مصر موتورز مجتمع السيارات - تعديل فيات 126 لاوتوماتيك ... وبعض المشاكل ...

تحية كبيييييرة قوى للموضوع الجميل و العربية دى فعلاً تستاهل كل الاهتمام دة و اكتر من كدة كمان
فى البداية انا كان عندى قبل كدة 126 و عارف قد اية العربية دى تحفة و من العربيات الى حبتها جدااااااا و سواقتها ممتعة جدا و حجمها عبقرى و لو كانت لسة بتتباع زيرو و اللة كنت فكرت فيها بجد
بس انا ليا وجهة نظر فى موضوع التعديل دة يمكن يكون احسن ليك و هو الهوندا سيفك 1978
العربية دى تقريبا فى حجم ال 126 يعنى اكبر حاجة بسيطة
بس فى المقابل هتريحك فى كل التعديلات الى انت عايز تعملها و دة لانك بكل سهولة هتختار من كل مواتير الهوندا الى انت عايزة حتى لو كان 2000 cc براحتك و اتوماتيك و تكييف و باور
و عندك حوض موتور معقول جدا بتعديلات بسيطة تقدر تظبطة علشان ياخد الموتور الى انت عايزة
و كمان العربية نفسها كبودى اقوى من ال 126 و صالونها لما يتشد صح هيكون شيك جدا و اوسع
وكمان سعر الهوندا هتلاقية برضة ضايع لانها فى الغالب بتكون حالتها تعبانة و انت كدة كدة هتفور كل حاجة و تشدها على مزاجك يعنى لما تشتريها و موتورها مفوت مش فارقة لانك كدة كدة هترمية و هتسقط موتور غيرة و كذلك الكاوتش و الجنوط و الصالون كل دة انت هتفورة علشان يتعمل صح فبالتالى انت مش محتاج الحاجات دى تكون سليمة من الاصل
عربيتك انت بتقول شاريها ب 5500 يعنى اكيد حالتها حلوة فممكن تبيعها لحد يستفيد بيها كدة على وضعها و بالفلوس دى تجيب الهوندا و تعمل كل الى انت عايزة و هتوفر عليك مجهود كبيير جدا و فى الآخر النتيجة هتكون احسن ان شاء الله
انا الى جاب الموضوع دة فى بالى ان انا كان نفسى برضو اسقط موتور تانى لل 126 و بعدين دكتور زميل ابويا اشترا الهوندا دى لابنة و حسيت انها تستاهل التعديل اكتر من ال 126 و بعدها بعت العربية و كسلت
اتمنى لك كل التوفيق و ان شاء الله تعمل عربية تعجبك و ربنا يوفقك