|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
||||
|
||||
عملتها النيو أكسنت ... ارجو الافادة ضروري
السلام عليكم يا أهل المنتدى ... ربنا يديكم الصحة كلكم و يوفقكم و يوفقنا ...
نخش بقى في الموضوع على طووووووووول ... المهم في يوم السبت اللي فات دة الموافق 2 مارس هههههه اللي اصابت فيه بعض سكان المحروسة ساعة نحس مستعر ... كان العبدلله على طريق المنصورة راجع القاهرة و و سايق على سرعة تتراوح بين 80 و 130 كم ... و الغيارات سلسة ... و حاطط على بتوع الميكروباص و النقل ... المهم الطريق دة مليان مطبات رخمة بلا ضابط او رابط ... هديت السرعة خالص و داخل على المطب و العربية تقيلة طبعا راجعين من البلد لسة بادي العربية الغيار التاني الاقيها مش عاوز تجيب الغيار و داخل على المطب احاول اجيب الاول برضوا مفيش ... طيب التالت مفيش .... المهم رفعت رجلي من على الفرامل و سيبت العربية على سرعة خفيفة يدوب عدت المطب و ركنت يميني احاول في الفتيس ابدا موووووووور و بس ... بطلت العربية و حاولت اجيب الغيارات مفيش برضوا ... المهم شاء ربنا انها تجيب الغيار الخامس بزرجنة و بعد منها الغيارات اشتغلت ... دورت العربية و حطيت العربية على الاول قام الفتيس فررر لحظة و خلص الصوت ... طلعت بالعربية مش مستوى قوة عربيتي الطلعة دي ... طبعا الحاج ابويا ربنا يديه الصحة عمال يقنع فيا ان العربية طبيعية و ان دي زرجنة فتيس و هتعدي ... المهم مطب في التاني و سحب العربية قل جامد و بقيت بطلع من العربيات الملاكي بصعوبة لم اعهدها من قبل ... خلص الطريق و داخل على طريق مصر اسكندرية من ناحية كوبري بنها لأول مرة اطلع الكوبري دة بالسرعة دي اللي هي 40 و على الغيار التاني و الموتور بيزعق و 5000 دورة في الدقيقة ... المهم قلت ساعة شيطان و العربية بتدلع ... عديت الكوبري و ماشي بالعربية على 80 و مش عارف اجيب اعلى منها على الغيار الرابع ... اتأكدت ساعتها ان العربية عطلانة .. و لو دخلت بيها القاهرة هتبقى معجزة من المولى عز و جل ... و ان انا كدة باحرق على الاسطوانة رغم ان مفيش ريحة شياط الاسطوانة ... المهم ما بهدلش الحاج و الحاجة معايا .. المهم دخلت المؤسسة العربية ماشية على 40 بالعافية ... وصلنا محطة كهرباء شبرا العربية بتخسع و الموتور شغال و التكييف شغال و كهرباء العربية شغالة يعني وظائف الموتور طبيعية ... الحاج قرر يستلمها لخبرته الطويلة في القيادة ... و عمال يتريق اني مش عارف اسوق عربية ... طبعا استسلم و معرفش يسوقها ... كمل سواقتها شوف انت كنت سايقها ازاي ... و جت عند ميدان المطرية و خسعت خالص و الحاج نزل يزقها لحد اما اتحركت و طلعت كوبري الحلمية بالعافية في معجزة كونية ... وصلت بيها البيت و اتشاهدت 3 مرات لوصولي بالسلامة انا و اسرتي ... بس قلبي يحترق على صغيرتي الحبيبة ذات اللون الاحمر ... ذراعي اليمين التي ابطش بها في وجه سائقي الميكروباص عديمي الرحمة ... ماستحملتش اشوفها عطلانة جريت جبت 2 ميكانيكيا و كلمت مركز الصيانة غبور العبور طلبوا مني اجيبها في اسرع وقت ... الميكانيكيا احتاروا فيها و رفضوا يحطوا ايديهم فيها و خصوصا انها لسة مكملتش 2500 كم ... المهم قررت اعمل بيها رحلة اخيرة لمركز الصيانة و في ذلك اليوم المنحوس و بعد اما مشيت جسر السويس و هو فاضي في ساعتين و بعد عبور كوبري العاشر في معجزة مجرية عظمى قررت صغيرتي التوقف عن الحركة و قلبها مازال ينبض بالحياة ... طبعا قطرتها لمركز الصيانة و هناك استمر مسلسل حيرتهم .... دة يقول اسطوانة ... و دة يقول زور فتيس ... و انا اقول بلية دبرياج او عمود درايك لأن العربية لسة 2500 كم ... و النهاردة كلموني و قالوا لي الاسطوانة محروقة ... و انا كنت متأكد انها محروقة لأني مشيت عليها ما يقرب من 80 كم و العربية مش بتسحب ... و متأكد ان العربية فيها عطل تاني ... و طالبوني بدفع 1600 جنيه مصري لا غير قيمة طقم دبرياج كامل انا كدة حكيت بالتفصيل الممل و حاولت ارفع عنكم الملل السؤال هو : 1 - ما هو سبب حدوث تلك المشكلة اذا علمت ان السيارة لم تقطع سوى اقل من 2500 كم 2- ما هو ردكم القاطع على الـ 1600 جنيه |
#2
|
|||
|
|||
رد: عملتها النيو أكسنت ... ارجو الافادة ضروري
حمدا لله علي سلامتك وسلامة اسرتك الكريمة
والله اعلم الاعراض اللي بتقول عليها كلها اعرض تلف اسطوانة ولكن الغريب ان الاسطوانة تتلف بصورة مفاجئة خلال مسافة لاتتعدي 2500 كم من عمرها وده انا ارجح رأيك ان في سبب تاني ورا تلف الاسطوانة وخليك ورا التوكيل لحد ما تحل المشكلة دي او ان نوع الاسطوانة اللي انت مغيرها رديء |
#3
|
||||
|
||||
رد: عملتها النيو أكسنت ... ارجو الافادة ضروري
الله يسلمك دي الاسطوانة الاستوكاية هههههههه بمعنى اصح مغيرتش اسطوانة قبل كدة و العربية من يوم اما اشتريتها عاملة اقل من 2500 كم ...
|
#4
|
|||
|
|||
رد: عملتها النيو أكسنت ... ارجو الافادة ضروري
حمدالاه عالسلامة من الواضح ان طريقت سواقتك هيا السبب والا ما كنش الحج والدك خد منك العربية انت بتمشى وبتامرك فاكتر من غيار وبتناور بتوع المكروباص الى بتبطشهم بيها وكويس انها مشيت معاك 2500 ك تقبل مرورى اما الفلوس تستاهل مش عندك ضمان ما دورتش عليه ليه اوع تزعل منى :014FDA ~117:
__________________
|
#5
|
||||
|
||||
رد: عملتها النيو أكسنت ... ارجو الافادة ضروري
مش مشكلة دبرياج خالص
مش انت بتقول بطلت العربية وحاولت تغير وبرضو مفيش
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
|
|