|
رد: ضبط نسبة الهواء إلى البنزين فى الكربراتير ... ؟؟؟
نفسى اتعمل ضبط الكرابرتير
|
رد: ضبط نسبة الهواء إلى البنزين فى الكربراتير ... ؟؟؟
انا عملت موضوع فك الكربراتير دا ونضفته ورجعته تانى وبالمناسبه فكيته حته حته
وطبعا دا من الخبره الى اكتسبتها من الصنايعيه وطولت بالهم يعنى من الأخر قررت مروحش تانى لصنيعى ولو روحت يبقى مره واحده وبعد كده الحاجه اعملها انا ولو وقفت اوى امرى لله اروحله تانى دى بردو ارزاق المهم لو حد ليه استفسار عن اى حاجه فى الفيات يسأل مجرب ولا يسأليشى طبيب لأن الطبيب اكيد يعنى مالوش فى العربيات وأسف على الأطاله وتحت أمركم فى اى سؤال وبالمناسبه انا معظم اجزاء السيارة بقيت بقدر افكها واعمل ليها صيانه وكمان بقى عندى القدرة على الأحساس بالسيارة اذا وجد بها اى تلفيات والأهم انى بحاول اعمل شكل جديد للسيارة عن طريق عمل لوحات ثرى دى عليها علشان الى يشوفها مبيبصش على الماركه ولا المنظر يبص على الرسم واهوه العين تروح فالرسم احسن ماتروح فى الحديد سلامى وتحياتى |
رد: ضبط نسبة الهواء إلى البنزين فى الكربراتير ... ؟؟؟
اول سؤال
عايز اعرف فكرة عمل بك السلانيسيه الكهرباء وطريقة توصيله علي الموبينه ؟ |
رد: ضبط نسبة الهواء إلى البنزين فى الكربراتير ... ؟؟؟
الله ينور عليك
ياريا حضرتك تصورلنا شكل العربية بعد عمل اللوحات دى عليها |
رد: ضبط نسبة الهواء إلى البنزين فى الكربراتير ... ؟؟؟
أستاذ وليد القاضى
نورت التوبيك, بس لو مكانش فيها رزاله لو ينفع تعمل لنا فيديو من البداية للنهاية يشمل فك و تنضيف و تركيب و ضبط الكربراتير أخونا الأستاذ هشام الجزار عمله بس الصورة صغيرة و الأستاذ أدهم عامل شغل ممتاز فى جروب الفيات 127 و عامل كل شغله فيديو و بجوده ممتازة و برضة كان جايب طريقة الفك و التركيب بس حضرتك عارف إن كربراتير الـ 127 عين واحده, غير معظم الكربراتيرات الـ 2 عين (بوابتين) كنا عاوزين نعرف طريقة الفك و الكشف على العوامة و مستوى البنزين و ..... ربنا يجعله فى ميزان حسناتك و خلى نيتك: علم ينتفع به |
| الساعة الآن 03:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017