مصر موتورز مجتمع السيارات - تجربه شيفروليه كروز (حازم خضر)

مصر موتورز مجتمع السيارات (https://www.masrmotors.com/vb/index.php)

- كروز (https://www.masrmotors.com/vb/forumdisplay.php?f=154)

- - تجربه شيفروليه كروز (حازم خضر) (https://www.masrmotors.com/vb/showthread.php?t=25821)

رد: تجربه شيفروليه كروز (حازم خضر)

شكرا يا حازم باشا على التقرير الرائع و المحترف, فعلا جعلنى اقيم السيارة, و اى شخص مقبل على شرائها هيستفيد بوصفك الوافى و الدقيق.
و حسنا فعلت بتركيزك على طابع السيارة الاوروبى,
فالكروز عربية كورية الصنع لكنها تميل الى كونها المانية أكثر, و ليس ذلك بعجيب, فدايو من زمان تصنع سيارات معتمدة على تكنولوجيا جنرال موتورز و بالتحديد اوبل, فممكن نقول انها سيارة امريكية المانية التصميم تصنع فى كوريا, و لهذا تعتبر افضل الكوريات.

رد: تجربه شيفروليه كروز (حازم خضر)

استاذ حازم الا ترى ان الباور الهيدروليكى افضل من الكهربائى خاصه على السرعات العاليه؟

رد: تجربه شيفروليه كروز (حازم خضر)

تقرير جميل ياحازم وانا كنت مستنى الكماله والتفاصيل عشان اشكرك بشده
من التقرير انا كونت فكره ان العربيه فخامه فى التصميم الخارجى والداخلى لكن اداء السياره مش داخل دماغك صح؟
اسلوبك رائع ياحازم فى السرد وتسلم ايدك ياجميل

رد: تجربه شيفروليه كروز (حازم خضر)

اقتباس:

المشاركة الأصلية كتبت بواسطة mida012 (المشاركة 181077)

هوة دة الكلام ياوحش الكروز ومرود الشيفو
تسلم

حلوه مرود الشيفو دي يا ميدا شكرا ليك علي كلامك الجميل:)

اقتباس:

المشاركة الأصلية كتبت بواسطة بدر بسيونى (المشاركة 181084)

ايو كده ياحازم باشا هو ده الكلام وهو ده حازم خضر اللى كلنا عارفين هو ده التحليل انا بفكر نعملك برنامج حازم جير وتقطع على توب جير

شكرا يا بدر باشا انت برضه مجهوداتك باينه و بالنسبه للبرنامج انا ممكن اعمله بس في قناه (بدر موتور ) :HAPPY_~211:

اقتباس:

المشاركة الأصلية كتبت بواسطة حاتم سعيد (المشاركة 181137)

دائما انت الاول واهلا للخبره و اشكرك على هذا التقرير الرائع و تمنياتى للك بالتوفيق

الله يخليك يا حاتم باشا دا بس من زوقك و كلامك دا وسام علي صدري

رد: تجربه شيفروليه كروز (حازم خضر)

اقتباس:

المشاركة الأصلية كتبت بواسطة miam0502788391 (المشاركة 181138)

شكرا ليك يا أستاذ حازم من كلام حضرتك ممكن اكون رأى عن العربية فى ان أفضل حاجة فيها هو التصميم سواء الخارجى او تصميم التابلوه مع جودة الخامات المستخدمه فيه واتساع الصالون لكن على مستوى الديناميكية العربية تاخد تقدير جيد فقط وهذا لحين ما الوكيل يحاول ينزلها بمحرك افضل من 106 حصان اللى نازلة بيه دلوقتى او ينزلها بمحرك الدايو لا سيتى المتطور عنه

بالضبط يا ميام باشا
و هو دا غرض الموضوع انا حبيت اكتب التجربه بس اسيب كلام بين السطور من غير ما اقوله
و يمكن دا اللي كان مخليني فتره طويله مش عارف اكتب التقييم علشان اوصل بيه للمرحله
اللي تخلي واحد زي حضرتك كده يتمعن فيه و يفهم اللي عاوز اقوله
و فعلا ملخص المقال كله في السطرين اللي حضرتك كاتبهم
تحياتي ليكptmnlo123per122

اقتباس:

المشاركة الأصلية كتبت بواسطة sam ram (المشاركة 181176)

هو ده الكلام ....
تسلم ايدك يا زووما ..
عايزين بقى حاجه ساقعه علشان نهضم :)

سامح باشا الله يخليك
بس الموضوع دا عاوز ميه خضرا بقي مش حاجه ساقعهptmnlo123per154

اقتباس:

المشاركة الأصلية كتبت بواسطة salahabdelnabi (المشاركة 181178)

ايوة كده ..... هى دى التقارير والا بلاش

تسلم ايديك يا زوما :THUMBS~220:

وانا بأيد الاستاذ بدر فى فكرة برنامج زوما جير بدل توب جير ptmnlo123per198

يالا بقى مستنيين تجربة البورش ........ العربية طبعا مش حاجة تانية !!!! هههههههههه

صلاح باشا مفيش مشاركه ليك الا لما بترسم الضحكه علي شفايفي من الودن للودن:CONGRA~238:
اما بالنسبه لتجربه البورش فدي حتبقي تجربه صعبه اوي محتاجه كام موضوع من مواضيعك و ابو رجل مسلوخه يجي ياخدنا كلنا نجرب البورش بس البورش اللي بجد بقي مش العربيه:HAPPY_~211:

اقتباس:

المشاركة الأصلية كتبت بواسطة MiMoTech (المشاركة 181188)

فعلا مشاركة جميلة و جزاك الله خير
انا استلمت الكروز من اسبوع تقريبا و حاسس بكل كلمة قلتها لكن مكنتش اعرف طبعا اكتبها بالطريقة الجميلة دي.

انا بس عندي سؤال انا شفتك بتشكر في الفرامل، عربيتك من اي فئة ؟ علشان انا لسه ملحقتش اجرب الحكاية دي قوي. انا عربيتي اول فئة يعني مفهاش ايه بي اس. يا ترى في فرق؟

شكرا لكلامك يا ميمو باشا و ربنا يبارك لك في عربيتك و يديك خيرها و يحميك من شرها
بالنسبه للفرامل كانت من غير abs و فعلا فعاله لدرجه اني ساعات كنت بدوس عليها بحس ان العربيه فيها abs من قوتها و عدم زحف العربيه
كل اللي ضايقني ان الدواسه طريه شويه و محتاجه وقت للتعود عليها بخلاف معظم الاتوماتيك بتبقي دواسته ناشفه و فعاله في اول 3 سم لكن دي محتاجه تدوس اكتر علشان تحس بفاعليتها

اقتباس:

المشاركة الأصلية كتبت بواسطة of_hon (المشاركة 181287)

أيوه كده ياحازم بيه هو ده اللي انا كنت مستنيه من الأول

الف شكر يا باشا و اتمني ان يكون الموضوع بقي متكامل حاليا