رد: انا اسف بس حسيت اني لازم انقل الموضوع ده
 

اولا شكرا للجميع علي الردود خصوصا استاذ حازم شاهين علي تحليله العلمي و المنطقي.
ثانيا دعواتكم معايا بشفاء صاحب العربية و تعويضة عن خسارتها.
الراجل بصراحة و في مشاركات تانية بياكد انه مش قصده يخوف الناس و يكرهم في العربية لكن كل قصده انه يقدم النصح و بياكد ان الناس لازم تعرف قدرات العربية الحقيقية و تتعامل معاها علي هذا الاساس. كمان هو عايز كل الناس اللي عندها مشاكل في عربياتها انهم ميتهاونوش مع التوكيل بخصوصها و يصعدوا الامور لاعلي مستوي في سبيل حلها.
برضة تم لفت النظر ان الايرباج فتحت مع انه مكانش رابط الحزام و ده عيب مش هين و مش معروف هل كل السيراتو كده و لا ده كانت حاله فردية او الموضوع ده تم بسبب قوة الحادثة.
المهم و عشان نستفيد من الموضوع عايزين نتاكد من موضوع الحدفة اللي في السيراتو ده و هل هو شكوي عامة من ناس كتير و لا مجرد اشاعة خصوصا انه بيقال ان الخليجي لم يلاحظ فيه هذا العيب و هل ده يعني انه في اختلاف في العفشه بين الخليجي و المصري و هل الجنط ال 17 عامل اساسي في المشكله دي و لا لا لان ده تبقي مشكلة و ساعتها لازم يكون في وقفة ضد التوكيل و كل توكيلات مصر اللي مسترخصين ارواح البشر .
يا ريت اللي عنده معلومات عن المواضيع ده مبيخلش علينا عشان الفائده تعم

رد: انا اسف بس حسيت اني لازم انقل الموضوع ده
 

قدر الله وماشاء فعل

الحمد لله على سلامة الأخ صاحب السيارة , وربنا يعوضه عنها كل خير , وحياة الواحد أغلى من مليون سيراتو , ولانقول إلا الحمدلله على كل شئ .

رد: انا اسف بس حسيت اني لازم انقل الموضوع ده
 

اولا حمدالله على سلامتك ثانيا انت عارف ان kia اختصار ل kills in accident
حمدالله على سلامتك مره تانيه ويا جماعة انا عايش في الامارات وشركات التامين هنا مبيردوش يامنوا عليها الا باسعار غالية جدا لانها عربيات معدومة الامان مع العلم بان المواصفات القياسية الخليجية اهم حاجة عندهم الامان ياراجل ده الشاهين احسن منها

رد: انا اسف بس حسيت اني لازم انقل الموضوع ده
 

شكرا علي المعلومه الها يله دي

رد: انا اسف بس حسيت اني لازم انقل الموضوع ده
 

ياخوانا أنا بأكرر تانى و مش دفاعآ عن السيراتو و مش بأطمأن نفسى !

الراجل نزل فى نقره على كلامه و بسرعة 100 كم فى الساعه بالعجله الشمال كلها فى النقره !

طبعآ ما دام العجله كلها نزلت فى النقره ( على كلامه ) تبقى مش نقره ! تبقى حفره أو خندق !

يعنى المقص حمل على الآرض و يعنى الطنبوره بخرطوم الفرامل اترزعوا جامد فى الآرض !

يعنى كان سرحان أو نايم ( مع احترامى له ) والحادثه حصلت فى ثانيه ! فكيف يستوعب التفاصيل !

يعنى من الآخر هوه له دخل كبير فى اللى حصل بعد قضاء الله !

يعنى من الآخر برده ما كانتش العربيه ماشيه فى آمان الله و قررت فجأه تعمل شقلبظات و جراند كار !

Dr. Bolbolan ptmnlo123per1106

رد: انا اسف بس حسيت اني لازم انقل الموضوع ده
 

رد: انا اسف بس حسيت اني لازم انقل الموضوع ده
 

الحمد لله انه طلع منها وربنا يعوض عليه ويقوم بالسلامه ان شاء الله
المتوقع لما اي عربيه تترزع في مطب او تقع في نقره ان العجله اللي حصل فيها كده بتفقد تماسكها مع الطريق في نفس الوقت اللي بتكون فيه بقيه الاطارات متماسكه.. و بالتالي بيحصل انحراف للعربيه (العربيه تحدف ) لحد العجله دي ما ترجع تاني لتماسكها مع الطريق ... ولحظه عوده التماسك دي اخطر لحظه لأن لو العربيه اتجاهها اتغير وبعدين الكاوتش كمان اتجاهه اتغير عكس اتجاه الحركه .. العربيه بتفقد اتزانها تماما ... و الاخطر بعد كده استخدام الفرامل
التلات عوامل دول بترتيبهم قلبو العربيه ( فقدان التماسك - اختلال التوجيه - الفرامل المفاجاءه )

طبعا كون العربيه يكون فيها عيب والواحد يمشي بيها ده شيء في منتهى الخطوره
يعني الواحد لما يحس ان ضغط الهوا مش مظبوط او عيب زوايا و اتزان بيظبطه في اقرب محطه ...
ولو حس ان المشكله اكبر من كده وفي عيب في العفشه .. ميستناش عليه ابدا ويطلع على التوكيل على طول
لأن علشان يفضل ماشي بعربيه بتحدف شمال 10 الف كم دي حاجه تخنق فعلا
خصوصا لو جديده زيرو وفي الضمان
الا اذا كان صاحبها حاسس انها حاجه بسيطه وتتعمل مع الصيانه العاديه ..وبعد الحادثه حس بالخطوره !!
عموما ياريت الاعضاء اللي معاهم سيراتو يقولو على موضوع الحدفه الشمال دي !!
وكل واحد يخلي باله من لغاليغه .. قصدي عفشه عربيته

مش قصدي اتريق او اشكك ابدا في كلام صاحب الحادثه ... بالعكس ربنا يكون في عونه و يخفف عنه و يعوض عليه
لكن الخطاء البشري وارد جدا في اي لحظه ... و ان الواحد يبقى عارف ان العربيه فيها عيب و يمشي بيها فده غلط برضو .. 100 كم في الساعه دي مش سرعه قليله خصوصا لما تبقى شاكك في العربيه اللي انت راكبها !!



موقفين حصلو معايا شخصيا
الأول : سكودا فيليشا
منزل 6 اكتوبر لشارع النيل ... بقعه زيت على الارض في اول المنزل (دوران ) والفرده الشمال فقدت تماسكها تماما و العربيه ابتدت تحدف يمين ... شلت رجلي من على البنزين و تبت في الدريكسيون على وضعه لحد ما التماسك ابتدا يرجع للكاوتش و ابتديت اعدل نفسي و الحمد لله اني كنت في شمال الملف و العربيه بتحدف يمين ... لأني لو كنت جنب الرصيف مكنتش حعرف اعمل اي حاجه ... و ربنا سترها
الموقف تاني : فيات سيينا
في ميدان التحرير ...
في الشتا ...فجر يوم الجمعه و مفيش بني ادم في الميدان
مكنش في مطر لكن ندى جامد و الكاوتش في اواخر ايامه
بلف مع الملف عادي جدا ( ملف ميدان التحرير ) يعني ملف واسع جدا .... العربيه مره واحده بقت بتلف زياده شمال
حاولت اعمل نفس اللي عملته قبل كده ... رفعت رجلي من على البنزين وتبت في الدريكسيون من غير فرامل ...العربيه فضلت تلف شمال و بقت بعرض الميدان وداخله على الصينيه .. غصب عني حدفت كله يمين .. و لا الهوى .. ويدوبك قبل الرصيف العربيه مره واحده بعد ما كانت بتزحف شمال لفت يمين ... لدرجه اني لفيت 180 وبقت بعرض الميدان برضو ... بس رجع ليا التحكم تاني على العربيه ... عدلتها و كملت طريقي ... و الحمد لله ان مكنش في اي عربيات واني مكنتش ماشي بسرعه
الموقفين دول حصلو بعربياتي الشخصيه وبقالي فتره طويله بسوقهم و حافظهم
لكن ساعه القدر يعمى البصر ... و اللي ربنا كاتبه هو اللي بيكون ... حتى لو كنت جوه دبابه
الله يرحم ايرتون سينا .. كان بطل العالم في الفورميلا وان ... و مات راشق في حيطه !!!



ده فيديو لشويه عربيات راليات ( سليمه ومبتحدفش) واتقلبت برضو