مصر موتورز مجتمع السيارات - الحل المعجزه لنتشة السياره

اقتباس:

المشاركة الأصلية كتبت بواسطة seifmando (المشاركة 523010)

لو فصلت الـحساس يبقى تشيل العلبة بالمرة لانها كدا ملهاش اي لازمة
بالعكس لو شلتها هتحس بفرق اكبر فى السحب والجري

علبة البيئة الى هى كتاليتك كونفرتر catalytic converter ملهاش اى علاقة من قريب او بعيد بال egr غير انهم يندرجوا تحت مسمى انظمة الحد من الانبعاثات الضارة emission control system
ال egr خاص بالحد من اكاسيد النيتروجين
اما علبة البيئة فالكتاليزر الى جواها عبارة عن مادة كميائية محفزة لتحويل اول اكسيد الكربون السام الى ثانى اكسيد الكربون الى اقل ضررا ( هو مضر برضه بس ضرره اقل )
و عندك حق ان الغاء العلبة حيحسن من اداء العربية فى السحب بس لو العلبة سليمة مش حتفرق لكن مع الزمن مادة الكتاليزر بتبتدى تسيح و تسد جزئيا علبة البيئة و تخنق العربية

اقتباس:

المشاركة الأصلية كتبت بواسطة samirsaid1 (المشاركة 523024)

الموضوع جميل وفعلا بيحصل معايا

بس العادم اللى بيطلع ويرجع للموتور دة مفيد للموتور طبيعى ولا عدم دخوله أفضل

ونسيبنا من موضوع البيئة دة دلوقتى كدة كدة هى بايظة

لأ طبعا مش مفيد و لا مضر لكنه بيقلل اداء الماتور و فى تعبير مشهور بيشبهه ال egr زى like eating your owen shit
و فى حالات نادرة فصل الصمام ممكن يؤدى لتسقيف بسيط ميعتبرش مضر برضه

اقتباس:

المشاركة الأصلية كتبت بواسطة romioromio (المشاركة 523027)

انت حبيبي والله يعلم
ده انت اللي نبهتني للموضوع ده :140109~347:

بعدين احنا في مصر
متعرفش انك ماشي علي طريق مصر اسكندريه الزراعي الا بالدخان الابيض والاسود الخارج من شكمانات النقل والربع والجرارات :red_face10:

الله يكرمك يا باشا