مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - تعرف على كورسير (https://www.masrmotors.com/vb/showthread.php?t=60484)

رد: تعرف على كورسير

اقتباس:

المشاركة الأصلية كتبت بواسطة محمود زيزوو (المشاركة 453971)

حبيبى كورسير بص يا سيدى لو بقيت رئيس جمهورية لمدة يوم اول عشرة حاجات هتعملها اي هى :fun_36_3_16[1]:

حبيب قلبي محمود باشا سئلتني سؤال دايما بسئله لنفسي هعمل ايه لو بقيت رئيس جمهورية

بص يا زعيم هيه معادله صاعبه وهتعتمد علي الشعب ده انه يبطل نفاق وسرقة وساعتها هنشوف النعيم علي حق

بس انا لو توفرت تحت ايدي العوامل المساعده

اول حاجه هعملها همحي المساكن العشوائية ديه نهائي وهنبني مساكن محترمه للناس تقعد فيها مش عشش وقرف

ثانيا هعمل دروس تعليمية في كل منطقة من سكان المناطق العشوائية علشان نقضي خالص علي البلطجة وقلة الادب

ثالثا ههتم بالتعليم الاساسي علشان هو ده اللي بيبني الشخصية للطفل ويخليه يقدر يدي للبلد

رابعا هطبق القانون الاسلامي في السرقة والقتل والزنا علشان اللي يشوف كدا يفكر الف مره قبل ما يأذي حد

خامسا هدعم الجيش بأحسن الاسلحة وابني مصانع حربية خاصة بينا ونبطل نستورد اسلحة من بره وهعدل اتفاقية كامب ديفيد ديه وهمنع تصدير الغاز عن طريق الاستطلاع الشعبي وساعتها اسرائيل تبقي تقابلني وهيه بتقاضي الشعب

سادسا هخلي قناة السويس التعامل فيها بالجنيه المصري علشان الجنيه يرجع ياخد وضعه الاصلي بين العملات

سابعا اي حد هعرف انه عطل مصلحة مواطن علشان رشوة او اي حاجه هطلع تـــــــــيــــــــــــت بس كدا

ثامنا همنع الافلام المسفه اللي عملت فينا كل ده واي حد هيتعدي حدوده يستحمل بقا

تاسعا هفتح الصحر للتعمير وهدي لكل شاب فدان ارض مجانا والمرافق مجانا من ميه ونور وغاز لحد ما المشروع يقف علي رجله

عاشراُ هخصص ميزانية خاصه للبحث العلمي والتعليم

رد: تعرف على كورسير

اقتباس:

المشاركة الأصلية كتبت بواسطة ابوشروق (المشاركة 454094)

اخى وصديقى كورسير
انا مش هسئل فى حاجه لأنى قابلتك مره واحده فى مقابلة أ.سيف رأيت أنسان بكل ما تحمله معانى الكلمه انسان يجب ان أكن له كل تقدير وأحترام ومعزته فى قلبى لآتوصف وأتمنى من المولى عزوجل أن تدوم صداقتنا طول العمر
على فكرة موضوع لون العربيه ومصادفة نزول التاكسى الابيض غير صحيحه
لأن انت أخترت الون الابيض لون الصفاء
أكبر دليل على مدى طيبت قلبك وصفائه

والله يا استاذ ايمن انا مش عارف اقولك ايه الصراحه كلام انا مش قاده خالص وكل الصفات ديه حضرتك اللي تتوصف بيها مش انا واكتر منها كمان

ربنا ما يحرمنا من مشاركاتك الجميلة ويخليلك العسولة بنتك اللي جات المقابلة وكان نفسي المقابلة تطول علشان نقعد مع بعض اطول فترة ممكنه بس الجيات اكتر ان شاء الله اشوفك في عيد ميلاد المنتدي

رد: تعرف على كورسير

اقتباس:

المشاركة الأصلية كتبت بواسطة hyundai2005 (المشاركة 454128)

ايه الحيلاوه دي ياكورسي يابني انا مش قوقلتك تخلي بالك ومتخليش حد يضحك عليك ويشربك حاجه اصفره ويقعدك فحته وحشه ؟

ربنا بستر وتقوم علي الكرسي بالسلامه
سؤال بقي من نفسي ؟

ايه رأيك في حال مصر موتورز الفتره دي ؟ ولما تغير الفيرنا نفسك تركب ايه ؟

حيلاوه وكورسي والله انتا هتجنني انا محدش معقدني في المنتدي قدك انتا يا ابو حميد هههههههههههههههههههه حبيب قلبي والله

وبعدين متقلقش انا شربت حاجه اخضره بس موصلتش لسه للاصفره وبعدين شكل الكرسي ده هيتقطم في نهاية الموضوع انا جالي بواسير من كتر القاعده عليه ههههههههههه:k_crying77[1]:

انتا عارف يا ابو حميد انا لو قعدت اتكلم علي حال مصر موتورز ده مش هيكفيني يجي 100 صفحه كتابه بس انا هختصرلك الموضوع في الاتي حال مصر موتورز يصعب علي الكافر بالذات الفترة اللي بعد الثورة ديه مش عارف ايه اللي حصلنا اتحولنا ولا ايه مش فاهم مبقناش بنطيق نسمع كلمه من حد ولا بنقبل اي قرار وكل واحد هنا ماشي بدماغه مش عارف ليه والله احنا اتحسدنا كان بيضرب بينا المثل في المنتديات التانية علي الترابط الرهيب اللي كان بينا واللي اتمني انه يفضل بينا

بس هنعمل ايه مفيش بأدينا حاجه غير الدعاء بالهدايا وربنا يعدي الازمه ديه علي خير والنفوس تتصافي وتتراضي وان شاء الله كل ده يتم في عيد ميلاد المنتدي

وبالنسبة لموضوع العربية عندي لو بعتها مش هجيب بردك صيني هههههههههههههههه اوعي تحلم

هجيب لوجن يا معلم علشان خاطر علوها ووسعها فقط لا غير

رد: تعرف على كورسير

اقتباس:

المشاركة الأصلية كتبت بواسطة tarek elbadry (المشاركة 454136)

احمد حبيبى :36_1_1[1]:
اوعى تهرب انتة مش ها تخلى قلبك بلون عربيتك وتخش موضوعك تاكسى السهرة

انسييييييييييييييييييي يا طاروقه قلبي هغير لونه مع لون العربية اسود ميتالك ههههههههههههههه

اقتباس:

المشاركة الأصلية كتبت بواسطة nktis (المشاركة 454153)

24 سنه ..........
هما سؤالين وبس ...

يا دكتور نوح خد راحتك

اولا .. بما ان اشتغلت 3 شهور في صيدليه .؟
اذكر لي 52 صنف مسكن؟

ال 52 صنف دول هذكرهم في الجنة ان شاء الله انتا صدقت ده انا كنت بعدي بس كدا من قدام الصيدليه لمدة 3 شهور ههههههههههههههههههههههه

ثانيا.. بتحب السمك ولا التونه.؟

انا بعشق التونة القطعه الواحده بالجنزبيل والكامون والشطه والليمون والخل وحبة البركة فقط لا غير غير كدا ابعدني خالص

رد: تعرف على كورسير

اقتباس:

المشاركة الأصلية كتبت بواسطة احمد بدر1978 (المشاركة 454165)

الله ينور يا شباب:GROWIN~12:
عايزكم تعصروة يمكن يخس فى اديكم :10FEE3~1106::10FEE3~1106 :

ان شاء الله هجيبلك الحاج شعبان هنا واعمله عضوية واخليه يعصرك بمعرفته يا بعيد روح :fun_36_6_2[1]:

اقتباس:

المشاركة الأصلية كتبت بواسطة محمد زكي (المشاركة 454188)

غصب عني والله مسحول مع الجيش وكان عندي شغل في وسط الجيش طحني بس وعلي فكره انا في النخيل عندكو في اسكندريه حاليا

ياااااااااااااااااااااااا ااااااااااااااااااااااااا اااه

انتا فين يا ابني حرام عليك الغيبه ديه كلها الجيش خطفك مننا كدا من غير لا أحم ولا دستور

عامل ايه يا زعيم المسرح العالمي

والله واحشني

ظبط بقا مع القائد عندك علشان تفضي نفسك في عيد ميلاد المنتدي

اقتباس:

المشاركة الأصلية كتبت بواسطة amrmohamed1975 (المشاركة 454197)

انا بقول فرصة طالما محمد زكي معانا النهاردة و اجازة من الجيش نريح كروسير شوية و فرصة نريح الكرسي و محمد زكي يقعد على كرسي الاعتراف ايه رايكو :12EA7A~153:

يا ريت والله يسمعوا كلامك يا عموره انا هموت وانام