مصر موتورز مجتمع السيارات - حل عملى واقتصادى لمشكلة انقطاع النور

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - حل عملى واقتصادى لمشكلة انقطاع النور (https://www.masrmotors.com/vb/showthread.php?t=114739)

رد: حل عملى واقتصادى لمشكلة انقطاع النور

Ahmed Al-Bora'ie
لاء الله ينور عليك هو ده اللى انا عايزة بالظبط انا عايز تناقش مع بعض علشان نطلع افضل الحلول عملياً واقتصادياً

وبالظبط زى ما قولت انا اخدت فكرة ال UPS بس انت عارف اسعارها نار وتقريباً من ضعفين الى تلات اضعاف تمن الفكرة ديه بالاضافه ان لو البطارية باظت اوى اى مكون باظ هتبقى تكلفة اصلاحة كبيرة ومشكلة وحوار

بالنسبة للمكان فيه اكتر من حل

1- ممكن يتعمله مكان فى البلكونة وتستفيد من جو البلكونة غالباً ما بيكون الطف وفيه هواء اكتر وده كويس لتبريد المحول خاصة لو قدرته كبيرة وبالنسبة للشمس ممكن يتعلق فى مكان عالى ويبقى بعيد عن الاطفال ومش معرض للشمس وقت طويل من اليوم وممكن يتعمله كفر او صندوق صغير مفتوح من الجوانب ويتغطى بفويل او اى مادة عاكسة لضوء الشمس

2- ممكن يتحط فى المطبخ سواء داخل وحدات المطبخ او يتعمله رف عالى ويتحط عليه المحول والبطارية

3- ممكن يتعمله دولاب بقفل بس المهم التهوية بتاعته وغالباً هتحتاج تعمل فى الدولاب مروحة وتبقى ضحيت بجزء من الكهرباء اللى طالعة بس لو سيستم كبير مش هتبقى فارقة اوى وممكن تشترى دولاب من اللى بنستخدمهم فى مجال الشبكات والسيرفرات وفيه انواع مصرى كويسة واسعارها اقل من 1000 جنية بس ده لو هتجيب محول كبير زى ال 3000 وات ده وتجيب معاه بطاريتين تلاته

رد: حل عملى واقتصادى لمشكلة انقطاع النور

أفكار رائعة وبتغطى كافة إحتياجات كل واحد حسب مقدرته ، بس يا ترى المعدات دى موجوده فى مصر وبتتباع فين وعلى الله ما تكونش الصين قلدتها

رد: حل عملى واقتصادى لمشكلة انقطاع النور

اقتباس:

المشاركة الأصلية كتبت بواسطة نبيل عبدالرحمن (المشاركة 892537)

بالطبع معظمها صناعة صينية، أنا لسه راجع من الصين وشارى pure sine wave inverter ،
بصراحة اشتريت أكثر من واحد للعائلة كلها
2000 وات وهو كافى لتشغيل بعض الأجهزة مثل الثلاجة والأنوار والكمبيوتر طبعا وتلفزيون أيضا.
المشكلة ليست فى سعره فقط ولكن فى سعر الشحن فوزن الواحد يتراوح بين 6 و 7 كيلو جرام
وفى منه وزنه يتعدى الـ 50 كجم!!!

أما موضوع الطاقة الشمسية فهو يتعدى الـ 7 آلاف جنيه لو كان بطاقة 3000 وات وهو كافى لتشغيل جهاز تكييف صغير مع الأتوار والأجهزة الآخرى.
ولكن المشكلة فى مساحة الخلايا الشمسية فهى حوالى 7 متر* 1,2 متر !!!!!

رد: حل عملى واقتصادى لمشكلة انقطاع النور

فيه منها صينى طبعاً وبتتباع فى مصر وممكن تلاقى عند النخيلى فى باب اللوق ماركات مش صينى انا عموماً لسه بجمع معلومات وبشوف الاسعار بره ايه وبعدين هعمل جولة واشوف ايه المتاح فى السوق المصرى هنا ان شاء الله

رد: حل عملى واقتصادى لمشكلة انقطاع النور

اقتباس:

المشاركة الأصلية كتبت بواسطة atgps (المشاركة 892549)

انا عندى فى العمارة السطح بتاعنا ومش عاملين فيه حاجة فمستقبلاً ان شاء الله ممكن اجيب الواح شمسية وتوربينات هواء كمان بس انا قولت ابداء بسيستم بسيط الاول خاصة ان الحاجات ديه هتنفع
وبالنسبة للمحول البيور ساين ويف ده جبته بكام وهو محول وشاحن ولا محول بس ؟