مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - تعرف على كورسير (https://www.masrmotors.com/vb/showthread.php?t=60484)

رد: تعرف على كورسير

حبيبى كورسير ....مش تقولولى ياجماعه ....انتو نازلين فيه عصر كده ليه.
عندى كام سؤال كده ....خد عندك
الاول ...حاسس بفرق بين كرسى الاعتراف ده وكرسى الحمام
الثانى ...لو محدفتكش الظروف وعشت فى مصر وفضلت فى الصعيد كان هيبقى دمك خفيف كده ذى دلوقتى .
السؤال الثالث ...بما انك الصديق الصدوق لأستاذ احمد بدر عايز اعرف سر الحوادث الكتير إللى الراجل بيعملها .
السؤال الرابع ....إيه تأثير فيلم كتكوت عليك .
السؤال الخامس ...بما إنك رافض الجواز ومشعايز تتجوز تقدر تجول كده عندكم فى الصعيد وتعلنها رسمى .
وكفايه عليك كده النهارده

رد: تعرف على كورسير

اقتباس:

المشاركة الأصلية كتبت بواسطة corsair (المشاركة 454221)

حبيب قلبي محمود باشا سئلتني سؤال دايما بسئله لنفسي هعمل ايه لو بقيت رئيس جمهورية

بص يا زعيم هيه معادله صاعبه وهتعتمد علي الشعب ده انه يبطل نفاق وسرقة وساعتها هنشوف النعيم علي حق

بس انا لو توفرت تحت ايدي العوامل المساعده

اول حاجه هعملها همحي المساكن العشوائية ديه نهائي وهنبني مساكن محترمه للناس تقعد فيها مش عشش وقرف

ثانيا هعمل دروس تعليمية في كل منطقة من سكان المناطق العشوائية علشان نقضي خالص علي البلطجة وقلة الادب

ثالثا ههتم بالتعليم الاساسي علشان هو ده اللي بيبني الشخصية للطفل ويخليه يقدر يدي للبلد

رابعا هطبق القانون الاسلامي في السرقة والقتل والزنا علشان اللي يشوف كدا يفكر الف مره قبل ما يأذي حد

خامسا هدعم الجيش بأحسن الاسلحة وابني مصانع حربية خاصة بينا ونبطل نستورد اسلحة من بره وهعدل اتفاقية كامب ديفيد ديه وهمنع تصدير الغاز عن طريق الاستطلاع الشعبي وساعتها اسرائيل تبقي تقابلني وهيه بتقاضي الشعب

سادسا هخلي قناة السويس التعامل فيها بالجنيه المصري علشان الجنيه يرجع ياخد وضعه الاصلي بين العملات

سابعا اي حد هعرف انه عطل مصلحة مواطن علشان رشوة او اي حاجه هطلع تـــــــــيــــــــــــت بس كدا

ثامنا همنع الافلام المسفه اللي عملت فينا كل ده واي حد هيتعدي حدوده يستحمل بقا

تاسعا هفتح الصحر للتعمير وهدي لكل شاب فدان ارض مجانا والمرافق مجانا من ميه ونور وغاز لحد ما المشروع يقف علي رجله

عاشراُ هخصص ميزانية خاصه للبحث العلمي والتعليم

حبيبى يا كورسير بجد انا كدة هنتخبك رئيس لمصر وربنا معاك على الاخوة الاعضاء شوفت انا سألت سؤال واحد بس

رد: تعرف على كورسير

ابو الكراسير يا جامد :260309~352: اسمحلى اسالك كام سوال من بره المنهج
وبما انك من شباب الثوره اجب عن السؤال الاتى.
س1: لو اتعرض عليك تشكل الوزراه الجديده من اعضاء المنتدى هتختار مين فى كل وزاره .
نخش بقا على الاسئله الشخصيه
س2: هل انته مدخن ام لا .
س3 : ازاى اتعرفت على مصر موتورز.
س4: مين اكتر صديق ليك هنا فى المنتدى .
س5: ايه اعلا سرعه مشيت عليها بالفيرنا وهل انته من محبى الجرى بالعربيه ولا بتحبى تمشى برحتك
س6: بتصيف فين وبتحب تقضى وقت اجازتك ازاى
س7: ايه فيلمك المفضل ونوعية الافلام اللى بتحب تتفرج عليها دراما -اكشن-رعب.
س8: ايه اكتر اكله بتحبها وبتعشقها.
اتمنى تكون اسئلتى سهله وخفيفه على قلبك يابو حميد:THE_PR~18:

رد: تعرف على كورسير

الله ينور يا شباب :fun_10_1_124[1]::fun_10_1_124[1]::fun_10_1_124[1]::fun_broken::fun_broken: :fun_broken::fun_broken:

رد: تعرف على كورسير

اقتباس:

المشاركة الأصلية كتبت بواسطة احمد بدر1978 (المشاركة 454505)

الله ينور يا شباب :fun_10_1_124[1]::fun_10_1_124[1]::fun_10_1_124[1]::fun_broken::fun_broken: :fun_broken::fun_broken:

الدور عليك يا استاذ احمد وكورسير مش هيرحمك:010104~171: