رد: هوندا أكورد 2004 أو تيوتا كامري 2005
 

بص يا سيدي قطع غيار و صيانة و سعر اعادة بيع الكامري لا يختلف عليها 2 و فيه مكان فحص في سوق الشارقة محل اسمه القائد ده هيفحص لك العربية كويس جدا

رد: هوندا أكورد 2004 أو تيوتا كامري 2005
 

ألف شكر وأقول آمين يارب.

تمام يارامي باشا بس هوا إنتا قصدك إيه بقى بسوق الشارقة مش أبو شغارة بردو جنب المرور القديم؟
عموما أنا ماليش سابق معرفة بمحلات الفحص لأني مابيعتش ولا إشتريت هنا قبل كدة بس لو كدة أبص على المحل الي إسمه القائد ده.
متشكرين قوي يارجالة وشرفتوني بردكوا والله.ROSE4U

رد: هوندا أكورد 2004 أو تيوتا كامري 2005
 

آه فيه حاجة كمان لو سمحتوا.
على فكرة أنا شايف نفس رينج السعر دا يحطني كمان قدام نيسان ألتيما2,5 4 سلندر فول أوبشن موديل 2004 أو 2005.(عربية جميلة بردو والله)
أو مازدا 6 موديل 2006 أو 2005؟
ولا إنتوا رأيكوا إيه؟(what)
(أنا أساسا ليا سابق معرفة بالنيسان معايا صني في مصر)

رد: هوندا أكورد 2004 أو تيوتا كامري 2005
 

خليك فى الكامرى يا باشا

رد: هوندا أكورد 2004 أو تيوتا كامري 2005
 

ايوة ابو شغارة هو كل الشغالين هناك مصريين و هو كويس انا مجربه قبل كدة في عربيتين كانت فيهم واحده سيفك طلعت و الحمد لله مشيسة هههه بس هو قالي و علي فكرة نزل السعر شوية السوق ميت بجد اليومين دول صاحبي لسة شاري اكورد 2006 فل اوبشن بفتحه سقف كانت ماشية 90 الف مخلصها علي 27 الف درهم

رد: هوندا أكورد 2004 أو تيوتا كامري 2005
 

حاجة كمان خلي بالك لتكون الكامري من عربيات التاكسي

رد: هوندا أكورد 2004 أو تيوتا كامري 2005
 

طبعا متأسف على التأخير في الرد بس إنتوا عارفين بقى ياعني إيه الواحد بيدور على عربية مستعملة ياعني ميت معاد ومليون تليفون .....
(أنت تريد وهو يريد والله يفعل مايريد)(what)
ماحصلشي نصيب في الكامري للأسف إختلفنا على السعر وجاري البحث عن بديل إنشاء الله.
تسلم ياباشا بسROSE4U ...... جاري البحث.
والله تسلمGIFT4U أنا على فكرة كنت إمبارح في أبو شغارة ولقيت المحل الي إنتا قولتلي عليه وفعلا معظم المحلات هناك مصريين.

لا أنا هقول بقى ماكانتشي تاكس واخد بالك من ماكانتشي دي بس للأسف صاحبها مقاول ياعني لو كانت تاكسي كان أرحم والله.