رد: افكار لتظبيط (تجديد) AX
 

استاذ ايمن تحياتي اولا ليك بس الفكرة كلها ان في الغالب ان اللي دخلوا الموضوع كانوا فاكرين زيي انهم هيلاقوا تعديلات في عربيتك بس من الواضح انهم اتصدموا زيي ان مفيش اي تعديلات وانك لسه بتفكر عموما انا بفكر زيك بالظبط وانا معايا نفس العربية بس الحقيقة ان عربيتك محتاجة وبكل صدق ان الفرش بتاعها يتشد عند سروجي كويس يعني دي نصيحتك انك تبدأ بكدة وموضوع الازاز الكهرباء والسنتر الاوتوماتيك دة ينفع جدا بس عايز كهربائي نضيف وروافع ازاز كويسة
ثانيا موضوع العتب والحاجات دي ياريت لو لقيتها تقول عشان انا عايز اعملها عندي في العربية
ثالثا انا نفسي في الكشاف الامامي اللي هو مدور من جوة يعني مستطيل شكله عادي بس من جوة عبارة عن كشافين مدورين بالاضافة اللي اني بفكر في عمل فوجات في الاكصدام الامامي بس مستحرم انه يبوظ
رابعا انا بفكر في بعض التغييرات في شكل التابلوة بس بصراحة مش لاقي فكرة حلوة اقدر اعتمد عليها واطورها او اعملها على طول
عموما ياريت لو عملت اي تعديلات تبلغنا فين وبكام وبالصور
لك جزيل الشكر

رد: افكار لتظبيط (تجديد) AX
 

اخى العزيز
ربنا يكرمك وتلاقى صنايعية تعرف تعملك الى انتة عاوزو
انا شايف انك ترش العربية عند بهيجى كويس وتشد فرش الصلون
الطبلوم عندك كويس مش وحش يتلمع وتركب العتب علشان دى ها يفرق جامد جدا فى شكل العربية ويا سلام على طقم جنوط اسبور كويس بيخليها تحفة وتسقط العفشة شوية ها تبقى جامدة اوى دى رئيى الشخصى

رد: افكار لتظبيط (تجديد) AX
 

وائل باشا نورت الحتة وشرفتنى جدا بالمشاركة
والله انا كاتب ع الموضوع (افكار) يعنى مجرد كلام وبعرض فيه اللى فى دماغى والصور اللى ممكن اوصلها (تبقى افكار ولا ما افكارش؟؟؟) هههههههه
ع العموم كلامك هو المفيد انك تدينى رأى وتقولى على نصيحة ونتبادل الافكار وان شاء الله سلعة التنفيذ يبقى فى موضوع تانى مصور لكل خطوة وسرد التجربة بالكامل(دعواتك ربنا يقدرنى وابتدى -- المهم البداية) لانى لما سألت ع الحوار ده اتقال لى انه يخشله فى حدود 4 بواكى وطبعا مبلغ مش هين لكن ربنا يسهل وتقضى وهوه ده هدفى وبعون الله احققه

اللى عرفتة ان العتب طبعا عند بتاع الفيبر ومش صعب خالص انه يتنفذ لان فكرتة غاية فى البساطة المهم التكلفة


الكشافات اللى حضرتك عايزها نممكن تكون عبارة عن فانوسين يمين وفانوسين شمال زى الجولف كده وكلها هتبقى مدورة او رسمة على الكشاف المربع الاصلى عبارة عن دايرتين متحددين بالاسود لكن ده يعيق الضوء اللى خارج من الكشاف لان الدايرتين هيتقابلوا فى النص يعنى مركز الاضاءة او نشيل اللمبة من نص الكشاف من جوة ونفتح فتحتين يمين وشمال الكشاف الواحد ونحط لمبتن كبيرة وصغير او عند الفنجرى اللى الحرفيين(ده سمعت عنه) بيفصل فوانيس زى مانت عايز يعنى ممكن يوفقلك فانوس لمتين من جوه ويتقفل عليهم بالوش المربع من بره والفوجات عادى انه يتفتح لها فى الاكصدام بس عايزة حد محترم وامين فى شغله وجارى البحث


ده بقى اللى شاغلنى حاليا وبجمع معلومات وتجارب الاخرين وفى حلول كتير للنقطة دى او ما احصرهم هبلغك ان شاء الله

ان شاء الله اى حاجه هتتم هحطها فى المنتدى على طول ويمكن على ميعاد التنفيذ اوصل لافكار جديدة ماحدش عملها
والشكر لحضرتك انت على مناقشتك ونصيحتك ولك كل الاحترام والتقدير

رد: افكار لتظبيط (تجديد) AX
 

اراء حضرتك غاية فى الموضوعية يا استاذ طارق وانا روحت عند ميكانيكى متخصص ستروين فقط فى جسر السويس (اسمه فرج) يمكن سمعت عنه وعرضت عليه الفكرة وع اللى عاوز اعمله وكل حاجه اقولهاله يقولى عندى (الصنايعى طبعا اللى هيودينى ليه) وبصراحة الراجل ده انا جربته مره وارتحت له هوه شاب من سننا كده وملتحى اسمه محمود فرج وان شاء الله هروحله تانى واشوف الصنايعية دول واشوف شغلهم وبعدين اقرر

ده اساسى ان شاء الله


انا بس هجلد النص التحتانى عشان بفكر اعمل الكونسول اللى فى دماغى وطبع هيتكسى جلد من نفس نص التابلوه التحتانى عشان العك اللى فيه

العتب مافيهوش خلاف مع الرفارف -الجنوط الاسبور انا عندى تحفظ عليها لانها مش عمليه زى الحديد الاصلى وثانيا هى اعرض فابالتالى هتأثر ع العفشة وكمان حضرتك عارف المطبات عندنا شكلها ايه وخايف جدا اهبط العربية لا الكارتيرة تحك فى المطبات لانى بعيد عنك ساكن فى حته مايعلم بيها الا ربنا لكن بفكر فى طاسات استانلس تفصيل بطريقة معينة يقارب من شكل الاسبور منه شكل حلو وبرضه حافظنا على الابعاد الاصلية للجنط وكمان (ان شاء الله) هيكون بيتركب ع العجل بمساميرة منعا للسرقة وفى النهاية رأيك افادنى جدا وعرفت ان افكارى ماراحتش لبعيد وجزاك الله خيرا

رد: افكار لتظبيط (تجديد) AX
 

متابع اوى اوى اوى
انا والله كل اللى موقفنى عن المشاركة ف مووضوع التعديل دا هو بحثي عن العربية
انا استقريت ان شاء الله خلاص
ومعايا الفلوس ان شاء الله
ونويت على ال ax
وان شاء الله قريب جدا جدا جدا هجيب واحدة
على اخر الاسبوع دا باذن الله
لو فعلا ف دماغك التعديل الجامد جدا ومش مكلف اوى ف نفس الوقت
يبقى اكيد هنعمل كل خطوة مع بعض
وصدقني هنعمل شغل عالى ان شاء الله
وعلى رأي المثل
الفاضي يعمل قاضي :)
ومتابع جدا