رد: نداء لكل الفاهمين
 

رد: نداء لكل الفاهمين
 

شوف ياعمي الحاج بعد 25 سنه ركبت سيارات من بعد النهايه هى المرسيدس وانسي ثبات قوه اداء متميز امينه عليك وعلي اسرتك الحديث كله بلاستيك وعفشه لاتتحمل الاسفلت المصري ومطباته

رد: نداء لكل الفاهمين
 

والله أنا كنت لسه هقولك أن ال70000 جنيه ممكن يجيبولك مرسيدس معدلة مو 1984-1985 بحوالى 50000-55000 جنيه أو ممكن تزود لحد 80000 جنيه و تجيب زلمكة موديل 1987-1988 , بس المهم الحالة , أنط تصبر لحد ماتلاقى حاجة نظيفة , بس طبعا لو قولتلك هات مرسيدس , الأخوة الأفاضل اللى هنا فى المنتدى هيهاجمونى جامد جدا و أن العربية تعتبر قديييييييييييييمة و عجوزة و كده , بس أنا لو فعلا مكانك , كنت جبت المرسيدس , بس لو عاوز تجيب حاجة من الحاجات الجديدة بتاع اليومين دول, رغم أننى لا أثق فيها و فى متانتها اطلاقا الا الألمانى منها , هاتلك ميتسوبيشى لانسر 1300 سى سى موديل بعد ال2007 كسر زيرو , سهل -ان شاء الله- انك تلاقى واحدة بالمبلغ اللى معاك , اللى خلانى أرشلحك االعربية دى دونا عن كل العربيات الجديدة التانية , أن أنا شوفت العربية دى بتستحمل شوية لأن أنا لى جيران, هما اتنين أخوات و بيشتغلوا مقاولين, واحد منهم عنده لانسر بومة من سنة 2004 و التانى عنده كورولا , تقريبا موديل 2004 برضه و كل واحد عنده عربية تانية مرسيدس عيون , طبعا نظرا لطبيعة عملهم , فهما بيفحتوا العربيات شغل و جرى و ما شاء الله , العربية اللانسر معاه , ماشتكتش لأن الراجل ده أنا عارفه كويس , لو كانت العربية اشتكت معاه , كان باعها عالطول و ماضيعش وقت .

بس أنا عن نفسى لا أرجح الكورى خااااااااااااااالص كعربية تتحمل المطبات و الشوارع المكسرة جدا , أنا بتكلم عن المنصورة هنا , يمكن يكون الوضع عندك فى القاهرة مختلف , بس المهم أنك قبل ماتشترى أى عربية تعرف أسعار قطع غيارها ايه بالتفصيل و بنتهى الدقة , مش كلام بالتقريب .

و ربنا يوفقك الى الخير .

رد: نداء لكل الفاهمين
 

المبلغ إلا معاك ممكن يجيب حاجة ياباني كسر زيرو، وهتبقى إن شاء الله ممتازة، بس المشكلة إنك لسة جديد وممكن يتنصب عليك، عموما لو هتخليك في المضمون يبقى بروتون ساجا، فيها إلا إنت عايزه، وعربية محترمة. وربنا يوفقك

رد: نداء لكل الفاهمين
 

توكل على الله وكمل وهات النيو اكسنت ممتازه جدا جدا وعمليه