مصر موتورز مجتمع السيارات - تعديل فيات 126 لاوتوماتيك ... وبعض المشاكل ...

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

- - تعديل فيات 126 لاوتوماتيك ... وبعض المشاكل ... (https://www.masrmotors.com/vb/showthread.php?t=118869)

رد: تعديل فيات 126 لاوتوماتيك ... وبعض المشاكل ...

اقتباس:

المشاركة الأصلية كتبت بواسطة atgps (المشاركة 919057)

للأسف كلام خطأ

http://www.masr1.com/di-VP8H.jpg

لو اعتبرنا ان ال master axle رقم 1
وال slave axle رقم 2
ومحيط الترس a يساوى 4 مرات محيط الترس b
وكذلك الترس d يساوى 4 مرات محيط الترس c

عندما يدور الاكس رقم 1 لفة واحدة ومعه طبعا الترس a سيدور لفة واحدة أيضا وبالتالى سيدور الترس b عدد 4 لفات
وبالتالى الاكس 2 سيدور 4 لفات أيضا
السؤال هنا هل لو دار الترس c لفة واحدة، سيدور الترس d عدد 4 لفات ام ربع لفة؟
كلامك يكون صحيح فى حالة واحدة فقط ان يكون أى من تلك التروس فى حالة حرة ولا يدور مع الاكس وفى هذه الحالة ليس له فائدة من وجودة.

اولا الصورة محطوط عليها كوبى رايت و ده معناه ان حضرتك مش من حقك تحملها و تعدل عليها و ترفعها تانى - ده تصرف غير مقبول بالمرة

ثانيا اسوء شئ فى الكوكب ان حد يجى يلعب فى تصميم الحد التانى و تفاصيله اللى مش من حقك تعرفها

ثالثا الاكس اللى انت مشاور عليه على انه الاكس الماستر مش هو الماستر
القطعة اللى حضرتك مشاور عليها مش هيا الاكس الاكس جوه القطعة دية الاكس هو بقية القطر الصغير اللى ماشى القطعة دية هتمسك على اويل سيل فى العلبة نفسها

نيجى بقى لحوار التروس انت عندك النسبة مش 1:4 و عندك عدد السنون بتاعة المجموعة الاولى مش متساوى مع عدد تروس المجموعة التانية و النسبة بين هنا لهنا مهمتها تظبط التوافق بين دوران المجموعة الاولى و المجموعة الثانية فميحصلش مشكلة بينهم مستحيل دول ما يدوروش او يعيقو الحركة - انا مش مجبر اعرفك تفاصيل مذكرتهاش من البداية

رد: تعديل فيات 126 لاوتوماتيك ... وبعض المشاكل ...

اقتباس:

المشاركة الأصلية كتبت بواسطة ramy safwt (المشاركة 919190)

مش فاهم معنى الكلام اللى انت بتقوله حقى وحقك ومفروض
أولا انت ماتعرفنيش عشان تتكلم معايا بالاسلوب ده
انا ماأخدتش تصميمك اللى بتقول عليه وفيه فرق بين انى اخد التصميم أو اشرحلك عليه اخطائك.
ثانيا مش انت اللى حتعلمنى الصح والغلط أظن كلامى مفهوم.
وعلى فكرة انا مايهمنيش انك تعرف الخطأ ولكن اللى يهمنى ان مافيش حد يكون بيتابع الموضوع ويتعلم حاجة خطأ.

رد: تعديل فيات 126 لاوتوماتيك ... وبعض المشاكل ...

يا بشمهندس ramy safwt
انت الغلطان من الاول لاني فعلا عاوز افهم الصورة ومش فاهمها ومش داخلة عقلي
من ناحية التعشيق
فياريت الشرح
يا بشمهندس atgps
اسمحلي اقولك فعلا انت غلطان من ناحية التشكيك
كان وجب عليك تطلب الشرح او المراسلةعلي الخاص
تقبلي تحياتي

رد: تعديل فيات 126 لاوتوماتيك ... وبعض المشاكل ...

اقتباس:

المشاركة الأصلية كتبت بواسطة amr elsisi 1 (المشاركة 919229)

الرجل صاحب الموضوع قالى ايه موضوع الريفيرس قولتله هحطلك تصميم يوضحلك لكن مش هديلك قياسات بدون ما تدينى معلومات نهائية عن الفتيس و العزم و خلافه و بالتالى لم اضع تفاصيل لأن مش كل حاجه لازم اشرحها

بأختصار كده الراجل عنده بيلف فى اتجاه معين اللى هيحصل هنركب العلبة دية على خرج كل جنب بيوصل على الكوبلن فتكون دية ما بين مكان الكوبلن و الكوبلن نفسه

هيا عبارة عن مجموعتين و علبه بتلمهم المجموعة الأولى ترسين و اكس و طبق بلى و جوينت بيدخل فيه الاكس كله و ده ليه مهمة عشان لما الكوبلن نفسه يضغط بأتجاه البلية يمنع الضغطة دية من انها تتربس التروس و تكسر البلية نفسها و قاعدة يوصل عليها الفتيس مكان الكوبلن الداخلى و اويل سيل عشان الزيت

المجموعة التانية شارحه بس بتختلف ان ليها قاعدة يركب عليها الكوبلن الخارجى و ليها قاعدة بعمق مخلف

دلوقت مجموعة التروس انا صممتها بعدد معين من السنون عشان احفظ التزامن بينهم فى الدوران و حطيت قطر افتراضى و سمك افتراضى للتروس لحد اما الراجل يدينى معلومات عن الفتيس و العزوم

جه الراجل المحترم ده يشكك و يقولك لا مش هتدور و بعدين يقولك النسبة 1:4 و هو اصلا معندهوش اى معلومة عنه و كمان حمل الصور و حط عليها ترقيم بمزاجه

مع العلم انى اشتغلت ساعتين على التصميم عشان اظبط الحسابات بتاعتها و مجربها على السيميوليشن قبل ما احطها مع انى كان ممكن اريح دماغى و اخليهم ترسين عاديين و خلاص ؟ تقدر تقولى هتسفيد ايه اساسا لما احطله مجموعة مش هيا

و كمان بيقولى يهمنى ميتعلمش حد حاجه غلط

و يقولى انت متعرفش انا مين يا عم انت واحد غلطان و كل اما حد يحط حاجه هنا تقعد تطلعله القطط الفاطسة فيه و مشاركاتك تشهد عليك

رد: تعديل فيات 126 لاوتوماتيك ... وبعض المشاكل ...

اقتباس:

المشاركة الأصلية كتبت بواسطة ramy safwt (المشاركة 919242)

و يقولى انت متعرفش انا مين يا عم انت واحد غلطان و كل اما حد يحط حاجه هنا تقعد تطلعله القطط الفاطسة فيه و مشاركاتك تشهد عليك

برضه بتغلط تانى، ياريت تخلى اسلوبك محترم.
ولو كنت عايز أطلع القطط الفاطسة زى مابتفول فده سهل جدا لأن معظم مواضيعك مليئة بالأخطاء بس المواضيع ديه ليست ذات أهمية.