مصر موتورز مجتمع السيارات - اختبار قياده و ملاحظات على النيوسيراتو أول 700كم

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - اختبار قياده و ملاحظات على النيوسيراتو أول 700كم (https://www.masrmotors.com/vb/showthread.php?t=18113)

رد: اختبار قياده و ملاحظات على النيوسيراتو أول 700كم

تسلم ايدك يا دكتور وبانتظار حضرتك بعد صيانه 1000كم ان شاء الله

رد: اختبار قياده و ملاحظات على النيوسيراتو أول 700كم

احب اسمع الكلام الموزون وخصوصا من شخصيه عاقله زيك يا دكتور

وفعلا اغلب الى اعرفهم راكبين السيراتو يعتبروا مرتاحين ماديا وعندهم القدره انهم يصرفوا عليها ....والغريبه ان معظم الى معاهم السيراتو يمتلكوا سياره اخرى

بس هقول لحضرتك كلمه بصراحه ... ده احسن تقييم شوفتوا عن السيراتو

وربنا يباركلك فيها ان شاء الله .... وعقبال البي ام ان شاء الله

تقبل تحياتى

رد: اختبار قياده و ملاحظات على النيوسيراتو أول 700كم

والله يا دكتور انا كنت فاكر ان لحد الصفحة التالتة هو ده التقرير والباقى لما ترجع اتارى انا ضاع منى فروت سلاد رائع فيه موز كتير شويه بس فيه فواكهه تانية ظابطه الطعم :)

وبجد ده من اجمل التقارير عن السيارات عامة مش بس عن السيراتو لان التقارير يا جماعة مش مجرد ذكر مواصفات او تقييم وبس التقرير بيبقى اجمل لما يكون بيعكس تجربة مستخدم وبيكون اجمل واجمل لما التجربة تبقى مصاغة ومدونة باسلوب بسيط ومتميز زى اسلوب دكتور عبد السلام علشان كده انا بعتبر ان النوعية ديه من التقارير والموضوعات هى القيمة الحقيقية للمنتديات لان المعلومة اوالمواصفة الفنية بتتجاب من مائه مكان التقييم ليه هئياته ومصادرة والمنتديات مازالت اداة غير دقيقة للتقييم اما التجارب والخبرات والاراء والنقاشات الجادة والموضوعية والمستندة على اشخاص حقيقيين وعقليات ناضجة وبعيدا عن الاثارة والتهويل والدعاية والترويج فديه الحمد لله مكانها هنا ودكتور عبدالسلام وباقى الاسرة من الاعضاء يعتبرو من النخبة اللى قدرت فعلاً تفيد قطاع عريض من الناس بتجارب وخبرات صادقة بدون اى مصالح شخصية وباسلوب شيق ومبسط يضارع فن التدوين وبدون اخلال بالنواحى الفنية

تسلم ايدك يا دكتور على التدوين الممتع والتقرير المقنع والتقييم الموارب وبإذن الله بعد صيانه العشرين هتكون الدنيا اوضح وتكون قدمتلنا بانوراما مجسمة عن العربية

بالنسبة لموضوع النتروجين حضرتك لو عدين الناحية التانية من جسر السويس ورا حديقة بدر هتلاقى درش بتاع الزوايا عنده نتروجين وعنده احدث جهاز زوايا يطمنك على زوايا العربية
وبالنسبة للهبد ده بيبقى صوت كاوتش مش مليان كفاية زى كورة مش مليانة مظبوط لازم تهبد لكن باستخدام النتروجين تقدر تظبط الكاوتش بالمقاس الستاندرد من غير ما تخاف الكاوتش ينفجر مع السرعة او الحرارة زى ما بيحصل مع الكاوتش العادى وديه ميزة النتروجين
لكن فيه ناس فاكرة النتروجين ده بيطرى العجل ويمتص المطبات وووو لاء برضو هو مش للدرجة دى
هو الموضوع انه بيديك اداء ادق واكثر ثبات لضغط الكاوتش وده هقلل من الهبد وهيقلل من استهلاك البنزين بس هيقلل من الثبات كمان الا لو الكوتش رفيع
انا بقالى فترة بتابع منتديات ومواقع اجنبية مستمعتش عن كلام عن السيراتو فى موضوع الهبد ده خالص ولا العفشة بالشكل اللى الناس بتتكلم فيه هنا ده ابداً لكن وارد تكون ظبط زوايا او ظبط كاوتش

رد: اختبار قياده و ملاحظات على النيوسيراتو أول 700كم

هههههههههههه
ايوه بقي يا دكتور :)
والله كلامك زي العسل و عجبني خطاب التهديد و الهجوم الاخراني ptmnlo123per195
ptmnlo123per171 و علي كلامك في موضوع اخر "ان السقها اقل من 200 م و نزل يكلم . الخ"
و الموضوع ده يخود افضل تقيم و افضل موضوع ل 2010
مبرووك ربنا يديك خيرها و يبعد عنك شرها
ادعلنا ربنا يسهل و اغير ان شاء الله قريباً

رد: اختبار قياده و ملاحظات على النيوسيراتو أول 700كم

تسلم ايدك يا دكتور على التقييم الموضوعى المحترم, و اسلوب بسيط و جميل
فى انتظار تقرير الالف و المائة الف ان شاء الله

رد: اختبار قياده و ملاحظات على النيوسيراتو أول 700كم

اولا : الف مليون مبروك يا دكتور على العربية وان شاء الله ربنا يديلك خيرها ويكفيك شرها وشر الطريق واللى ماشيين فيه

ثانيا : لسوء حظى وظروف سفرى للصين ماتبعتش الموضوع اول بأول لكن من حسن حظى انى قريته كله على بعضه من الالف للياء واحب اقول لحضرتك وبأمانة شديدة انى قريت تقارير كتير وقليل هنا وفى منتديات اخرى ماشوفتش تقرير تشريحى ودقيق ومفصل ومبسط ومشوق بالطريقة دى( واضح ان حضرتك دكتور تشريح مش نساء وولادة وطوارىء ) :HAPPY_~211:

لدرجة انى حسيت انى قاعد فى العربية وباسوقها بنفسى ولامس وشايف كل حتة فيها

وخلاصة التقرير اللى فى الاقتباس لاتصدر الا من حكيم حقيقى وخبير محنك

اقتباس:

المشاركة الأصلية كتبت بواسطة Dr. Bolbolan (المشاركة 123792)

تقييمى للسياره حتى الآن ! سياره موتورها ممتاز وفراملها ممتازه ومنظرها شيك وواسعه من الداخل و معظم

الكماليات حقيقيه و شغاله وليست من نوعيه رديئه ! قد يكون فيه عيوب فى العفشه و لكنها لسه غير واضحه لى

حتى الآن ! توجيهها جيد و دركسيونها ثقله معقول بس غير مرن فى ارتداده فى الملفات ! الرؤيه الخلفيه سيئه

وعالجوها بمؤايات الجنب المتحركه وبالسنسور الخلفى ! بس برده مش مريحه بالنسبه لى !

السياره دلوعه وأعتقد ليست للخدمه الشاقه ! يعنى اللى عاوز تاكسى أو بيعمل مشاوير كثيره جدأ فى شوارع

زى الزفت والهباب ! ما يشتريهاش ! برده اللى عاوز يدخل بيها فى الحيط أو يقلب بيها القطر ! ما يشتريهاش !

الشباب اللى عاوزه تجرى و تعمل بيها مغامرات ! ما يشتروهاش علشان هيه أقوى من كفائتهم و ح يحصل لهم

حوادث والعياذ بالله ! اللى بيدور على عربيه بتوفر بنزين وقطع غيارها رخيصه ! برده ما يشتريهاش !

اللى بيخاف من الكلام بتاع المنتديات و مدعى الخبره فى جميع أنواع السيارات ! ما يشتريهاش !

من الآخر ! دى بتاعة ناس مستريحه شويه ماديآ بحيث تقدر تصرف على بنزينها و قطع غيارها بدون تعب أو مجهود !

وقبلها تقدر تدفع ثمنها ولو باعتها بخساره كبيره ! ما يزعلوش ! و بتاعة ناس بتسوق بحرص الى حد ما ! تجرى

آه و تعمل بيها كل حاجه لكن من غير ما تعتقد أنها السياره التى لا تقهر ! برده بتاعة ناس عندها أكثر من سياره

يعنى مش ح تستعملها كبابور حرث ! هى مثل البذله الجميله النظيفه اللى بتعينها فى الدولاب و بتلبسها فى المناسبات

الهامه أو عند تدليع نفسك ! أنا اشتريتها و سمعت كتير عن عيوبها لكن حبيتها ! واللى بيحب بيتغاضى عن عيوب

حبيبه و بيتعايش معاه ! كل الناس عايزه السياره اللى 2000 سىسى و مابتاكلشى بنزين و قويه وسريعه وتسارعها

خطير و أوتوماتيك و صاجها متين وواسعه من جوه و كراسى جلد وجميع الكماليات اللى يعرفوها واللى ما يعرفوهاش!

واللى تجيب أعلى سعر عند اعادة البيع ويكون شكلها حلو ولونها حلو ورخيصه جدآ وياسلام لو بالتقسيط على 10

سنين! صدقونى لو فيه عربيه بالمواصفات دى و فى مصر ! كانت كل منتديات السيارات قفلت ! و كل أنواع السيارات

الآخرى بارت ! وكان ح يطلع ناس تقول لآه ده فيه أحسن من كده أو ناس تقول هوه مافيش الا نوع واحد ؟؟؟

وفى الآول و فى الآخر دى حتة حديده لا راحت ولا جت ! وفيه اللى أقل منها واللى أحسن منها بمراحل !

Dr. Bolbolan ptmnlo123per122

اقتباس:

المشاركة الأصلية كتبت بواسطة Dr. Bolbolan (المشاركة 123858)

Thank you Dear,
You know curiosity killed the Cat
I didn't recommend not to Buy it, But I recommend it to a special kind of People

Dr. Bolbolan ptmnlo123per122

مبروك مرة تانية وتالتة ومليون .........حتى تستغيثptmnlo123per1106

وسامحنى واعذرنى لانشغالى الفترة اللى فاتت عن حضرتك وعن المنتدى

ومتشكر جدا لاهتمام حضرتك بى وبسؤالك عنى

رد: اختبار قياده و ملاحظات على النيوسيراتو أول 700كم

حمدا لله على السلامة يا ابو صلاااااااااااااااح