مصر موتورز مجتمع السيارات - و أخيرا بعد ما غلبت كل المنتدى معايا إن شاء الله مازدا 3

مصر موتورز مجتمع السيارات (https://www.masrmotors.com/vb/index.php)

- مازدا MAZDA (https://www.masrmotors.com/vb/forumdisplay.php?f=34)

رد: و أخيرا بعد ما غلبت كل المنتدى معايا إن شاء الله مازدا 3

يا حج علي حضرتك صلي صلاة استخارة واللي قلبك يرتحله توكل علي الله وهاتها ونصيحة ابعد عن المعارض وخليك في توكيل للسيارة نفسها اضمنلك وتقبل تحياتي

رد: و أخيرا بعد ما غلبت كل المنتدى معايا إن شاء الله مازدا 3

عزيزىalymonir اولا الف حمد لله على السلامه و ياتره دعيت لنا ولا نستنا
بعد كده انت اخترت اختيار موفق فى موضوع المازدا 3 و على فكرا لو كونت قريت ملحق السيارات يوم الجمعه كان مكتوب الاعلان عن المازدا 3 من غبور يا اما خصم 10 الاف يا اما لمده 3سنوات او 100الف كيلو ضمان و مصنعيه و زيت كمان ببلاش و على فكرا انا عندى لحد دلوقتى الجرنان و انا هصور الاعلان و ارفع ليك الصور
و الى فى الخير ان شاء الله ربنا يوفقق فيه
و مبروك مقدما GIFT4U

رد: و أخيرا بعد ما غلبت كل المنتدى معايا إن شاء الله مازدا 3

اولا و قبل اي شئ حج مبرور و ذنب مغفور و يا رب تكون افتكرتنا بصالح الدعاء
ثانيا الف الف مبروك العربيه و ربنا يديك خيرها و يحميك من شرها يا رب
و بعدين كل دي غيبه يا راجل ؟؟!!!!!!
و ما تقولش انت زهقتنا و بتاع بالعكس اسلوبك في الكتابه و التفكير ممتع جدا
و ربنا يوفقك في اختيارك

رد: و أخيرا بعد ما غلبت كل المنتدى معايا إن شاء الله مازدا 3

استاذ alymonir انا صورت لحضرتك الاعلان و هرفع الصور على شان تتاكد من الخبر

رد: و أخيرا بعد ما غلبت كل المنتدى معايا إن شاء الله مازدا 3

اقتباس:

المشاركة الأصلية كتبت بواسطة eskenderiya (المشاركة 306132)

حضرتك برده نسيت حاجة مهمة اعادة بيع المازدا

ومعنى انها ينزل من تمنها 10 الف ده عيب مش ميزة

لان ده بيدل ان اعربية معلهاش اقبال

ثانيا موديل المازدا الموجود فالمعارض 2010 رغم ان اغلب اعربيات نزلت موديلات 2011 خلاص

وده طبعا يفرق جامد فاعادة البيع

هل تعلم ان امازدا اعلى فئة كانت زيرو ف2008 ب 150 الف

وبتتباع ف 2010 مستعملة فحدود 95-100 الف لاعلى فئة!!!!

انا بس بوضح حضرتك فكرة يعنى ايه سع اعادة بيع منخفض

رايى خليك فالسيراتو او الكروز احسن

وكمان ممكن تشترى كروز هاى لاين ب 120 الف بس هتكون كسر زيرو يعنى ماشية 8000 كم مثلا

السلام عليكم
مساء الفل يا كروز باشا ( قصدي اسكندرية )
احنا اسكندرانية زي بعض بس اختلاف وجهات النظر لا يفسد للود قضيةGIFT4U
أنا و الحمد لله بقالي حوالي سنة بعمل بحوث و مقارنات عن السيارات لما زهقت كل اللي حوالياايه ياترى
بس الحمد لله أنا شبه استقريت زي ما قلت قبل كدة
حارد بس بسرعة عليك في نقاط سريعةPOLICEE
1- إعادة البيع مرتبطة بانتشار السيارة و الانتشار كان محدود بسبب عدم وجود وكيل في مصر من عام 2003 و دي فترة كبيرة موتت المازدا في مصر لكن دلوقتي الوضع اختلف و معنى نزول 10000 جنيه من ثمنها ( مع اقتناعي بالسيارة ) دة أكبر ميزة بالنسباليفلوس كتير
2- موديل السنة مش فارق معايا كتير لأني دلوقتي حاركب عربية مازدا 4BY4موديل 2010 ب 129000 بس كمان شهر حاركب عربية مازدا 4BY42011 ب 145000 و يمكن أكتر و بدون تغيير في المواصفات تقريبا , يبقى مكسب ولا لأ ؟ ؟
3- بالنسبة لسعر إعادة البيع زي ما قلت مش حايقل للدرجة دي دلوقتي لوجود الوكيل زي ما وضحنا بس حتى لو قل شوية عن منافساتها في نفس الفئة مش حاتفرق معايا كتير لأني إن شاء الله مش ناوي أغير قبل 7 سنين ولا حاجة و ساعتها ربك يفرجها من عنده
4- طبعا السيراتو و الكروز ( مع احترامي الكامل للسيراتو و معشوقتك الكرروز ) لا ترقى لمنافسة المازدا في ظل الظروف اللي أنا شرحتها
5- اخر حاجة أحب أوضحها اني مش حاينفع أجيب مستعمل لظروف القرض في الشغل
أتمنى أن تتقبل كلامى بصدر رحب و شكرا لمساعدتكGIFT4U

رد: و أخيرا بعد ما غلبت كل المنتدى معايا إن شاء الله مازدا 3

اقتباس:

المشاركة الأصلية كتبت بواسطة eskenderiya (المشاركة 306135)

http://www.logta.com/ar/PromotedItem...117913&bid=194

اللينك دة دخلته و أنا بافكر في الكروز
اتصلت بالمعرض قال ان العرض دة قديم و ماشالهوش من على الموقع حتى الان
السعر الرسمي 134900

رد: و أخيرا بعد ما غلبت كل المنتدى معايا إن شاء الله مازدا 3

اقتباس:

المشاركة الأصلية كتبت بواسطة corsair (المشاركة 306153)

الله يكرمك يا باشا
أنا صليت و قلبي مرتاح لها ( العربية علشان ماحدش يفهمني غلط :) ) و ناوي أجيب من الوكيل ( معرض مازدا في الداون تاون )
بس المشكلة الان في بيع السيارة
ربنا يكرم