مصر موتورز مجتمع السيارات - أساسيات القيادة الرياضية .

الأول كده صوما مقبولا وأفطارا شهيا.

ثانيا, لو أنا قرصت على العربية جامد وجبت أخر الغيار, الغيار بيجيب أقصى سرعة ليه, تيجى تنقل النقلة اللى بعدها تلاقى العربية مبتسحبش منك ,لأن كده كده العجل بيلف بسرعة أكبرمن سرعة الموتور فبتضطر تنقل وتجيب عدد لفات عالى علشان العربية متبرجلش.

يعنى مثلا لو أنا نقلت أول عند 6500 وبعدين جبت تانى, هضطر أدوس بنزين جامد علشان العربية متبرجلش وتقف, وهتبقى بتبدأ بالنقلة عند 4500 وتبقى عديت المنطقة اللى الموتور بيطلع فيها أكبر عزم وقوة.

ونفس الحكاية فى حكاية المشى ثم الجرى, لو أنا بجرى بغباء وخلاص هبقى بنقل على عدد لفات عالى جدا ومش هتلحق تجمع بالغيار وهتضيع طاقة الموتور, أنما لو نقلت على التالت بعد سواقة هادية وحرقت الموتور عدد لفاته بيزيد من 2000 مثلا الى 4500 فبتمر بالمنطقة اللى الموتور بيطلع فيها أقصى عزم وباور وبعدين بتنقل علشان تستفيد من قوة الموتور فى النقلة اللى بعدها.

ومتسوبيشى أيفو من غير سواق مالهاش لازمة, الأمر بيعتمد على فهم السائق لأليات عمل السيارة, وأمتى ينقل وأمتى يسقط نقلة, ولو دراج ريس نقلة واحدة عند عدد لفات غلط بتكلفك السباق كله, أنت مبتلعبش نيد فور سبيد ولا أيه444546.

ومعلش حاجة تانية, لو بصيت على الرسمة تانى هتلاقى أن العزم بيستمر من أعلى نقطة فى خط مستقيم وبعدين ينخفض, والهورس باور بيطلع كامل بعد التورك مابينخفض ب1 سم, أنت بقى بتنقل عند الحتة دى علشان تستفيد من الغيار اللى أنت فيه والغيار اللى بعده.