رد: هواء السلانسيه فى الحقن الألكترونى
اقتباس:
ولا يوجد علاقه بين الرشاشات والغاز اقتباس:
بيعمل غالبا من خلال خط تخلخل أو فاكيوم من بعد بوابة دخول الهواء لغرف الحريق بيكون عامل زى رداخ البنزين بتاع زمان ( مع الفارق ) خط التخلخل بيرفع رق البلف من الداخل ( حسب التخلخل ) وحسب ضغط السائق على دواسة البنزين ومن هنا بيتم ضبط ضغط البنزين فى مسطرة الرشاشات نعمل أيه أحنا علشان نعرف البلف شغال ولا لا هناك طريقتين بدائيتين 1- نحل خرطوم الفاكيوم الذاهب لتشغيل البلف ( من بعد البوابه ) بعد تشغيل المكنه فتره من الوقت لقينا الخرطوم فيه بنزين يبقى رداخ البلف مقطوع وتالف 2- ممكن نشغل المكنه عادى جدا ....ونجس بحاسة اللمس بقبضة اليد خط الراجع من نهاية مسطرة الرشاشات ....ورايح لتنك البنزين لقينا مفيش ضغط يذكر أو سريان للبنزين بيرجع للتنك ( يبقى البلف مبيفتحش فعلا ) وقافل السريان على راجع البنزين للتنك اقتباس:
يمكن أختبارها بطريقتين 1- بأخراج المسطره كاملة بالرشاشات بره المكنه وفيش الكهرباء واصله ونفتح الكونتاكت على وضع ماقبل سنة المارش طلمبة البنزين حتودى البنزين لمسطرة الرشاشات لو لقينا البنزين بيشر أو بيسيل على هذا الوضع ( والمكنه مش شغاله ) يبقى الرشاشات وحشه ومحتاجه تتغير 2- يمكن أختبار تسيل الرشاشات أيضا على جهاز الأختبار المخصص لهذا الأختبار |
رد: هواء السلانسيه فى الحقن الألكترونى
اقتباس:
لايشترط توصيل الفيش ويمكن حلها لأننا مش عاوزين كهرباء أساسا تروح للرشاشات أحنا فقط عاوزين نشوف أبر الرشاشات قاعده صح على أمكانها ولا معلقه بسبب الرواسب والرشاشات بتسيل أو بتشر بنزين على الفاضى |
رد: هواء السلانسيه فى الحقن الألكترونى
بس فيه حاجه كمان
لو مكنتش بتعاكسك فى الدواره وأنت محول على البنزين وسايب المكنه لمدة ساعه أو نصف ساعه مبطله ( لسه المكنه سخنه يعنى ) وملحقش البنزين يطير من على البوجيهات على فرض أننا بنفترض الرشاشات كانت بتسيل يبقى السبب مش الرشاشات ولكن عدم رجوع البنزين الزائد عن الحاجه للتنك |
رد: هواء السلانسيه فى الحقن الألكترونى
اخي العزيز بعد التحيه .
اقتباس . ونجس بحاسة اللمس بقبضة اليد خط الراجع من نهاية مسطرة الرشاشات ....ورايح لتنك البنزين لقينا مفيش ضغط يذكر أو سريان للبنزين بيرجع للتنك ( يبقى البلف مبيفتحش فعلا ) . الحقيقه بعد ان عجزت في ان اجد خط الارجاع ذهبت الى ميكانيكي واكد لي عدم وجوده . ما الحل ارجو الافاده وعذرا ان كنت قد كثرت عليك . |
رد: هواء السلانسيه فى الحقن الألكترونى
اقتباس:
نحن تحت أمرك إلى أن تصل لحل يرضيك ثانيا لازم يكون فيه راجع لتصريف البنزين الزائد عن الحاجه للتنك ولو نرفعلى صوره واضحه أو صورتين لبداية مسطرة الرشاشات ونهاياتها حنقدر نحدد نتعامل أزاى مع المشكله بأذن الله اقتباس:
ممكن تكون وسيلة تشغيل البلف مش مظبوطه أو فيها مشكلة ما وممكن يكون خط الراجع نفسه متنى من منطقه معينه لأن بيكون فيه خراطيم أيضا على خط راجع البنزين وفيه سؤال هل أستطعت من التوصل لبلف تنظيم ضغط البنزين عندك ..........؟ |
الساعة الآن 06:02 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017