مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - انا اسف (https://www.masrmotors.com/vb/showthread.php?t=47129)

رد: انا اسف

يا جماعة إحنا دورنا كلنا إننا نتكلم مع الناس كلها نطمنهم إن الثورة خير لمصر مش خراب زى ما أنس الفقى عايز يغسل عقول الناس و يفهمها
أنا خلال اﻷيام إللى فاتت إتكلمت مع ناس كتير حواليا لما نبتدى الحوار بلاقى طاقة غضب فظيعة ضد الأبطال إللى فى ميدان التحرير
و بعدين بعد نقاش هادى و عاقل و منطقى و مع قليل من التذكير بالمشاكل إللى كل واحد كان بإن منها قبل يوم 25 و بقليل من التطمين بلاقى الناس بتفتكر تانى إن إلل بيقولوه الأبطال بتوع التحرير و القائد إبراهيم و المثلث و غيرها و غيرها هو الحق و هو الخير لمصر

يا شباب الثورة و أبطالها ما تخفوش
ما تخفوش من إنصراف ظاهرى عن تأييد الثورة
ما تخافوش من رغبة البعض فى سرعة الشعور باﻷمان
الناس كلها من جواها و فى أعماقها بتأيد الثورة و طلباتها

فأصبروا و رابطوا و ثابروا و أعلموا أنهم يألمون كما تألمون أو أشد

"صبرا فإنما النصر مع الصبر"

رد: انا اسف

الموضوع ده بيفكرني بحاجه ظريفة!
انتوا كلكوا عندكوا عربيات
و بتسوقوا
ردوا على السؤال ده
لو سواق لوري او نقل لبس في العربيه بتاعتك من ورا ( يعني هوا غلطان غلطان )
و راح نازل بعين بجحة و قالك مش تفتح يا اعمى!!! ولا اعتذر و لا حتى انه سكت!
ايه الرد من الناس اللي حواليكوا؟
يا عم حصل خير... خلاص بقى انت حتكبر الموضوع ليه... المسامح كريم.. الراجل قد والدك... اللي يجي في الريش بقشيش... انت تحمد ربنا انها جت في الصاج! انت يعني حتقبل العوض! ما تمشي بقى و تفتح السكة.. ورانا مصالح و اشغال... خللي الناس تشوف مصلحتها... و رانا اكل عيش! الخ

اتحدى ان 90% من الموجودين في منتدانا العزيز مر بالتجربة السعيده دي! واللا ايه؟ ده اللي بيحضرني حاليا مع كل واحد يقول بعد تفكير عميق! برضه نديله فرصه!

سواق النقل ده بعد ما بهدلك و بهدل عربيتك و مشي بدون عقاب
تتوقع بعد ما مشي في طريقة عادي جدا! هل حياخد باله او حيهتم انه ميخبطش حد بعدك؟
فكر و رد عليا!

رد: انا اسف

اقتباس:

المشاركة الأصلية كتبت بواسطة cheetosmini (المشاركة 351790)

مكفاية خراب وتعالو نبدا نصلح الى اتكسر دة هياخد سنين

معلش سؤال خارج الموضوع! هو حضرتك حاطط توقيع عمرو دياب في توقيعك فوق الايه القرانية؟
الموضوع ميخصنيش بس لفت انتباهي مش اكتر

رد: انا اسف

الناس اللى بتقول كفايه كده
ياجماعه أنصاف الثورات أخرتها سجون ومعتقلات

رد: انا اسف

اقتباس:

المشاركة الأصلية كتبت بواسطة د.كمال (المشاركة 351837)

الناس اللى بتقول كفايه كده
ياجماعه أنصاف الثورات أخرتها سجون ومعتقلات

والله العظيم انا صوتي اتبح فعلا في الموضوع ده!
اغلب اللي بيقول كفاية مش حاطط في دماغه النقطه دي!
والله دي حقيقة! ايه يعني لو 200 الف واحد اختفوا بصورة تدريجية!
كلنا فاكرين قصة العجوز و اولاده لما جمعهم و اداهم حزمة عصيان قالهم اكسروها كلهم معرفوش
راح فرط الحزمة و ادا كل واحد عصاية و قالة اكسرها راح كسرها بكل سهولة!
و الحرية و الديموقراطية اللي احنا شايفينها بكل بساطه هي نتاج اتحادنا كشعب ضد العصابة زي الافلام الهندي لما العصابة تدخل بيت ورا التاني يضربوا و يغتصبوا و يقتلوا و ينهبوا و كل واحد في بيته خايف و مرعوب لحد ما ييجي الدور عليه
و في اخر الفيلم لما البطل بييجي مش بيضرب العصابة لوحده ولكنه بيوحد اهل البلد كلهم و لما تيجي العصابة تهاجم على البلد يلاقوا اهل البلد واقفين في وشهم يقوموا يجروا و ياخدوا على دماغهم!
و يطلع رئيس العصابة يقولك! دا انا راجل كبير! طب سيبوني انا و العصابة بتاعتي و احنا حنصلح اللي عملناه! طب بصوا ادي دراعي اليمين اهه (و يقوم طاخخ الراجل اللي جنبه ) ادينه موته ! دا هو اللي ضربكوا و بهدلكوا و انا عنجي استعداد اموت اي واحد اذاكوا و انتقملكوا و اخليكوا احسن بلد في الدنيا كلها!
عارفين حيحصل ايه لو سابوه؟
عارفين مين العصابة ؟
مين رئيسها؟
مين البطل؟
مين اهل البلد الجبنا؟

رد: انا اسف

:playing_music:

اقتباس:

المشاركة الأصلية كتبت بواسطة mmffor (المشاركة 351829)

بالضبط معاك حق وادلل على كلامك باتصال بعض اعضاء الحزب الاوطنى اليوم بالبرامج الحواريه يدافعون عن حزبهم البائد والذى سبب الخراب للبلد وسياساته الفاشله وان الحزب سوف وسوف وسوف ولاتنسوا ان من اول التصريحات التى قالوها بعد عدة ايام من المظاهرات ان الحكومه فشلت فى تنفيذ سياسات الحزب امال لونجحت كان زمان البلد ايه اللى جرى لها.

رد: انا اسف

اقتباس:

المشاركة الأصلية كتبت بواسطة mmffor (المشاركة 351829)

الله يفتح عليك يا شيخ