|
رد: إمتى البلد هتهدأ ؟؟؟؟
فعلا اضراب المدرسين حركة دنيئه في الوقت اللي البلد محتاجه لهم ....
اضراب المدرسين وانهم عايزين الحافز بعد الكادر طيب أجيب منين 7 مليار واحنا بنسحب من الاحتياطي النقدي وبكره اضراب الاطباء وبعده المهندسين وبعده موظفين الجهاز الاداري وبعده اضراب الشعب المصري لاسقاط مصر .... بمناسبة اضراب الاطباء في مستشفي الزقازيق الجامعي واحد جزار مراته بتولد والاطباء عاملين اضراب ومحدش عايز يولدها وصاحبنا بيتحايل عليهم ومحدش بيعبره .... الراجل اخر مازهق راح جاب "ساطور" ومسك واحد من الدكاتره وقال" عليا الطلاق بالتلاته لو مولدتوها لكون دابحه ومعلقه زي الدبيحه " ياتري ممكن اولياء الامور يعملوا كدا مع المدرسين ؟؟؟؟ هل ممكن قانون الطوارئ يطبق علي المدرسين لتكدريهم السلم العام واثارة البلبله في الشارع المصري ..... الاخت مرمر بتقول احنا مش قادرين نصبر سنتين والبلد هتظبط احنا لو فضلنا كدا سنتين مش هيكون فيه بلد اصلا ..... لو فضلنا كدا لمده سنتين هنقول عليع العوض ومنه العوض في مصر |
رد: إمتى البلد هتهدأ ؟؟؟؟
للاسف فى ناس بتستغل الموقف |
رد: إمتى البلد هتهدأ ؟؟؟؟
يعني نعمل ايه
ماحدش رد برضه كل واحد يمسك ساطور ويضرب بيه واحد مضرب ولا ايه ؟ |
رد: إمتى البلد هتهدأ ؟؟؟؟
اقتباس:
الساطور هو الحل |
رد: إمتى البلد هتهدأ ؟؟؟؟
اقتباس:
انا معاكى تماما, طيب نشوف ايه عواقب الثورات : الثورة الروسية على الامبراطور نيقولاى الثانى : الحرب أهلية انتصر فيها الشوعيون! الثورة الفرنسية : 7 سنين من الحرب الاهلية و فى النهاية عادت الى الملكية مرة اخرى! السؤال, هل نحن مستعدين لسنوات من عدم الاستقرار؟! الحل السحرى لتجاوز سنوات عدم الاستقرار هو الانتقال التدريجى, كمثال الانجليزى, عندما قامت الثورة فى فرنسا, بدأت الدول الأوروبية الاخرى فى الانتقال الى الديموقراطية بدون صدمات أو قفز على المراحل, و بشكل هادىء تماما, لتجنب سنوات الضياع التى تعقب الثورات, قارن بين ديموقراطية بريطانيا مثلا و ديموقراطية فرنسا, الاتنين دول ديموقراطية الاولى بدون ثورة و لا حروب اهلية و الثانية بعد حرب اهلية طويلة و ممتدة و فترات من الفوضى و عدم الاستقرار. ما اود قوله ان الثورات ليست الطريق الوحيد الى الديموقراطية, هناك طرق اخرى اقل ايلاما (مثل الطريق الذى طرحه مبارك فى خطابه الشهير أثناء الثورة و حدسى الشخصى انه كان صادقا و هدفه الانتقال التدريجى الى ديموقراطية مع تفادى التوترات أو و وقوع البلاد فى ايدى قوى فاشستية). مع العلم ان الثورات لا تأتى بالديموقراطية فى اغلب الاحيان. |
رد: إمتى البلد هتهدأ ؟؟؟؟
عظمة الاحداث كانت فى تعامل مؤسسات الدوله الراقى مع المعطيات
وعلى اكتاف رجال العهد البائد تُحمل مصر |
رد: إمتى البلد هتهدأ ؟؟؟؟
عشان لما أولادك يكبروا يا دكتور / كمال لو الثورة نجحت و قدرت توفرلهم وطن أكثر عدلا يشكروك لو الثورة فشلت و نجح مجلس العسكر إنه يحولها لهوجة و عدت تقولهم إحنا حاولنا و فشلنا ،، البركة فيكم متيئسوش لكن كده لما يكبروا و توريهم الموضوع ده هتخجل من نفسك قدامهم ،،، هتقولهم معلهشي أنا مقدرتش أستحمل ثمن الحرية و الكرامة أنا مش بدافع و لا بايد المواقف السلبية بعد الثورة (( و اللي علي فكرة كانت أسوأ 100 مرة قبل الثورة )) بس إستحالة هأقايض الحرية و الكرامة بلقمة عيش مسرطنة و أمن كاذب يليق بالبهائم كل اللي طالبه تحمل و جلد |
| الساعة الآن 06:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017