% و حصل لى حاجه ! يبقى أنا المسئول الآول عن نفسى ! لآنى قرأت كل الآراء و ممكن أتراجع فى أى لحظه و ماتراجعتش ! صحيح " ولا تلقوا بأيديكم فى التهلكه " و لكنى سأتوكل على الله " و من توكل على الله فهو حسبه " و كل شىء قسمه و نصيب و مكتوب ! " و من لم يمت بالسيف مات بغيره " ! Dr. Bolbolan :waving: |
رد: انا اسف بس حسيت اني لازم انقل الموضوع ده
حمدالله على السلامة مهندس / محمد
والحمد لله انها جت على قد كده المهم انك بخير وانا لى رأى فى موضوع التأمين شركات التأمين كلها نصـــــــــــــــــــــــ ــــابة ولا توجد شركة تأمين محترمة من الطبيعى ان الواحد مأمن على سيارة وهذه السيارة حصل لها حادث وأصبحت اهلاك كامل فالمفرود من التأمين أن يسلمنى سيارة بدلاً منها بنفس المواصفات فهل توجد شركة تأمين فى مصر بتعمل هذا أعتقد لا يوجد وحمد الله على السلامة مرة أخرى |
رد: انا اسف بس حسيت اني لازم انقل الموضوع ده
الحمد لله على سلامتك ياستاز / محمد وكل شئ بيتعوض فى الدنيا طالما حضرتك بخيروربنا يعوضك ويصبرك وتقوم بالف صحه وسلامه ؟
وانا مش عندى سراتو ولاحاجه انا معايا ماروتى والحمد لله وكان حصل لى حادث بيها فى رمضان والحمد لله ربنا نجانى بقدرته وعظمته ؟ معنى كده حضرتك انا اقول ان الماروتى وحشه او معيوبه ؟ لو كل واحد لاقدر الله عمل حادث بعربيه نوعها ايا كان يبقا كل العربيات كده وحشه ومعيوبه ؟ وربنا يتم شفاك على خير وتقوم بالف صحه وسلامه ويعوضك باحسن منها الهم امين يارب العالمين |
رد: انا اسف بس حسيت اني لازم انقل الموضوع ده
ألف حمد الله علي سلامتك يا باشمهندس غازي
و فداك مليون عربية و عشرة مليون سيراتو فدا ظفر واحد منك بص أنا شخصيا مش مقتنع أوي انه عيب من العربية أنا مقتنع أنه قدر ربنا ،، موبايل نوكيا يقع من الدور العاشر و ميحصلوش حاجة و موبايل نوكيا برده يقع من ايديك و يتفشفش مية حته موضوع حضرتك ده فكرني بموضوع كان في كونتكت كارز و اتنشر في كل منتديات السيارات ، كان بعنوان لا أحد يشتري تويوتا عبارة عن واحد برده بتويوتا كورولا الشكل القديم و علي المحور برده و في منطقة فيها حصي ،، العربية عومت منه و طلع علي الرصيف و العربية اتدمرت و الادهي ان الايرباجز مفتحتشي و رغم ان الموديل ده تحديدا مشهور بقلة ثباته علي السرعات إلا أن معظم المعلقين علقوا انه عادي ان أي عربية ممكن تعوم في حالة وجود حصي صغير علي الطريق أنا شخصيا ممكن انصحك أنك ترفع قضية عالحكومة نفسها اللي بندفعلها ضرائب و رسوم تراخيص و جمارك عربيات خرافية من أجل طرق تدمر سيارتنا اقتباس:
ده أنتا كنت راجل طيب يا باشا شفلك طريقة أرخص شوية من 110 ألف جنية بهزر معاك يا باشا أوعي تزعل مني بس تعليقك تحفة بجد |
| الساعة الآن 11:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017