مصر موتورز مجتمع السيارات - أساسيات القيادة الرياضية .

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - أساسيات القيادة الرياضية . (https://www.masrmotors.com/vb/showthread.php?t=31820)

رد: أساسيات القيادة الرياضية .

الله يخليك ياباشا, لاسعة صدر ولاحاجة, ده من ذوق حضرتك.

البوجيهات والسلوك غرضها توصيل الشرارة زى ماهى بالظبط من الموبينة الى السلندر من غير حصول فقد للشرارة بسبب مقاومة السلك أو البوجيه ليها علشان تحصل على شرارة قوية تقدر تحرق كل البنزين اللى داخل الى الموتور, وطبعا دى أحسن من اللى المصنع مركبها سواء فى السلوك أو البوجيهات, بس فيه ناس شايفة أن الموضوع كله خدعة وأنك مش هتستفيد حاجة بيهم, وناس شايفة أنهم حسوا بفرق فعلا بعد التغيير.

يعنى الشرارة هى هى, لكن أنت بتحاول تخليها تفضل زى ماهى بنفس الفولت والأمبير اللى خرجت بيه لحد ماتوصل للسلندر, وده غرض البوجيهات والسلوك الرياضية.

وخلى بالك أحنا زى ماقولنا قبل كده بنحاول نطلع أقصى طاقة الموتور يقدر يطلعها بدون اللعب فى دواخله أو تركيب تربو ليه, والبوجيهات مالهاش علاقة بالكمبيوتر لاهى ولا السلوك
(غير فى توقيت الشرارة طبعا:)), وطبعا سلوك أسمك يعنى مقاومة أقل, والمادة المصنوع منها البوجيهات والسلوك مقاومتها للكهرباء أقل برضه, وفيه موضوع أو أكثر فى تعديلات الأداء بيتكلموا عن البوجيهات بالتفصيل.

وعلب الديفل النضيف منها, وخلى بال حضرتك من كلمة النضيف, بتطلع صوت رياضى مع الضغط على الدواسة بس (زى الفلتر) مبتشتغلش عمال على بطال, وده بيرجع لتصميم العلبة من جوه, مش زى العلب المصرى والصينى ماسورة مفتوحة وخلاص:), وده للأسف معظم اللى ماشى فى الشارع, وعلب الديفل بالذات تمنها فيها, ولو هتشترى حاول تجربها على العربية بأنك تحطها على الشكمان القديم وتسمع صوتها.

ولو حضرتك عايز تسمع صوت الديفل بجد, أدخل على youtube ودور على sports muffler وأسمع أحلى صوت:)

رد: أساسيات القيادة الرياضية .

انا سمعت معلومه معرفش صح ولالا

هى ان الامريكانى بتاع العربيات الاتوماتيك بتكون واقف بالفتينس على N وتدوس بنزين جامد وتجيبه على D مره واحده تأمرك معاك بس حاسس ان الحركه تكسر علبه التروس مش عارف ليه

ياريت تصحح كلامى لو غلط لكن انا مجربتهاش الصراحه بس قولت بدل الموضوع مفتوح للمناقشه تنافش

وشكرا للتوبيك الجميل وعجبنى الموضوع اكتر لتحذيراتك الرزينه مش مجرد بتسخن الناس على الجرى والغرز وخلاص

رد: أساسيات القيادة الرياضية .

موضوع جامد جداً و نفس اجرب
بس ايه بقى العربيه اللى تستحمل الحاجات دى فى مصر

رد: أساسيات القيادة الرياضية .

اقتباس:

المشاركة الأصلية كتبت بواسطة venom9x2008 (المشاركة 256363)

موضوع جامد جداً و نفس اجرب
بس ايه بقى العربيه اللى تستحمل الحاجات دى فى مصر

أنا متهيألى العربيات فى مصر معمولة من الورق, يعنى لو تخيلنا أن واحد عمل بيها دريفت على 80 ولا حاجة تبقى حاسس أن المقص هيتكسر, الطنبورة هتتخلع, أو مسامير الجنط هتتكسر, لأنها فى الأساس عربيات مدينة ومش معمولة للأستعمالات دى, العربيات اللى تنفع للحاجات دى قوى هى العربيات القديمة خصوصا البى أم والفيات, علشان عضمهم ناشف والبى أم بالذات علشان ألمانى وتستحمل.

رد: أساسيات القيادة الرياضية .

كلام حضرتك ممتاز جدااا وعملي جدااا وانا جربتوا شخصيا كتير بسيارتي السابقة اوبل كورسا 1600 سي سي ولكن يوجد مشكلة في هذا الموضوع انوا بيخلي السيارة تستهلك بنزين فظيع جدااا لان عدد لفات الموتور تزداد ودة بيئدي الي حرق وقود اكتر