مصر موتورز مجتمع السيارات - كيا برايد

اقتباس:

المشاركة الأصلية كتبت بواسطة AboNoRa (المشاركة 3371)

قالو عن البرايد

http://balaisps.tripod.com/pride_logo.JPG

sab3aawy@gmail.com
البرايد (هاتشباك)عربية جميلة وحمالة أسية ومريحة فى السواقة واستهلاكها فى البنزين ممتاز وصالونها واسع ومريح وقطع غيارها اقتصادية

imdeid@hotmail.com

صدقتي مش هتلاقي حاجه انضف ولا سعرها احسن من كدة و هات السيدان احسن

itptiger@yahoo.com
انا كنت بفكر فيها لكن اخويا كان بيعمل سيرش عليها على الانترنت وقال انها مليانة مشاكل

معلومات عن البرايد

http://i301.photobucket.com/albums/n...9092007536.jpg

فعلا البرايد اتبنت علي تصميم المازدا 121 هيكل وموتور وبدا انتاجها في اوائل التسعينات ونزلت مصر في 97 وكان سعرها 25 الف جنية (كانت ارخص عربية تقريبا ) وكانت هاتش باك بس
كيا استمرت في تصنيعها حتي 2000 واتنقل خط الانتاج لايران لحساب شركة سايبا الايرانية بنسبة تصل الي 85%
http://www.saipacorp.com/en/

http://en.wikipedia.org/wiki/SAIPA

وهي شركة مساهمة قطاع مختلط (عام وخاص كما هيا اغلب الشركات في ايران ) بدات منذ 1966 وتقوم حاليا تصنيع وتجميع الكيا ريو الجديدة والسيتروين سي 5 علما بان شركة ايران خودرو بتاعة البيجو مساهمة فيها واستمر حتي 2006 ثم تم نقل خط الانتاج الي سوريا بس معرفش بدوا ينتجوها في سوريا ولا لاء وفي كلام انها تتجمع في العراق كمان
http://www.sotakhr.com/2006/index.php?id=1795

http://www.al-vefagh.com/1384/840515/html/eghtesad.htm

الفرق بين البرايد القديم ( الكوري / المصري ) والسابا الايراني

مبدائيا انا بقارن بين الرايد مو 97 الهاتش باك والسابا السيدان علي فكره الهاتش باك الجديد اسمها نسيم والسبا اصلا اسمها صبا !

الموتور 1100cc KIA الجديد 1324 من سايبا
القديم كاربراتير الجديده انجيكشين

الجديد زيادة في بعض الكماليات مثل مذيب ضباب ، اريال كهرباء ، زجاج كهرباء امامي فقط ، كاوتش عريض ، اشارة ستوب خلفيه ـ المساحات بسرعات ، ساعة ديجتال وعداد مسافات ديجتال غير كده التابلوه هو هو وكل حاجة هيا هيا

اسعار قطع غيار البرايد ( اسعار الوكيل )
بعض اسعار السيارة الكيا البرايد لمن اراد تقييم تكلفة التشغيل لو حد عنده اسعار تانية ياريت يضيفها
( الاسعار ديه من بق مركز الصيانة )
فانوس امامي 350
شبكة 165
اكصدام امامي 450
مساعدين امامي 300
تيل امامي / خلفي= 80 / 150
طنبورة امامي / خلفي = 110 / 150
فلتر زيت 20 / فتر هواء / 18.5 فلتر بنزين 13
بوبينة 135
بوجيهات 60

ليه اشتريت السابا

خبرتي مع السابا عمرها الان 3 اشهر بما يوزي 8000 كم حتي الان بس انا استخدامي للعربيات تقيل حبتين نظرا لظروف عملي وعلما بان مع والدتي البرايد الكوري موديل 97 وهيا معانا من الزيرو يعني اول يد فانا حافظ اداء الكوري فاقدر اقارن بينها وبين الايراني

اخيرا ً انا لما كنت بقارن كنت بقارن السابا بالادا اكتر لان لا البيكانتو ( مع حبي الشديد ليها ) ولا الشاريد عربيات خدمة شاقة
كمان قطع غيارهم غاليه وصيانتهم لازم مع التوكيل لاكن السابا والادا ممكن انت نفسك تصلحهم او علي الاقل تتعلم تغير قطع الغيار

عشان كده كانت حيثيات قراري بشراء السابا
اولا الناحية الاقتصادية
1- سهولة الاصلاح تكنولجيا مش قديمة اوي ومش جديده اوي تسعينات وتتشابة مع الهيونداي والدايو تقنيا وفي بعض قطع الغيار كمان

2- توفر قطع الغيار في كل مكان وباسعار رخيصة للجديد وذهيدة للاستيراد
( ولو اضفنا قله استهلاك البنزين تبقي افضل سيارة اقتصادية بمحرك 1300 سي سي علي حد علمي

3- سيارة سيدان تصلح لعائلة ( خاصة ان مصيفنا كل سنة في مطروح وبحب اروح بالعربية والبرايد الكوري كانت شنتطتها صغيرة جدا والبيكانتو والشاريد نفس النظام ومش هقدر اقلب الكنبة لان هيبقي فيه ناس قاعدين

4- انا بستضعف العربيات الاقل من 1300 حتي ال 1300 بعتبرها ضعيفة نوعا فعشان كده بيتهئلي البيكانتو مكانتش هتستحمل 100 كم يوميا علي الاقل مشاوير بدون مشاكل او ان بعد 5 سنين الاقي العربية هلكت واكيد ال 3 سلندر ( الشاريد ) اضعف حتي لو كانت صناعة وكاله ناسا للفضاء

5- سهولة البيع ( التجميع المصري وهو اسواء من الايراني سعره في المستعمل اربعينات موديلات 99 و 2000 ) يعني ان شاء الله سعر اعادة البيع مش هيبقي وحش

6- سعرها (سعر الشراء ) ما بين 49.5 ل 51 وده ارخص سعر لعربيه سيدان 1300 سي سي مجهزة بكامليات ( تكيف كاسيت سنتر زجاج كهرباء امامي - دي فوج - ستوب لايت - امان اطفال - الخ )

اخيرا - العيوب

هيكل ضعيف بالمقارنة بالادا والشاهين لاكن لو قارنت بالبيكانتو والشاريد يبقي اقوي خاصة ان الاكصدام جامد بجد
اقسم بالله العظيم دخلت فيه في اكصدام شاهين طاااااااااااااااااااااااا اااااااااخ الشاهين اكصدامها اتفك (بس متكسرش ) وفانوس عنده اتكسر وانا الشبكة عندي اتشرخت

(فيه مداخلة ليا شارح فيها موضوع الهيكل باسم " احنا ازي بنكون ارائنا الشخصة "

خامات الفرش فقيرة بالمقارنة بالبيكانتو والشاريد بس تتلم جلد وقماش قطيفة للابواب والارضية ب 400 بالكتير ( انا سئلت )

التوكيل سيء ( الامل نفس توكيل لادا والفلاير وال اف ثري الصيني ) بس هما بيفتحو مركز جديد علي الدائري وكده كده انا مش مضطر للتوكيل ممكن اصلحها في توكيل كيا القديم ( وليد توفيق ) وكيا الجديد ( نصير ) والمكيانيكة حافظينها

غير كده والله مشوفت فيها حاجة لحد دلوقتي بالعكس لما بروح التوكيل وبسئل الناس اللي معاهم زيها بيشكروا فيها جدا لدرجة اني بحس انهم شغاليين في التوكيل

والله علي ما اقول شهيد

اخوك وائل مجدي ( ابو نورا )[b]

رابط الموضوع الاصلى
http://www.**********.com/Nile/showthread.php?t=100

شكرا ابو نورا علي الموضوع الجميل دة انا كان عندي كيا برايد عصفورة م99 اول يد وكانت عربية تتحمل جدا بس كان مشكلتها معايا الكبالن غيرتها 4 مرات وغيرت مساعد يمين خلفي بس هو دة اللي غيرتة في استعمال 8 سنين خدمة شاقة وكنت بعاملها معاملة خشنة وبردة كانت بتتحمل وطقم الدبرياج بتاعها متغيرش من ساعة مجت انت بتقول ان موتورها ضعيف انا مش مؤيد الرأي دة لانها كان ضاروخ علي الارض وان كان موتورها ضعيف زي مانت بتقول هو اكيد علي اد حجمها الصغير يعني عربية كبيرة = موتور كبير عربية صغيرة =موتور صغير لان انا كنت بجري بيها ادام بيجو 504 ومازدا 626 موديل 82 مع العلم ان محركهما 2000 و1800 وهي موفرة في البنزين جداا بس كانت مش مكيفة سالت علي التكييف بتاعها قالو هيكلفني 1800 جنية بعتها في شهر ابريل 2008 وكان عيوبها قبل البيع الابلاتين ( الكتروني ) كان بايظ وتعبت جداا عقبال ملاقيتة وع العلم ان السيارة صغيرة هي كانت ثابتة جداا علي الارض جيبت بيها 160 وكانت مية مية بس انا راكب دلوقتي جيلي mk ولولا الظروف المادية مكنتش بعت الكيا خالص وكنت جبت الجيلي عليها انا بزعل بجد لما بفتكر ان الكيا مش واقفة تحت البيت لانها كانت او عربية في حياتي وياتري هي فين دلوقتي