|
رد: انا اسف بس حسيت اني لازم انقل الموضوع ده
طبعا شىء مؤسف ان حادثة زى كده تحصل لاى حد سواء فى سيراتو او فى 128 حتى ربنا يشفيه ويعوض عليه يارب
لكن لما الواحد يقرا الكلام يلاقى ان صاحب العربية كان عنده مشاكل فيها من قبل الحادثة اصلا والواضح انه مكانش راضى عنها وده اكيد اللى مخليه يشوف ان الحادثة بسبب العربية مع ان عربية زى ما بيقول اتقلبت 10 - 12 مرة والكابينة بتاعتها بالشكل ده والاتنين ايرباج مفتوحين يؤكد انها عربية متينة فعلاً اما احتماليه ان فيه عيب فى المقصات او المساعدين فديه حاجة ممكن اثباتها وكان المفروض تبان فى المقايسة وكان المفروض من البداية يعمل محضر ضد التوكيل ويطالب بلجنة فنيه لمعاينة العربية لاثبات الضرر باعبار ان المتسبب فيه الوكيل لعيب اصيل فى السيارة او عيب صناعة حتى لكن كل العربيات فيها حدفة شمال ده كلام مش منطقى اطلاقاً بالظبط زى اللى كان بيتقال عن الفيرنا اول مانزلت ان كلها بتحدف مش عارف شمال ولا يمين وادى عشرات الالف من الفيرنات ماشية مفيهاش حاجة وفيه الاف من السيراتو برضو ماشيه فى الشوارع مفيهاش مشاكل تذكر فانا اعتقد زى ماقال استاذ حازم عيب الطريق مع عدم توفيق من السائق وقدر ربنا اولاً واخيراً هو تفسير الحادثة خاصة انه حسب كلامة لما عومت منه العربية حاول يدوس فرامل وحسب كلامة الفرامل كمان مستجابتش فمعروف للجميع انه من مبادىء السواقة مينفعش تدوس فرامل والعربية مش متوازنة والا ده هيبقى اكبر سبب لانقلاب العربية كمان موضوع انه داس فرامل ومشتغلتش ده مصيبة لوحده وبرضو كان ممكن اثباتة فى المعاينة لو الفرامل فاصلة او الزيت مش موجود او شىء من هذه القبيل |
رد: انا اسف بس حسيت اني لازم انقل الموضوع ده
الحمد لله على سلامتك .. روبنا يكمل شفاك على خير
|
رد: انا اسف بس حسيت اني لازم انقل الموضوع ده
شكراً على نقل الموضوع
|
رد: انا اسف بس حسيت اني لازم انقل الموضوع ده
مهندس محمد غازى
ربنا يقومك بالسلامه وفداك العربيه و غيرها و غيرها ! شوف أنا ان شاء الله ح أستلم واحده الآسبوع القادم ! و لا تراجع ولا استسلام ! السياره تقريبا ماشيه فى العالم كله من حوالى سنه ! لو كان العيب ده موجود فيها أظن مش معقول تكون انت الوحيد اللى حصل له كده و كان زمان المصنع بتاع كيا قفل ! لآن الناس فى الخارج ما بتهرجش و مابتسكتش و بتاخد تعويضات بالملايين ! هوه قضاء و قدر و نصيب ! أعتقد ان اللى حصل ان المطب كان جامد جدآ واذا كانت العجله نزلت على الآخر فى المطب يعنى لازم المقصات خبطت فى الآرض والميزان و ممكن يا اتعوجوا يا انكسروا و ممكن خرطوم الفلرامل انقطع وبالتالى السياره ح تحدف جامد و لن تستجيب لا لفرامل و لا لرد الدركسيون خاصة وان سرعة 100 مش سهله برده ! قدر الله و ما شاء فعل ! و ح تخف و ح تركب عربيات تانى ( بس بلاش النيوسيراتو ) علشان أصبح بينك و بينها عداء ! و احقاقا للحق فى منتدى آخر 70% ناس قالوا فيه حدفه شمال و 30% تقريبآ قالوا ما فيش ! طب نصدق مين ؟؟ عايز أحكى قصه سريعه ! فيه واحد صاحبى الله يرحمه كان يقود سياره بيجو 79 من زمان و بجانبه أخوه الوحيد و انقلبت بهم السياره 10 قلبات و اتنطروا برده من الزجاج الآمامى ومات الآخ الذى لا يقود ( فى طريق القاهره الاسماعيليه ) واللى كان سايق بيحكى سبب الحادث انه رأى رجل واقف فى منتصف الطريق و بيضحك له و حاول يفاديه ! ييجى يمين ! يجيله يمين ! ييجى شمال ! يجيله شمال و لما قرب منه و ضرب فرامل ! اختفى الرجل وانقلبت السياره ! هذه قصه حقيقيه على لسانه ! و مات هو يعدها بكام سنه طبيعى على فراشه و عمره 26 سنه ! أظن المغزى واضح !!! Dr. Bolbolan |
رد: انا اسف بس حسيت اني لازم انقل الموضوع ده
المهم حمد الله على سلامته وربنا يتم شفاءه على خير ويعوضه باحسن منها
|
رد: انا اسف بس حسيت اني لازم انقل الموضوع ده
شكرا شريف على نقل الموضوع الله يعوض عليه و الحمد لله انه طلع منها ويكفينا و يكفيكوا شر الحوادث |
رد: انا اسف بس حسيت اني لازم انقل الموضوع ده
الف سلامة عليك وربنا يعوض عليك
|
| الساعة الآن 11:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017