مصر موتورز مجتمع السيارات - كيا برايد

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

- - كيا برايد - تقرير شامل (https://www.masrmotors.com/vb/showthread.php?t=1511)

رد: كيا برايد - تقرير شامل

اقتباس:

المشاركة الأصلية كتبت بواسطة AboNoRa (المشاركة 82300)

يا استاذ احمد ده كده لغز مش استفسار

مرة تانية ياريت حضرتك توضح العربية انجكشن ولا كربراتير

وحضرتك بتفولها كل يومين وبتكون ناقصة لحد فين الربع يعنى ولا ايه

وعيامة خد بالك ممكن تكون عوامة التانك مش مظبوطة وبتنزل بسرعة وانت بتفولها كل يومين وفيها 10 ولا 15 لتر من اجمالى سعة التاكن 37 لتر يبقى الصفيحة تقريبا بتعمل معاك 240 كم وده معدل طبيعى مش محتاج تعديل
بالعكس افضل تشوف باقى العربية وتحسن ادائها واستهلاك الوقود بالطرق الطبيعية

اولا بشكر حضرتك على اهتمامك وسرعة ردك وعلى فكرة موضوعك ده كان السبب الرئيسى ان اشتريت البرايد والحمد لله هيا عربية كويسة ماعدا موضوع البنزين ده
ثانيا العربية كرابراتير وبفولها لما اللمبة بتاعت البنزين يتنور وبحطلها تقريبا 30 لتر يعنى بمعدل 15 لتر كل يوم ( 120 كيلو ) على العموم انا بقالى يومين مجرب 80 وقللت كهربة الموتور شوية بس مش عارف ده غلط على العربية ولا اية

رد: كيا برايد - تقرير شامل

شكرا ياباشا علي المعلومات الوائلية الجديدة بالنسبة لي والله يديم عزك

رد: كيا برايد - تقرير شامل

شكراً يابو نورا على التقرير الرائع

أنا قدامى كيا برايد سيدان موديل 2000 كورى مانيوال عامله 90000 كيلو متر و كاسيت راديو و تكييف و زجاج امامي كهرباء و سنتر لوك و ريموت و صاحبها طالب 33 ألف و الحاله العامه جيده جداً لكن لسه ما كشفتش عليها.
ياترى السعر ده كويس ؟ و إيه الحاجات اللى آخد بالى منها و أنا بكشف عليها ؟
و هل قطع الغيار الإيرانى ممكن تركب عليها عادى ؟
و شكراً مقدماً

رد: كيا برايد - تقرير شامل

اقتباس:

المشاركة الأصلية كتبت بواسطة ahit (المشاركة 106068)

بالنسبة للاوبشن ده العادى فى اغلب السيدان

بالنسبة للعداد غريب بصراحة 90 الف على اكتر من 9 سنين يعنى فى السنة بيعمل اقل من 10 الاف كيلو !! الطبيعى للموديل ده 150 وانت طالع فديه حاجة تشكك خاصة لو حالتها مش زى العداد

السعر كويس بس اهم حاجة الكشف ميكانيكا وسمكرة

قطع الغيار بتاعت البرايد كلها واحدة تقريباً ماعدا السايبا الجديدة بتبقى انجكشن والفوانيس وبعض الصاج متغير
بس عفشة وفلاتر واحدة وليها قطع غيار كورى وصينى وايرانى جديد او استيراد
وعامة بالنسبة للبرايد من اول مو 96 لحد مو 2006 الايرانى متقلقش من قطع غيارها زيها زى الشاهين او 128 فى انتشار قطع الغيار والبدائل

الحاجات اللى يتبص عليها زى اى عربية
الميكانيكى يطمن على الات الجر الاول موتور وفتيس اهم حاجة ولو فيه حاجة فى الديسك او الاسطوانة مش قضية الطقم كله فى حدود 250 - 300 جنية

تترفع العربية يتبص على العفشة هى عفشتها رخيصة برضو بس علشان تقدر تمنها كويس واهم حاجة يتبص على الشاسية والقوائم والحوض والشنطة ديه الحاجات اللى تخوف

واخيرا تبص على الكماليات وحالة الصالون والفرش والفيبر

واى استفسار تانى تحت امرك

رد: كيا برايد - تقرير شامل

رائع يا ابو نورا مجهود تشكر عليه :THE_PR~18:

رد: كيا برايد - تقرير شامل

مواضيعك كلها جميله ياباشا ومجهود كبير تشكر دايما عليه